الموضوع: حل لمشكلة زحف اللوجان فى السرعات العالية

طبعا كلنا لاحظنا مدى ضعف الفرامل النسبى فى اللوجان - لقيت عندى فكرة ممكن نطبقها - ما هى ؟
طب ليه ما نجمعش احنا اعضاء نايا موتورز رسالة بتقول المشكلة دى وبعدين
نكتب ارقام الشاسيهات بتاعة عربياتنا
وموديل العربية
خاصة ان عربياتنا كلنا فيها نفس المشكلة بما فيها عربيتى ( موديل 2012)
ونجمع حوالى 100 توقيع ( 100 رقم شاسيه )
ونبعت المشكلة الى التوكيل بفرنسا مباشرة ]هنا السؤال طب احنا هانستفيد ايه ؟

الاجابة الاستفادة هتكون متعددة مثل
اولا : لان العدد اللى ارسل كبير اذا هيكون فى رد فعل سريع وحقيقى
ثانيا : ممكن يعملوا تعديل على موضوع الفرامل للعربيات اللى اتباعت فعلا للحفاظ على سمعتهم العالمية
ثالثا : وهو اضعف الايمان ممكن يعالجوا العيب ده فى العربيات المصنعة مستقبلا مثل باقى العيوب اللى كانت فى لوجان 2010 او 2009 وما قبلها ودى هاتفيدنا لما اى حد فينا بعد فترة كبيرة او قصيرة يشترى لوجان تانى ويحس بالفرق .

المطلوب
1- متطوع من احد الاعضاء الكرام يجيد الانجليزية بطلاقة كتابة ويا حبذا لو الفرنسية ويكتب المشكلة فى كلمات موجزة ومختصرة ويكتب اسماءنا فى جدول ل 100 عضو يملك فعلا اللوجان ويكون اول مالك ليها
2- يصمم الجدول ل 100 خانة افقى
3- وعدد 4 خانات راسى الاسم -رقم الشاسيه - الموديل - التوقيع ( بالانجليزية طبعا )
4- نتجمع فى يوم مثلا ونوقع على هذا الخطاب
5- يرسل بالفاكس على التوكيل بفرنسا .

طبعا كل الكلام ليس له اى فائدة ان لم يستجيب باقى الاعضاء _
لان ده طبعا اقتراح قابل للقبول او الرفض .

منتظر ردودكم

المشاركة الأصلية كتبت بواسطة wael30003

ثالثا : وهو اضعف الايمان ممكن يعالجوا العيب ده فى العربيات المصنعة مستقبلا مثل باقى العيوب اللى كانت فى لوجان 2010 او 2009 وما قبلها ودى هاتفيدنا لما اى حد فينا بعد فترة كبيرة او قصيرة يشترى لوجان تانى ويحس بالفرق .

نفسى اعرف ايه العيوب الموجوده فى 2010 و اتعالجت فى 2012
لو فى حد قال ان فى عيوب فى 2010 و 2009 و اتعالجت فى 2011او 2012 اعرف انه بيضحك عليك او بيقول اى كلام
على فكرة انا ركبت مودلات اللوجان من 2009 لغايه 2013 حتى الأوتوماتك نفس درجه التقفيل و الخامات واحده بنفس العيوب بالظبط

بالنسبه للفرامل اعتقد ان عندك مشكله فى الفرامل
من اكتر من 3 سنين و الفرامل ماشاء الله كويسه جدا وعمرها ما عومت او زحفت