هتاخد معاك هدومك طبعا (صيفى اكتر لأن الشتاء بيكون خفيف مش برد يعنى لا جواكت تقيلة ولا صوف) ومتعلقاتك الشخصية ومبلغ بسيط بالريال فى الاول لأنك ما تضمنش تاخد دفعة اول ما توصل تحت الحساب وتتخصم من مرتبك فى الاول ولا لأ
التنقلات كلها تاكسيات واقل مشوار ب10 ريال فما فوق لأن جدة وكمان الرياض زحمة جدااااااااا وشوارع جدة كلها مكسرة وضيقة ومليانة حفر وكل حاجة حلوة زى مصر تمام
الموبايلات .. طبعا اكيد معاك عدة تمشى بيها حالك فى الاول وكل اللى عليك فعلا تشترى خط بجواز السفر اول ما توصل من المطار تتكلم بيه دولى (موبايلى حلا الدولى او غيره) قبل ما تسلمه لأخذ الاقامة بالاصل والسير بخطاب مختوم من الكفيل
ولو سعر الخط 20 ريال هتلاقى فيه رصيد ب20 ريال برضه وبعد كده تشحنه بكروت احسن من الفاتورة
النت .. اهم حاجة فعلا لما تستقر فى شقة تشوف اى ارسال لأى شبكة اقوى عندك عشان ما ترميش فلوس عالارض
والاسعار بتبدأ من 100-150 ريال فى الشهر حسب السرعة والافضل تجيب برودباند بفيشة كهرباء عادية وشريحة SIM عشان تتنقل بيه فى اى مكان ويكون WIRELESS عشان لو حبيت تشغل موبايل واكتر من جهاز مع اللابتوب
والدفع بيكون مقدم 3 او 6 او 12 شهر وهتلاقى فيه عروض مجانية مثلا اذا اشتريت اى موبايل او لابتوب جديد من مكتبة جرير هتاخد شريحة نت مجانا من 5-15 جيجا و1-3 شهر ويادوب تشترى الUSB مودم ب100-150 ريال
البنوك .. كلها بالكومبيوتر وكل الخدمات من استعلام ودفع الكهرباء والفواتير والمخالفات ورسوم الاستقدام والخدمات الحكومية كلها ببلاش .. والسحب من اى ماكينة ATM لأى بنك تانى ببلاش
لكن لازم لفتح حساب وجود الاقامة وخطاب تعريف من الكفيل زيه زى اى خدمة تانية من رخصة عربية وشخصية واستئجار سكن وغيرها
المفضلات