عربية 140 - 150 الف

**diablo1231** · 27-08-2012 06:59 PM

انا عايز عربية في رينج من 140-150 الف , استخدام عائلي و سيدان اهم حاجة ميكونش فيها مشاكل وقطع غيار متوفرة و صيانة سهلة و مش بتستهلك بنزين كتير اي اقتراحات ؟؟ :)

**Hosam_Optrawy** · 28-08-2012 01:17 AM

الاقتراحات كتير :)

فلوونس لانسر ex النترا كروز وممكن الامبريزا الجديده بس لسه متجربتش

ال 4 عربيات منتشرين واكيد حاجتهم موجوده بس باسعار متفاوته , والبنزين اعتقد الالنترا اكتر واحده موفره فيهم بس مش متأكد

انت ميال لايه او ايه النقط التانيه اللى تهمك غير البنزين وقطع الغيار

**Hosam_Optrawy** · 28-08-2012 05:32 PM

المشاركة الأصلية كتبت بواسطة diablo1231

شكرا يا باشا علي ردك انا ميال اكتر للكروز عشان شكلها الفخم من جوة ومن بره و عشان ثباتها و الفئة اللي ب 141 مناسبة بس في نفس الوقت الفلوانس برده نفس الكلام بس قلقان من انها رينو و مشاكل الصيانة وكمان قطع غيار غالية , الالنترا والشارك كويسين بس عشان اجيب الفئة اللي فيها اوبشنز كويسة وعوامل امان هدفع كتير .

انا عايز حاجة عائلية و تكون واسعة من جوة وفيها عوامل امان و مش جري اوي عشان انا والدي مش بيمشي بسرعة اخره 130 اهم حاجة بالنسبالي ميكونش فيها مشاكل و مش كل شوية حاجة تبوظ واصلحها وتوكيلها يكون كويس بس كده .... اكيد طبعا مفيش كل ده في عربية واحدة بس انا عايز الاقرب للكلام ده هههههههههههه :)

ال 150 يجيبولك اعلى فئه فى الفلوونس والكروز والفئه القبل الاخيره فى الالنترا والشارك يعنى هايبقى فيهم اوبشنز كويسه وعوامل امان ABS واتنين AirBags

قطع غيار الفلوونس اعتقد مش غاليه وقريبه من الباقى ممكن تسأل عليها فى التوكيل او فى قسم رينو

التوكيل اعتقد رينو افضلهم , والصيانه اكيد هاتعملها فى التوكيل لل 4 عربيات

بس فى كام حاجه عايز اقولهملك برضه , لو ناوى على الكروز يفضل تستنى 2013 لان هاينزلها FaceLift واحتمال الموتور يتغير الكلام دا هايتأكد بعد شهر او شهرين لما الدفعات توصل لمنصور

الشارك سعرها دلوقتى حلو بعد التخفيض الملحوظه الوحيده ان عشان تاخد القدره الكامله للموتور لازم بنزين 95 لان نسبة انضغاطه 11 فالصح بتاعه 95 , بس هاتلاقى معظم اللى جابوها شغالين ب 92 عادى

**Hossam_hassan4** · 28-08-2012 06:27 PM

فلوينس افضل اختيار :) و التوكيل محترم جداا و قطع الغيار مناسبه جداا برضه

**diablo1231** · 28-08-2012 06:38 PM

المشاركة الأصلية كتبت بواسطة hossam_hassan4

فلوينس افضل اختيار :) و التوكيل محترم جداا و قطع الغيار مناسبه جداا برضه

انا بقول كده برضو بس خايف من كلام الناس علي الفرنساوي

**Invensys2011** · 28-08-2012 06:58 PM

متابع باهتمام لاني بدور في نفس الفئة السعرية دي
و بفكر فيه رينو فلوانس الفئة التانية-النترا الفئة اللي ب 145000 -سوباروا امبريزا الجديدة ب 150000 -تويوتا كورولا ب 155000

**Hosam_Optrawy** · 28-08-2012 07:06 PM

المشاركة الأصلية كتبت بواسطة diablo1231

انا كده استقريت علي فلوانس الفئة التانية اللي ب 142 و الكروز الفئة اللي ب 141 توب لاين ميال اكتر للفلوانس بس هستني الكروز 2013 وهشوف هستقر علي ايه , معلش هسألك سؤال عايز رأي حضرتك في مقارنة بين الريو هاي لاين و الاكسنت هاي لاين و التييدا هاي لاين :)

الاكسنت والريو اجيال حديثه التيدا قديمه شويه من 2004 مفيهاش تغيير

التيدا اوسع فى الصالون

قوة الموتور بالترتيب اكسنت تيدا ريو

كلهم فتيس 4 سرعات بس الاكسنت والريو ستيبترونيك

التيدا عاليه عن الارض اكتر منهم

الكماليات والاوبشنز والاسعار

التيدا 128 الريو 123 الاكسنت 121

كلهم فيهم ABS و AirBags بس الريو اكتر واحده فيها كماليات فيها ايموبليزر ومرايات ضم ومثبت سرعه وفتحة سقف وطاره ملتى وجنوط 15 وبلوتوث , الاكسنت فيها فتحة سقف وجنوط 14 وبلوتوث وطاره ملتى , التيدا فيها ايموبليزر وطاره ملتى وجنوط 15

بالتوفيق فى الاختيار