بعض الإستفسارات في الصني الجديدة

**memoo305** · 22-07-2012 09:31 AM

أنا أستلمت النيو صني من يومين: العربية ماشاء الله حاسس أن هي حاجة محترمة فعلاً

بس عند ملاحظة بسيطة وهي أن حاسس أن العجل مش مترصرص لأنه بعد 80 بتلاقي زي غربلة بيسطة في الدركسيون . مع أني لما فحصت العجل لقيت علية رصاص؟؟ فهل أستنى صيانة الألف ولا أروح لبتاع كاوتش يضبط الموضوع.

حاجة تانية في مانيوال العربية كاتبين أن الواحد مفروض مايعلاش عن 4000rpmقبل 1600كم الأولى .إذن مافيش داعي بقى لحوار أن ماعديش 100كم سرعة في أول ألف وماشغلش التكييف ؟ ولاايه رأيكو؟؟

**GRADER** · 22-07-2012 10:26 AM

و الله يا باشا ده رأيى برضه بالذات ان مفيش حاجة فى الكتالوج بتتكلم على انك ماتشغلش التكييف قبل الالف خالص ومع ذالك الاخوة فى المنتدى مصرين أنه غلط قبل الالف !!!!! وبالنسبة للترصيص أعتقد ان مفيش مشكلة انك تروح ترصص عند أى حد والله أعلم

**engamin** · 22-07-2012 10:27 AM

اول حاجة الف مبروك على العربية وربنا يكفيك شرها
بالنسبة لموضوع غربلة فى الدريكسون عليك وعلى التوكيل اوتو ايجيبت علشان ما حدش يفتيلك فيها وهى لسه فى الضمان
تانى حاجة انا هكلمك عن نفسى انا لانى كنت محتار زيك فاتصلت بالتوكيل فقالى يفضل ما تشغلوش الا بعد الالف وما تعليش rpm عن 3000 وانا التزمت وكنت ما بعديش السرعة 100 كيلو متر وشغلت التكييف بعد الالف وبصراحة انا لسه ما استلمتش الكتالوج ولو الكتالوج بيقولك ما تعلاش rpm عن 4000 قبل 1600 كيلو التزم بهذا الكلام وبصراحة اشكرك على المعلومة دى لان ما كنتش عارفها بسبب تاخير استلام الكتالوج

**Ahmed_Rahem** · 22-07-2012 12:20 PM

الاول الف مبروك على العربية
2- للترصيص وكل ملاحظاتك اكتبها على ورقة كل متحس بحاجة وفى صيانة الالف قولوهم فى التوكيل على كل الملاحظات دى - وافضلك تروح اتو ايجيبت او السبع.
3- فى التليين يفضل متعليش rpm عن 3000 لفة وبما ان معظم المصريين العداد دة مش مؤثر معاهم فالبائع يقولك متزودش عن سرعة مية! وان الافضل تمشى على عداد rpm .
وبرضة خدلك لفة فى قسم نيسان هتلاقى مواضيع كتير عن استلام العربية الجديدة وتلينها.
ربنا بياركلك فيها ان شاء الله.
والسلام ختام

**Ahmed.TV** · 22-07-2012 04:18 PM

اولا الف مبروك .. وربنا يعطيك خيرها

ثانيا متقلقش من الغربلة العربية عايزة ترصيص .. واول ما تروح الصيانة 1000 .. حتتعمل ببلاش

ثالثا .. فى موضوف فى قسم نيسان اسمه فهرس القسم .. وهو مكانه فى الموضوعات المثبتة اعلى القسم .. حتلاقى فيه موضوع كامل على التليين .. حيفيدك جدا .. اقرائه .. عشان لو تلاحظ .. كتر الموضوعات اللى اتطرحت فى القسم عن التليين والغربلة .. بتخلى الاعضاء القدامى يحسوا بالملل .. ميكنش فى رد كتير
وحضرتك فى النهاية تحس اننا قصرنا معاك

وان شاء الله تستفاد من القسم .. وتكون عضو مفيد معانا وتعمل لنا تقرير مفسر عن انطباعاتك عن العربية عشان يفيد كل باحث مثلك عن العربية

تحياتى ليك

**Ahmed.TV** · 15-08-2012 03:38 PM

من خلال بحثى عن موضوعات فى القسم الهامة .. وتجميع الموضوعات الحديثة
وجدت موضوع حضرتك عن استلامك للسيارة الصنى الجديدة .. ووجدت ان حضرتك دائم الدخول الى موقعنا
عن طريق مشاهدة ملف دخولك ..
فكنا نتمنى من حضرتك ان تطمنا على حل مشكلتك وايضا تفيدنا وتكمل الموضوع بتقيمك عن العربية وتسجيل انطباعك عن العربية .. وتفيد قسم نيسان واعضائه

تحياتى لحضرتك ولكل الاعضاء الجدد
ونتمنى افادتكم لنا مثل ما قسم نيسان يقدمه للاعضاء من خدمات

تحياتى للجميع

**gomana85** · 15-08-2012 09:42 PM

اخبار المساعدين الي وراء ايه ؟؟

-

-

الموضوع: بعض الإستفسارات في الصني الجديدة

LinkBack

أدوات الموضوع

عرض

بعض الإستفسارات في الصني الجديدة - انشر الموضوع فى :

-

-

-

المواضيع المتشابهه

الاسبويلر غير شكل ظهر الصني الجديدة جدا

اخبار مساعدين الصني الجديدة ايه ؟

قطع غيار الصني الجديدة

الصني الجديدة والاكسنت رب

كاوتش الصني الجديدة

الكلمات الدلالية لهذا الموضوع

المفضلات

المفضلات

ضوابط المشاركة