أفضل موضوع لشهر أكتوبر : حل مشكلة بطء الدوارة والتنتيش وتعليق ال rpm على 3 ابيزا 2000

**Ahmed Mubarak** · 06-10-2012 11:34 PM

السلام عليكم

بفضل الله تم حل بعض المشاكل اللى كانت بتوجهنى من فترة وهاعرض عليكم المشكلة والحل بتاعها

اولا: تنتيش بعد فترة من القيادة وبعد كدة الار بى ام ميعلاش عن 3000 لفة والسرعة لا تذيد عن 100 كم

تم الكشف على العربية بواسطة الكابل وبرنامج VGA وطلع العيب من حساس الكرانك وتم تغيرة باخر استيراد سعر الحساس 120 ج من الحرفيين وانتهت المشكلة بفضل الله
ثانيا: بطء فى الدوارة
اثناء تغير حساس الكرنك الميكانيكى كان بيدورها والعربية مش عايزة تدور المهم رش رشه بسيطة من منظف الكاربراتير على البوابة ودارت العربية من اول مرة وكان راى الميكانيكى تغير طرمبة البنزين (انا عارف بالفعل ان الطرمبه ضعيفة لان راجع البنزين مكانش شغال واستجابة العربية لدوسه البنزين ضعيفة جدا )
الحمد لله تم تغير قلب الطرمبة باخر جديد صينى VDO مكتوب علبة Made in Germany ب 310 جنية والحمد لله انتهت مشلكه التاخير فى الدوارة وبقيت بتدور من اول مرة
بعد تغير حساس الكرانك وقلب الطرمبة معادش فى تنتيش والتسارع بتاع العربية بقى افضل بكتيييييييييييييييييير من الاول

**matrix012** · 07-10-2012 12:56 AM

الف مبروك يا احمد باشا
انا عارف انك تعبت شويه فى الموضوع ده
بس انا ليا عندك سؤال هوا الميكانيكى هوا الى رش الاسبراى بتاع الكاربراتير على البوابه ( الاسبراى الاصفر ) ؟؟
ما علينا

**SYD** · 07-10-2012 01:38 AM

مبروك يا أحمد بيه علي حل المشكلة
بس معقولة انت كل دة ماكنتش غيرت طرمبة البنزين ؟؟؟
دانت بتشتكي من الموضوع دة من يمكن 3 او 4 شهور !!!
علي العموم حصل خير والحمد لله انها ماعملتهاش معاك وانت علي الطريق (مطروح)
حقاً السيات سيارة اعتمادية لا تخذل مالكها
ربنا يا رب يباركلك فيها ويديك خير ويكفيك شرها

والله المستعان
،
،

**Ahmed Mubarak** · 07-10-2012 10:13 AM

المشاركة الأصلية كتبت بواسطة matrix012

الف مبروك يا احمد باشا
انا عارف انك تعبت شويه فى الموضوع ده
بس انا ليا عندك سؤال هوا الميكانيكى هوا الى رش الاسبراى بتاع الكاربراتير على البوابه ( الاسبراى الاصفر ) ؟؟
ما علينا

الله يبارك فيك يا أ/ مصطفى
طبعا الميكانيكى هو اللى رش (الاسبراى الاصفر) واخد بالك انت

**ehab_mansour** · 07-10-2012 10:15 AM

كفاره يا ريس

**Ahmed Mubarak** · 07-10-2012 10:17 AM

المشاركة الأصلية كتبت بواسطة S O P H O S

الحمد الله ان المشكلة اتحلت

شكرا

**Ahmed_Gallant** · 08-10-2012 02:00 AM

الف مبروك يا احمد باشا
اقدر اقولك ان العربيات دى (الالمانى) لما بيكون فيها مشكله وبتتحل الفرق بيبقى خرافى يعنى لو مكتومه تبقى مبتمشيش تحل المشكله تحس انها بتطير ومبتبقاش مصدق انها عربيتك
ومن حيث الاعتماديه اخويا بدأ يقتنع بالعائله الاسبانيه وبيفكر فى حته توليدو 98 ولا حاجه بعد ما كان بيعشق السيفيك بس السيفيك فعلا غير اعتماديه بالمره مع انها ركوبه ممتعه
بفضل الله النهارده فكيت وش العربيه كله وعدلت الردياتير بعد ما كان معوج ناحيه الموتور ودهنت الشبكه بلونها الاصلى وعملت نيو لوك هبقى انزله فى موضوع بس بعد ما خلصتها حسيت بنفس الاحساس اللى عندك انها كانت صندل وعره وسكه 30 جندى خلوها بقت عروسه

**SYD** · 08-10-2012 04:48 AM

المشاركة الأصلية كتبت بواسطة acoal

الف مبروك يا احمد باشا
اقدر اقولك ان العربيات دى (الالمانى) لما بيكون فيها مشكله وبتتحل الفرق بيبقى خرافى يعنى لو مكتومه تبقى مبتمشيش تحل المشكله تحس انها بتطير ومبتبقاش مصدق انها عربيتك
ومن حيث الاعتماديه اخويا بدأ يقتنع بالعائله الاسبانيه وبيفكر فى حته توليدو 98 ولا حاجه بعد ما كان بيعشق السيفيك بس السيفيك فعلا غير اعتماديه بالمره مع انها ركوبه ممتعه
بفضل الله النهارده فكيت وش العربيه كله وعدلت الردياتير بعد ما كان معوج ناحيه الموتور ودهنت الشبكه بلونها الاصلى وعملت نيو لوك هبقى انزله فى موضوع بس بعد ما خلصتها حسيت بنفس الاحساس اللى عندك انها كانت صندل وعره وسكه 30 جندى خلوها بقت عروسه

في انتظار التقرير يا باشا
وياريت يكون مدعوم بالصور والشروحات الجامدة بتاعتك
عشان تدخل ضمن سلسلة اعمل صيانتك بنفسك

تحياتي

-

الموضوع: أفضل موضوع لشهر أكتوبر : حل مشكلة بطء الدوارة والتنتيش وتعليق ال rpm على 3 ابيزا 2000

LinkBack

أدوات الموضوع

عرض

أفضل موضوع لشهر أكتوبر : حل مشكلة بطء الدوارة والتنتيش وتعليق ال rpm على 3 ابيزا 2000 - انشر الموضوع فى :

-

-

-

-

-

-

المواضيع المتشابهه

أفضل موضوع لشهر نوفمبر 2012

أفضل موضوع في قسم سيات لشهر أكتوبر 2012

بالصور و التفاصيل: تجربة و ملاحظات على ترخيص 3 سنوات لـ504 ((أفضل موضوع لشهر مايو))

الكلمات الدلالية لهذا الموضوع

المفضلات

المفضلات

ضوابط المشاركة