صوت غريب في الفليشيا

**ayman20100** · 10-09-2012 01:56 PM

السلام عليكم ورحمة الله
فيه عندي صوت غريب طالع من الماتور وبيبان اوي والعربية الصبح بدري وهي بارده
الصوت صوت سكسكة معلش لو مش عارف اوصفه بس صوت اقرب لصوت الماتور لما تكون مهدي وانت على الغيار التالت او الرابع وتضغط بنزين مره واحده اقرب لصوت صوصة العصافير مثلاً بس بيكون واضح اوي على السلانسية والعربية بارده
شكيت في سير الدينامو ورحت شديته عند الكهربائي وطلع ما لوش علاقة والصوت موجود
تفتكروا الصوت ممكن يكون من ايه؟؟؟؟

**benmatar** · 10-09-2012 03:03 PM

آخر مرة ظبطت تاكيهاتك إمتى؟؟؟ ممكن تكون السبب
ولو حالة الموتور مش ولا بد روح لميكانيكي كويس وسمع الصوت عشان لو الحكاية زيادة تبقى سبيكة، وبالأخص لو السحب عندك ضعيف، وبإذن الله تبقى بسيطة ومتنساش إن لو بتحط بنزين 80 يعمل كده لو الكهربا مش متوفقة عليه

**EngAhmedSayed** · 10-09-2012 06:11 PM

السلام عليكم
اولا راجع على بلية الدينمو لانى الصوت قلى انتا حضرتك بتوصفه ده ليه علاقه بالحركة من موتور مش داخل الموتور
او راجع على على بلية الطنبورة المياه او على السير
او غطاء الاسبرتير
ده كل قلى اقدر افيدك بيه

**sakr_skoda** · 10-09-2012 06:48 PM

دا سير الكاتينة الجبار الحديد ودا بيروح بعد حوالى 30 سنية من الدوارة وبعد وصول الزيت للسير عندى نفس الموضوع بالظبط ....*

**sakr_skoda** · 29-09-2012 05:11 PM

ايه الاخبار ياايمن روحت ومرجعتش يعنى؟؟؟؟

**المنسي** · 30-09-2012 02:07 PM

المشاركة الأصلية كتبت بواسطة ayman20100

الاخبار مش كويسة وقرفت من العربية
الحوض فيه فرقة مزيكا حسب الله
الاصوات كتير وعالية والماتور بيتنطط ورجه جامدة
فشكلها كده عاوز طقم صيانه كامل اجيب قواعد ماتور وفتيس واغير سير الكاتينة وسير الدينامو او اكشف على الدينامو لوحده واشوف المزيكة ديه اخرتها ايه
بجد الحاجة الوحيدة الى قرفاني في العربية هو الخشونة بتاعتها وصوتها العالي ورجة الماتور

متدايقش ولاحاجة كلها حاجات بسيطة باذن الله انت هات قواعد الموتور وقواعد الفتيس وسير الكاتينة وهتحس بفرق تانى بعدها باذن الله وبعدين خشونة العربية هتنعم بعد تركيب سير الكاتنية الجديد وابقى قول لنا عملت ايه