بصوا يا جماعة .... موضوع الفوجات وتركيبها كان صعب جدا وخاصة علشان حاجتها تقريبا نادرة جدا وبتحاول تقارن بين كذا حاجة ... احياجتها كالتالى:
1- الشبكة متفرغة من الحرفيين من عند العشرى بـ 120 جنيه..... لو انت وديتها لواحد يفرغها مش هتبقى مظبوطه غالبا.
2- المفتاح من عند محل اسمة الاستاذ فى الحرفيين ب 100 جنية.
3- الفوانيس فيه نوعين اول حاجه فيه صينى وده الاتنين ب 110 والتانى تيوانى الواحد ب 110 جنية. انا بصراحة جبت طقم فوجات عبارة عن فانوسين صينى وضفيره كهرباء بالكاتاوت بتاعتها ومفتاح لكن اكتشف ان المفتاح ده مش بتاعها لكن الضفيره بتاعنها. وسعر العلبة بتاعت طقم الفوجات 275 من الزقازيقى فى التوفيقيه ودى حاجته موثوق فيها.
ملحوظة:
- ممكن العربية تكون الضفيره موجوده فيها وده بنسبة كبيرة. بس من غير الجاكات بتاعتها.
- الحاجات ده كلها موجوده فى التوكيل بس تمنها بالمصنعيه حوالى 2000 جنية وانت طالع.
- بالنسبة للصينى وحكاية انه بيصفر ده حسب انت بتسافر كتير بالعربية كتير وبتوقفها فى الشمس كتير. فممكن يصفر.
- بالنسب للتركيب فيه فى شارع دمشق زى ما اتكتب قبل كده فى تقرير تركيب فوجات نيو اكسينت.
لو فيه اى استفسار تانى رقمى فى المنتدى.
بالتوفيق
المفضلات