شكرا أخى الكريم على نصائحك ويجعلة فى ميزان حسناتك
رقم العضوية : 84889
تاريخ التسجيل : 03Jan2011
المشاركات : 473
النوع : ذكر
الاقامة : Cairo
السيارة: Nissan Sunny '13
السيارة[2]: ---------
دراجة بخارية: --------
الحالة :
بسم الله الرحمن الرحيم
سلام الله عليكم يا صقور , ويارب تكونوا في تمام الصحة والعافية وكل عام وأنتم بخير بمناسبة نصر أكتوبر وربنا يديمها نعمة ويحفظها من الزوال
حبيت احط تجميعة لبعض التكنيكات اللي بتنفع في قيادة الصني الجديدة, وبنحتاج إليها في أحيان كتير, بإذن الله احطها بالترتيب
1- تشغيل وتسخين العربية:
أي محرك مهما كان ومهما كانت الشركة المصنعة ليه لازم يحصل له عملية تسخين, سواءً كانت بشكل أوتوماتيكي زي ماكل العربيات الحديثة فيها ترموستات بترفع درجة حرارة المحرك للدرجة المطلوبة وتخلي الزيت يدور داخل الأجزاء لتقليل الاحتكاك والحفاظ عليه...أو لازم نديها وقت للتسخين
والحقيقة اني لاحظت ان العربية -رغم افتقارها إلى لمبة التسخين زي نيسان تيدا- فيها نظام تسخين أوتوماتيكي, تقدر تسمع صوته أول ماتدور العربية وتراقب عداد لفات المحرك (بتدور على 1400 تقريباً ويفضل العداد ينزل لحد مايقرب من 1100 خلال دقيقة على الأكثر) ... ساعتها تعرف ان العربية جاهزة للحركة حالاً
أما لو كنت مستعجل ومضطر تطلع في التو واللحظة, فانصحك تمشي على 20 أو 40 بالكتير لمدة دقيقتين وبعد كدة تسرع زي مانت عايز, وده حفاظاً على عمر محرك عربيتك ومنعاً للاحتكاك الزيادة بين الأجزاء المعدنية
ملحوظة: انت محتاج تزود وقت تسخين العربية إلى دقيقتين لو كنت بتستعمل زيت معدني (أقصى مسافة 5000 كيلو), مش زيت تخليقي
2- التسارع:
دواسة الصني الجديدة بتتفاهم مع نمط ضغطة رجلك , وتتعامل مع أسلوبك في القيادة بعد فترة من الزمن, يعني لو انت رجلك تقيلة على الدواسة هاتتفهم الأسلوب ده وهاتلاقيها محتاجة ضغطة أتقل علشان تزود السرعة, والعكس بالعكس
أما عن الاحتياج المفاجئ للتسارع, أو العربية كانت طالعة مطلع وانت محتاج تزود سرعتك وانت طالع (سرعة العربية بتفضل ثابتة في المطالع والموتور بيزود العزم تدريجياً وانت مش حاسس) ... فانت محتاج حتة فروسية
فاكرين جملة (همز الفارس جواده وانطلق به مسرعاً) ؟ .... تنطبق على الصني, والموضوع كالتالي:
شوف ضغطة رجلك الحالية في وضعك وسرعتك الحاليين .... ضاعف قوة ضغطتك دي لمدة ثانيتين ... رجع ضغطتك زي ماكانت وشوف تسارع العربية هايعمل ازاي :)
وطبعاً لزم التنويه عن ان استعمال الـ أوفر درايف بيكون على سرعات من 80 لحد 140 .... أقل من كدة العربية مش هاتحس (لأنه ببساطة بيقفل النقلة الرابعة في الفيتيس وبيخليك على التالت) ... وأكتر من كدة صوت الموتور بس هو اللي هايعلى ومش هاتلاقي تسارع ولا يحزنون ....واستعمله وقت الطوارئ فقط .... بتحاول تهرب أو تعدي من مقطورة أو حد ناوي الشر وبيتتبعك لاقدر الله ....
كمان لو جينا لإعادة التسارع -بعد المطبات- , وما أكثر المطبات في بلدنا الحبيبة .... هاتيجي والعجلة الخلفية فوق نص المطب وتبدا تزود البنزين ... هاتحس ان فيه حد ادى العربية زقة شديدة والتسارع علي كويس ... واستمتع بمشاهدة العربيات اللي وراك بتبتعد عنك في المراية :)
3- الفرملة:
ماشاء الله نيسان تمتاز بفرامل قوية تلحقك وقت الاحتياج, وربنا مايحوجنا للظروف الصعبة دي
لكن فيه تكنيك حلو جداً انصح باستخدامه : كتير مننا بيلاقي شخص ظريف لطيف لازق بعربيته وراك على سرعة عالية , أو لو استعملنا مصطلح الطيارين (راكب ديل العربية) ... ساعتها الواحد بيشعر بالخطر لأن الفئة دي من شر قائدي السيارات, وغالباً ما بيلبس في عربيتك من ورا لو هديت أو فرملت ويرجع يجعر ويتخانق ويتهمك انك انت اللي فرملت "مرة واحدة" ... (القاعدة المرورية تقضي بأن اللي بيخبط من ورا هو اللي دائماً مخطئ ويتحمل كامل المسئولية) .... وأحيان أخرى بتشوف في المراية اللي وراك عمال يلعب في موبايله, أو بيبص جنبه ومش منتبه, أو غارق في الهيام والغرام مع اللي قاعدة جنبه ومش باصص قدامه أصلاً
الصني الجديدة فيها حتة حلوة ... ان نور الفرامل ولمبة الـ ستوب بينوروا عند لمسك لدواسة الفرامل, واللمسة دي مش بتقلل السرعة أساساً ومش بتخلي العربية تتعامل كأنها هاتفرمل
لكن استعمالك للمسة الدواسة دي بتخلي نور الفرامل ينور فاللي وراك يبدأ يفوق وينتبه , استعملها لفترة كافية قبل ماتبدأ فرملتك الفعلية, والوقت اللي هو "فرملة كاذبة" بيكون كفيل ان اللي وراك يبدأ ينتبه ويحس انه في طريق سيارات وان فيه اختراع اسمه فرامل لازم يستعمله, وبكدة تتجنب بإذن الله حاجة تحصل ماكانش لها لازمة بسبب جهل أو استهتار اللي وراك
4- المنحنيات الحادة:
لو انت على سرعة عالية أو متوسطة ودخلت منطقة منحنيات حادة, استعمل فرملتك بهدوء في نفس وقت إدارتك للدركسيون , هاتلاقي الباور بيخلي لفة الدركسيون كأنها معمولة ومحددة مسبقاً, يعني تحس ان الدركسيون بيوقفك عند حد معين ويقوللك ماتلفش زيادة عنه, حفاظاً على اتزان العربية ومنعاً لحدوث "عزم ازدواج" بيتسبب في انقلاب العربية لا قدر الله
الحركة دي بتخليك كمان تفضل في حارتك أثناء اجتياز المنحنى, وبكدة تتجنب الانحراف الزائد اللي بيخلي العربيات تخبط في بعضها بالجنب وقت الدوران وماحدش شايف اللي جنبه
5- استعادة الاتزان والحفاظ عليه:
سبق وقلنا قبل كدة ان العربية خفيفة ونقشة السقف هي اللي بتخلي الهواء يضغط على العربية ويديها وزن يثبتها ... وده بيخليها عرضة للاختلال الطفيف لو تدخلت عوامل أخرى زي التفريغ الناتج عن عبور عربية كبيرة أو أوتوبيس - بالذات أوتوبيس- جنبك بسرعة عالية
أول حاجة, تمسك بالدركسيون بشدة وإوع تسيبه يغير اتجاهه تحت أي ظرف - والباور هايساعدك في كدة بإذن الله - والعربية هاتستعيد اتزانها تلقائياً
تاني حاجة, لتجنب حدوث التفريغ ده, لو لقيت جسم غريب تقيل جاي من وراك وهايعدي جنبك على سرعة عالية (عربية كبيرة , نقل, مقطورة, أوتوبيس)....افتح الاربع شبابيك, ده هايخلي الهواء يزود ثبات واتزان العربية ويمنع اختلالها نتيجة التصرف المتهور بتاع اللي معدي من جنبك
6- للي قرر يستمر في استعمال الكاوتش الصيني:
فرغ الكاوتش من الهواء تماماً واملاه نايتروجين عند أي محطة أو بتاع كاوتش كويس .... النايترو هايفرق بشدة في أداء الكاوتش العجيب ده وهايحسسك بالنعومة - مش قوي يعني - لكن بكل المقاييس هاتشعر بإذن الله بأداء أفضل للكاوتش والاتزان, وتحافظ على العفشة وتحس بهدوء أثناء اجتياز المطبات والحفر, وما أكثرها في طرقنا الجميلة
ممكن الناس ماتحسش ان الموضوع ده مهم أو انها إضافة جامدة, لكن جرب الحاجات دي وهاتحس بالفرق أثناء قيادتك للصني الجديدة, وربنا يحفظنا جميعاً ويسلم طرقنا ويبارك لنا فيما رزقنا
وأرجو تجنب التصرفات المجنونة والمتهورة, لأن نتيجة تصرفك مش بتتحملها لوحدك, وبتتخصم من أرواح البشر اللي حواليك ومالهمش ذنب, والقيادة بأمان هاتوصلك لهدفك وانت سليم, لكن السرعة الزايدة والفهلوة ...الله وحده هو من يعلم عواقبها, وغالباً مش بتكون في مصلحة أي حد
سلام عليكم
رقم العضوية : 102079
تاريخ التسجيل : 04Jun2011
المشاركات : 1,222
النوع : ذكر
الاقامة : cairo
السيارة: NEW SUNNY2013
السيارة[2]: REGATA
دراجة بخارية: no
الحالة :
شكرا أخى الكريم على نصائحك ويجعلة فى ميزان حسناتك
رقم العضوية : 122948
تاريخ التسجيل : 10Apr2012
المشاركات : 254
النوع : ذكر
الاقامة : cairo/abu dhabi
السيارة: santafe/camry
السيارة[2]: beetle69/filicia 96
دراجة بخارية: no
الحالة :
تقرير ممتاز و شكرا لمجهودك الواضح في التنسيق .
رقم العضوية : 21551
تاريخ التسجيل : 08Oct2008
المشاركات : 2,587
النوع : ذكر
الاقامة : suez
السيارة: الحمد لله كده زى الفل
السيارة[2]: Nissan Tiida H/B
دراجة بخارية: no
الحالة :
شكرا على مجهودك و افادتك لملاك الصنى
بس للاسف التيدا برضه مفهاش لمبه بيان للتسخين السياره
م / محمد سعد
[img2]http://img846.imageshack.us/img846/197/63588414414249233311774.jpg[/img2]
رقم العضوية : 41339
تاريخ التسجيل : 28May2009
المشاركات : 227
النوع : ذكر
الاقامة : مصر
السيارة: Nissan Sunny Super Saloon 2013
السيارة[2]: Lada 2105
دراجة بخارية: لايوجد
الحالة :
تقرير جميل ومهم طبعا.... وتسلم ايديك
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
جزاك الله خيرا ..
رقم العضوية : 129375
تاريخ التسجيل : 15Sep2012
المشاركات : 58
النوع : ذكر
الاقامة : دمنهور
السيارة: لانوس
السيارة[2]: هيونداى
الحالة :
تقرير جميل
رقم العضوية : 21210
تاريخ التسجيل : 06Oct2008
المشاركات : 143
النوع : ذكر
الاقامة : mansoura
السيارة: ---------
السيارة[2]: --------
دراجة بخارية: ---------
الحالة :
مشكووور جدا على الموضوع الاكثر من رائع واللى ان دل يدل على حسك العالى فى القيادة
[mshosh2]http://www6.0zz0.com/2011/12/19/06/908815876.jpg[/mshosh2]
مفيش تهور مفيش تطور
رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
ههههههههههههههههههههه
تقرير لذيذ ومفيد وشيق ومليان معلومات هامة جدا
شكراااااااااااااااا ليك
Y2Y1500 سابقا
رقم العضوية : 602
تاريخ التسجيل : 12May2007
المشاركات : 796
النوع : ذكر
الاقامة : sharkia
السيارة: Lancer 99
السيارة[2]: Logan AT 2014
دراجة بخارية: no
الحالة :
الف شكر انا كل فتره بحب العربيه دي اكتر و إن شاء الله ناوي اجيبها
م/محمود عساف
المفضلات