تقرير مقابلة نمور كيا السادسة ....... عودة الزمن الجميل

**Ahmed.TV** · 17-09-2012 12:38 AM

طبعا انا بعتذر انى جيت متاخر يا وائل وكان نفسى اجى من بدرى .. بس انا قولتلك على الظروف

اجمل حاجة ان شوفت الاعضاء القدامى من ايام مقابلة العزبة .. عمرو واحمد .. وكان نفسى اشوف نورمال بس مش لحقته .. وطبعا اتشرفت بالمحادثة الجميلة مع استاذ محمد بدر صاحب الكيا سبورتاج .. انسان اخلاق جدا .. والحديث معاه كان شيق جدا وميتشبعش منه .. ولازم نشوفه تانى فى اقرب فرصة

وانت يا وائل حبيبى .. اكيد لينا قعدات قريب .. لان انت عارف انت غالى عندى جدا .. ونفسى اجيب كيا عشانك
بس الخوف اجيب انا وتروح انت نيسان

مقابلة جميلة كالعادة ..

وان شاء الله نقابلكم فى مقابلاتكم الخاصة السرية .. ونكون معاكم دايما

تحياتى الخاصة ليك والعامة لكل اللى حضروا .. واللى محضروش فاتهم كتيرررر جدا .. ونتمنى نتعرف عليهم فى اقرب مقابلة

**ابو ليلى** · 17-09-2012 12:42 AM

المشاركة الأصلية كتبت بواسطة sonasteel

السلام عليكم ورحمة الله
يعني الف شكر ليك يابو ليلي علي المقابلة الظريفة ديه و الحمد للي اني جيت وشوفت ناس بجد كان نفسي اشوفها من كيا وحبايبي من نيسان وشيفروليهو هيوونداي اللي بشوفهم كل فترة
المكان جميل وتوهنا واحنا خارجين برده هههههههههههههه
ربنا ما يقطعلكم عادة والف شكر علي الدعوة الطيبة ديه :))

سونا اللى خلص التورتة يا جدعان ...ههههههههه

حبيبى يا حسين نورتنا وشرفتنا وفرحت جدا لما شفتك لانى عارف ان كان عندك ميعاد
فى مول العرب ....بس الظهار اللى فى الرحاب احلى :b4_007:

**ابو ليلى** · 17-09-2012 01:00 AM

المشاركة الأصلية كتبت بواسطة ahmed.tv

طبعا انا بعتذر انى جيت متاخر يا وائل وكان نفسى اجى من بدرى .. بس انا قولتلك على الظروف

اجمل حاجة ان شوفت الاعضاء القدامى من ايام مقابلة العزبة .. عمرو واحمد .. وكان نفسى اشوف نورمال بس مش لحقته .. وطبعا اتشرفت بالمحادثة الجميلة مع استاذ محمد بدر صاحب الكيا سبورتاج .. انسان اخلاق جدا .. والحديث معاه كان شيق جدا وميتشبعش منه .. ولازم نشوفه تانى فى اقرب فرصة

وانت يا وائل حبيبى .. اكيد لينا قعدات قريب .. لان انت عارف انت غالى عندى جدا .. ونفسى اجيب كيا عشانك
بس الخوف اجيب انا وتروح انت نيسان

مقابلة جميلة كالعادة ..

وان شاء الله نقابلكم فى مقابلاتكم الخاصة السرية .. ونكون معاكم دايما

تحياتى الخاصة ليك والعامة لكل اللى حضروا .. واللى محضروش فاتهم كتيرررر جدا .. ونتمنى نتعرف عليهم فى اقرب مقابلة

انا عارف يا باشا الظروف وكفاية انى شفتك منورنا دايما والقسم بتاعك ده عملى صداع
كل واحد يقولى شايف قسم نيسان بيعمل ايه ..... اقولهم ياجدعان احمد ده غير اى حد
ده حياته كلها فى المنتدى .... بقلك ايه انت تاخد السيرتو وتجب التيدا علشان نخلص من الموضوع ده .... شكرا يا احمد لمجهودك معانا وده اللى انت معودنا عليه دايما

**Hosam_Optrawy** · 17-09-2012 01:20 AM

تسلم على الموضوع يابوليلى وشكلها كانت مقابله جامده كالعاده وان شاء الله قسم كيا يرجع انشط من الاول باعضاءه القدام والجداد

**elsewedy78** · 17-09-2012 01:37 AM

والله انا مش عارف اقول ايه بجد المقابلة دى الواحد اتعرف على ناس كتير اووى شريف وعمر والله ناس فى منتهى الذوق والاحترام الى طلعو كمان جرانا وان شاء الله يبقو معانا قى المقابلات الى تم الاتفاق عليها وشاف الاعضاء القدامى الى كانو مختفين حبيبى عمرو عبد السلام و حاتم السباعى ونورمال وطبعا ياسر الصياد وقسم نيسان بفيادة احمد مصطفى وقسم هيونداى وقسم شيفروله احنا كناا كتير بجد وطبعا انا ناسى ناس كتير بس ابو ليلى خصهوم جميعا الى مجاش فاتو كتيرراوى وخصوصا الغدا ........ التنظيم كان روعة والمكان كان جميل بس مافيش فايده لازم نتوه واحنا رايحين وذاى ما عمدتنا قال واحنا مروحين لافينا على عيلة الرحاب كولها طوبة طوبة هههههه حبيبى يا عمر على فكرة انا خدت بالى لما كولوكوم اتسحبتو واحد واحد وسبتونى وارا كونتو عايزين تضحو بيا بس ايه رائيك يا ابوليلى مش خرجنا منها بسلام وكمان قبلهوم
والواحد بقى مشى براحتو وهوا مروح مش 100 الى كونا جايين عليها هااا
فى انتظار المقابلة القادمة ان شاء الله الاسبوع الجاى صح

**Ashraf_Ibrahim** · 17-09-2012 01:37 AM

تقرير رائع جدا
انا فعلا جيت متأخر بس انا كان عندي معاد مع الدكتور فيا دوب خلصته وطرت عليكم والله
ان شاء الله المرة الجاية احضر من البداية باذن الله :d

**TheUnknown** · 17-09-2012 09:28 AM

المشاركة الأصلية كتبت بواسطة ابو ليلى

· عمر ..عمر ... mmbadroo مكناش هنروح بيتنا بسببه اعتمدنا عليه فى الخروج من
الرحاب انا والسويدى ومحمد مصطفى انا اول مرة امشى فى صحرا فى الضلمة دى لف بينا
الرحاب وام رحاب وابو رحاب بس من بره .... انا اتشهدت من الاخر وتوقعت رشاش فى
العجل وانزل يا معلم وهات المفاتيح ..... اخرك معايا المقابلة دى

انت كنت تقول جزر بس! و انا اول واحد كنت هخلع

دى كانت اول مقابلت منتدى احضرها, و فعلان الواحد اتعرف على ناس كتير جدا محترمة اوى.
الواحد ان شاء الله مش هايفوت ولا مقابلة بعد كدا

**م. حاتم السباعي** · 17-09-2012 04:26 PM

بسم الله ما شاء الله
كانت مقابلة جميلة كالمعتاد
تسلم يا عمدتنا يا كبير يا ابو ليلي يا غالي علي هذه المقابلة الرائعة
و كم كانت سعادتي حين قابلت الاخوة الافاضل اعضاء قسم كيا اصحابي القدامي و الحاليين و سلام جميل لهم جميعا نفر نفر ههههههه
- الحبيب الغالي المهندس محمد غازي ابو زمل صديق السلاح ابو مسمار ربنا يكرمه و يسعده
- الغالي المهندس محمد ( نورمال ) اللي وعدني انه يظهر من تاني و يعود لينير القسم من جديد
- و حبيب الكل المهندس عمرو عبد السلام اللي كان واحشني جدا
- و الجميل الرائع الاخ ياسر الصياد خيرة شباب كيا
- و الرجل الشبح الاخ الفاضل احمد بك السويدي اللي لا نراه الا كل فترة بعيدة
- و حبيب قلبي المهندس ياسر ابو شهاب اللي زعلت لما عرفت انه هيسافر ان شاء الله و هيتركنا
- و الاخ الكريم شريف الشريف اللي كان واحشني جدا
- و الاخ الفاضل محمد غزالي اللي كان نفسي اتعرف عليه اكتر بس لم اتمكن لضيق الوقت
- و الاخ الحبيب محمد بك مصطفي عبقرينو قسم كيا و شعلته المتوهجة دائما
- و الاخ الفاضل الاستاذ احمد 1718 خمسمية و تسعتاشر ههههههه و ان شاء الله نتعرف اكثر قريبا
- و الاخ الفاضل راعي السبورتاج في مصر الاستاذ محمد السويسي غريمي و ان شاء الله نراه قريبا
- الاخ الفاضل الاستاذ خالد كبير الكارنزاوية و مع الاسف لم اتمكن من التعرف عليه و ان شاء الله تتعوض
- و الاخ الفاضل الاستاذ حاتم اللي عرفت بعد ما روحت ان كان فيه حاتم غيري في القاعدة تحياتي لك
- و الاخ الفاضل الاستاذ عمر و اسف اني لم اتمكن من التعرف عليه جيدا
........................................
و كم سعدت بمقابلة الاخوة الافاضل معازيم الفرح ههههههههههه اقصد المقابلة من اقسام متعددة شيفورليه و هيونداي
و خصوصا الاخ الكريم المهندس سمير الشهاوي اللي كان اول المستقبلين لي
و الاخ الفاضل شعلة قسم هيونداي الجميل المهندس كريم فوزي
و الاخوة الافاضل الضيوف مثل الحاج احمد مشعل اللي بعتبره انه صاحب بيت و حتي انه احرجنا بكرمه كالمعتاد بهداياه القيمة حتي اصبحنا نحن الضيوف عليه تحياتي اليه و ربنا يكرمه و يصبره علي مصابه الاليم
و اخيرا و ليس اخرا احبابي و اصدقائي من قسمي الحالي الصقور الجدعان اوي
- الاخ الحبيب و الصديق الصدوق العسل المهندس اسامة قشقاي اللي جوازه هيبقي علي ايدي هههه
- و الاخ الفاضل الحبيب الاستاذ احمد مصطفي ربنا يجازيه عنا خيرا و يسعده و يوفقه
- و الاخ الفاضل المهندس حسين اللي فرحت جدا اني اتعرفت عليه و ان شاء الله تتكرر المقابلات قريبا
- و الاخ الفاضل الاستاذ بسام راعي الجوك في مصر و تشرفت به جدا
- و الاخ الفاضل الاستاذ وليد و ان شاء الله نتقابل قريبا
- و الاخ الفاضل الاستاذ عمرو و ان شاء الله نتقابل عن قريب في مقابلات القسم
- و الاخ الفاضل الاستاذ احمد و تشرفنا بمقابلاتك جدا
- و الاخ الفاضل الاستاذ محمد و ربنا يجمعنا في الخير دائما

ان شاء الله تتكرر هذه المقابلات و تكون دائما في محبة الله و طاعته كما هي دائما و ابدا
و اعذروني لو كنت نسيت حد الحبايب كانو كتير و الواحد عجز خلاص فعذا اذا نسيت احد بأسمه
و عموما تحياتي لكل من حضر و سلامي لهم جميعا

و اخيرا
الف شكر يا وائل و يا رب نقدر نرد بعض من جمايلك
الي اللقاء ان قدر المولي لنا اللقاء

**AHMED1718** · 17-09-2012 09:49 PM

المشاركة الأصلية كتبت بواسطة ابو ليلى

الصور .... الصور ...... هى بنها بيروحلها منين
لا يا معلم اللى يخش يكتب يتكلم فى تفاصيل المقابلة وانطباعه ورائيه ويحكلنا كام موقف
هو مفيش غيرى اللى هيتكلم ولا ايه .............يلى المايك معاك

المقابلة والله مش محتاجة تعليق والانطباع الحمد لله حتى لو كنا اتقابلنا ف اصطبل كان هيبقا ممتاز لان المهم الصحبة مش المكان
والوقت طارررررر محسناش بيه مش عارف علشان جيت متأخر ولا من حلاوتة القاعدة بس اكيد من حلاوتة القاعدة

اللى ناقص المقابلة صح حد من مهندسين التوكيل يكون قلبه كبير كده وابن حلال ويتحمل اللى يجراله ويكون جايب معاه عده شغل ونوعده انه هيتعلم منا كتير مش احنا اللى هنتعلم منه
لان انا رأى الشخصىىىىى مالك العربية هيفهم اكتر من واحد بيشتغل فيها بس وخصوصا لو هوا غاوى

الموضوع: تقرير مقابلة نمور كيا السادسة ....... عودة الزمن الجميل

LinkBack

أدوات الموضوع

عرض

-

-

-

-

-

-

-

-

المواضيع المتشابهه

التراث المصرى [عودة الى الزمن الجميل]

مقابلة نمور كيا السادسة 14/9/2012 ......مين قال جى

تقرير مقابلة توهان نمور كيا فى المقابلة

صور ... من الزمن الجميل!

الزمن الجميل

الكلمات الدلالية لهذا الموضوع

المفضلات

المفضلات

ضوابط المشاركة