الموضوع: تقرير مقابلة نمور كيا السادسة ....... عودة الزمن الجميل

السلام علبكم ورحمة الله وبركاته

اعضاء قسم كيا الكرام نقدم اليكم تقرير المقابلة التى تمت فى يوم الجمعة 14/9/2012 فى مدينة الرحاب

فى كافيه جاز ( مول الرحاب 1 )

زى العادة نبتدى بأسماء الحضور اجمالى العدد 34 فرد :

اعضاء قسم كيا :
yasserelsayad ياسر الصياد
الغزالى محمد غزالى
theunkown عمر
moha4tec محمد مصطفى
elsewedy78 احمد السويدى
ahmed1718 احمد كسار
yasso0101 ياسر محسن
mmbadroo محمد بدر
amr a.salam عمرو عبد السلام
ALSHARIEF شريف
normal محمد على
Khaled_Nowaihy خالد
ghazy12 محمد غازى
temo85 حاتم
ابو ليلى وائل

اعضاء قسم نيسان
حاتم السباعى - احمد مصطفى - حسين سونا–– بسام حافظ – وليد عادل – عمرومنير - اسامة قشقاى –– احمد ابراهيم – محمد زعتر (opelawy )

اعضاء قسم هيواندى
سمير الشهاوى – كريم فوزى – اشرف ابراهيم – محمود عفيفى

اعضاء قسم شيفروليه
ابو يحيى – احمد (hpxp )

الضيوف
الحاج احمد مشعل ( جينز كار )
عمرو صديق (opelawy )

اول مرة فى مقابلات كيا يحضر هذا العدد والبركة فى اخوتنا فى باقى الاقسام اللى
شرفونا مع ان اغلبهم جاء متاخر ولكن تقديرهم للقسم وحضورهم غطى على اى شى .
المكان جيد جدا والتنظيم كان جيد فى مكان مفتوح ومنطقة منفصلة الى حد ما والبركة
فى المهندس سمير الشهاوى اللى حجز لينا المكان بما انه من سكان الرحاب .

تم حضور الاعضاء على مراحل والاغلبية لم يلتزمو بالميعاد وده اثر على ترتيب المقابلة وتنظيمها .
الروح الجميلة اللى جمعت بين الناس غطت على كل شى ...
كنت براقب ردود الافعال واتنين بيسلمو على بعض ...ايه ده يا جدعان ...
ايه الاحضان دى ( حضن مطارات فعلا ) او لما حد يتعرف على حد اول مرة يشوفه يسلم عليه
عادى فى الاول وبعد ما يعرف اسمه تلاقى الابتسامة نورت والحضن اشتغل .....
روح جميلة وكلها مودة وده كان الهدف الاساسى من المقابلة
والحمد والشكر لله ان الواحد قدر يجمع كل الاحبة فى مكان واحد
بعض اعضاء كيا اكدو الحضور ولكن انا متاكد ان فى سبب كان اقوى
منهم منعهم واكيد منتظرهمفى المقابلات اللى جاية بأذن الله ...

طبعا اتكلمنا فى حاجات كتير جدا سواء فردى او جماعى وكان المفروض تحصل مقارنات بين
بعض السيارات ولكن للاسف لم تتم لحضور الاعضاء على مراحل
اتكلمنا عن قسمنا وليه بقى كده وازى ممكن نرجعه تانى احسن من الاول واتفقنا على اننا كل
واحد فينا يكون متواجد ولو لمدة ساعة فى اليوم ويرد ويناقش ويعمل مواضيع
( هيكون فى موضوع تانى هنتكلم فيه عن الجزء ده )
المهم عودة الروح وده كان اهم مكسب فى المقابلة.

حضور الحاج احمد مشعل ( جينز كار ) يعنى هدايا وعروض وده اللى حصل فعلا
شخصيا بعتبره اخ اكبر جمعنا لقاءت وشغل برضه ..فى بعض الاعضاء من كيا عملو عربيتهم
عنده وليهم الحكم ولكن زى ما عودنا فى حضوره الى اى مقابلة فى المنتدى لاازم يكون فى عرض
وفعلا تم عمل خصم 20 % بدل 10 % لكل اعضاء قسم كيا ( حاملين استيكر المنتدى ) سواء
اللى حضرو المقابلة او اللى محضروش
فى الفترة من 14/9 الى 14/10 /2012


شكر لكل الاعضاء الجدد اللى حضرو واتشرفنا بيهم وشافو بعنيهم يعنى ايه مقابلة وكمية الاستفادة
اللى حصلو عليه بسبب حضورهم ...وهما بقى اللى يقولو

مقتطفات :
· الصور فعلا كانت قليلة جدا جدا وده تقصير منى الصراحة الكاميرا مكنش فيها كارت ميمورى
ومكنتش اعرف صورت بعض الصور القليلة ولما عرفت وحطيت كارت
كان الشحن خلص .... من غير ضرب
· بعض الناس طلبت غدا فى الكافيه وبعضهم بعونا واكلو بره بس الاهم نصيبى جانى
· المكان كان حلو ومرتب والاسعار تعتبر معقولة بالنسبة لمكان فى الرحاب
· عمر ..عمر ... mmbadroo مكناش هنروح بيتنا بسببه اعتمدنا عليه فى الخروج من
الرحاب انا والسويدى ومحمد مصطفى انا اول مرة امشى فى صحرا فى الضلمة دى لف بينا
الرحاب وام رحاب وابو رحاب بس من بره .... انا اتشهدت من الاخر وتوقعت رشاش فى
العجل وانزل يا معلم وهات المفاتيح ..... اخرك معايا المقابلة دى
· سقت الكارينز اخيرا قبل ما اموت وكل الشكر ا/ خالد ..... عربية تحفة
. محمد مصطفى جاب تورتة حلوة جدا ...... اتنسفت
· ا / محمد بدر كل الشكر لحضورك من السويس لحضور المقابلة
اعضاء نيسان خلصو عليه علشان الاسبورتاج وقشقاى .. ويقلنا بقى ايه اللى حصل بعد ما مشينا
· ياسر الصياد جه بال BMW ..... خاااااااااينة
· نورمال مكنش ناوى يجيى ..شخطت فيه قال جى ........كان رايح يشوف عروسة
· اتفقنا على مقابلات بشكل منتظم وفردى واولها هيكوت لاعضاء كيا فى الجيزة
( ودول كتير ) انتظرونا


الحمد والشكر لله ان المقابلة عجبتكم وبأذن الله تتكرر تانى ويكون التنظيم احلى
كل الشكروالتقدير للمهندس / سمير الشهاوى منسق قسم هيواندى
كل الشكل والتقدير ا/ احمد مصطفى منسق قسم نيسان
كل الشكر والتقدير لاعضاء قسم نيسان وهيواندى وشيفروليه لحضورهم المقابلة فعلا
اصدقاء محترمين واتشرفنا بيهم وسطنا
واخيرا اتمنى ان تكون المقابلة حازت على اعجابكم واعزرونى لو حصل منى تقصير واتمنى
المرة القادمة تكون احسن ...سعدت جدا انى شفتكم

والى اللقاء فى مقابلة قادمة لنمور كيا