128 بتسخن مع السرعات العالية

**H_Daim** · 19-08-2010 04:46 PM

السلام عليكم و رمضان كريم...

انا مش عايز اطول عليكم بس الموضوع ببساطة ان العربية عندي بتسخن مع السرعات العالية يعني من 80كم وانت طالع لحد لما المؤشر الخاص بالحرارة بيجي للاخر. فروحت اشتريت رداتير نحاس 3 ماسورة حسب نصيحة الميكانيكي ولكن دون ادني فرق فقالي غير المروحة و بعد كده الترموستات ولكن دون جدوى قالي بس يبقى جوان وش السلندر قولت له ماشي غيرنا جوان دون جدوي قالي يبقى عايز يتقشط فروحت عند الخراط و قشطه و غير الكامة كمان لان كان فيها ركبتين بايظين و ظبط التكيهات و قفلنا و لكن دون جدوى العربية بتوصل للاحمر فوق 80كم ولكن جوه البلد عادي بيبقى المؤشر على 90 فالحل يا اهل الخبرة علشان خلاص هاتجنن!

**semsem_uno** · 19-08-2010 06:49 PM

المية بتنقص؟؟
طب طرمبة المياه بقالها اد ايه متغيرتش؟؟؟
و ليه غير المروحة هي مش اصلا القديمة كانت شغالة؟؟

**bassem.naguib** · 19-08-2010 09:36 PM

المشاركة الأصلية كتبت بواسطة semsem_uno

المية بتنقص؟؟
طب طرمبة المياه بقالها اد ايه متغيرتش؟؟؟
و ليه غير المروحة هي مش اصلا القديمة كانت شغالة؟؟

+11111111
وأنا أرجح كمان أنك تعمل دورة غسيل لدورة التبريد كاملة .. لأنه جوة الموتور بيبقى فيه أماكن (مجرى) لمرور مياه التبريد فيها .. وأعتقد أن المجاري دي فيها سدد كتير بيقلل من كفاءة التبريد .. وعلشان تقضي على المشكلة دي نهائياً الموتور بيتفك وبتحل الطبب بتاعة المياه منه وتتنضف المجاري دي بشكل كويس .. وبعد تغيير طلمبة المياه (ممكن متكونش بتقلب كويس) .. حلاقي النتيجة زي الفل إن شاء الله .

ويا ريت الإجابة على سؤال الأستاذ سمسم المية بتنقص بشكل كبير ولا لآه .

نصيحة ابدأ بتغيير طلمبة المياه الأول .. وشوف أيه النظام .

وأخيراً متنساش أن الجو نار اليومين دول والحرارة بتأثر على كفاءة التبريد في المواتير ذات التكنولوجيا القديمة زي 128 .

**yoko** · 19-08-2010 10:15 PM

طب دلوقتي الوش سليم والردرياتير لو فيه مشكله أيا كانت العربيه المفروض تسخن وهي واقفة أكتر!!!
طب معندكش ماشستر الفرامل يكون قافش على العجلة فمزود الحمل على العربيه أو الإسطوانة مفوته فبتقرص على العربيه زيادة عن اللزوم
والتاكيهات ظبطها عند مين (لو مش واثق فيه أو صوت العربيه لسه عالي أعرف واحد في جسر السويس-الحلميه كل الناس بتشكر فيه وجربته بصراحة ممتاز)

**ameen_ra** · 22-08-2010 03:23 PM

المشاركة الأصلية كتبت بواسطة h_daim

السلام عليكم و رمضان كريم...

انا مش عايز اطول عليكم بس الموضوع ببساطة ان العربية عندي بتسخن مع السرعات العالية يعني من 80كم وانت طالع لحد لما المؤشر الخاص بالحرارة بيجي للاخر. فروحت اشتريت رداتير نحاس 3 ماسورة حسب نصيحة الميكانيكي ولكن دون ادني فرق فقالي غير المروحة و بعد كده الترموستات ولكن دون جدوى قالي بس يبقى جوان وش السلندر قولت له ماشي غيرنا جوان دون جدوي قالي يبقى عايز يتقشط فروحت عند الخراط و قشطه و غير الكامة كمان لان كان فيها ركبتين بايظين و ظبط التكيهات و قفلنا و لكن دون جدوى العربية بتوصل للاحمر فوق 80كم ولكن جوه البلد عادي بيبقى المؤشر على 90 فالحل يا اهل الخبرة علشان خلاص هاتجنن!

حاول تغير الميكانيكي ...انشاء الله راح تلاقي نتيجه احسن

**H_Daim** · 22-08-2010 03:36 PM

المشاركة الأصلية كتبت بواسطة yoko

طب دلوقتي الوش سليم والردرياتير لو فيه مشكله أيا كانت العربيه المفروض تسخن وهي واقفة أكتر!!!
طب معندكش ماشستر الفرامل يكون قافش على العجلة فمزود الحمل على العربيه أو الإسطوانة مفوته فبتقرص على العربيه زيادة عن اللزوم
والتاكيهات ظبطها عند مين (لو مش واثق فيه أو صوت العربيه لسه عالي أعرف واحد في جسر السويس-الحلميه كل الناس بتشكر فيه وجربته بصراحة ممتاز)

نزلنا فرامل اليد و مورنا العربية و زقينها للامام و الخلف فالعربية بتتحرك بسلاسة فهذا يؤكد ان مفيش ماستر قافش ولا حاجة وانا لسه مغير ديسك و اسطوانة من حوالي 3 شهور. بالنسبة للتكيهات انا ظبطها عند الخراط اللي قاشطنا عنده الوش و ركب الكامة و ظبط التكيهات.

**H_Daim** · 22-08-2010 03:39 PM

المشاركة الأصلية كتبت بواسطة ameen_ra

حاول تغير الميكانيكي ...انشاء الله راح تلاقي نتيجه احسن

بالفعل رحت لميكانيكى جديد امبارح في امبابة اسمه ميمي, الحقيقة وقف محتار قالي انت عملت كل حاجة ممكن يكون ليها علاقة بالسخونة و كشف على العربية وقالي العربية مظبوطة و مفيش حاجة اقدر اعملهالك!

**nabaster** · 22-08-2010 05:11 PM

سلام عليكم

تقريبا اول مشاركه ليا في فيات

بس هوا سؤال غريب شويه وان شاء الله ممكن يكون فيه الحل

انتا مركب في عربيتك انهي شبكه؟؟؟

اقصد الشبكه الاماميه

A.Yakout