الموضوع: مجرد رائي تفكير بصوت عالي فاسعار الوقود

المشاركة الأصلية كتبت بواسطة benmatar

كلام كبير قوي
بس يعني لمؤاخذة هيلغوا الدعم؟؟؟؟؟؟؟؟؟؟؟

هههههههههههههه انت بتسالني انا ليه انا مالي ياعم ولا انت عايز توديني فداهيه
الموضوع انهم واضح ان هناك شي ما يدبر له..... مره ينفوا ان في تعديل لاسعار الوقود..........ومره يطلع مسؤل ان في مشكله في عداله توزيع الدعم...............مره نلاقي اقتراحات تحس انها متسربه او جس نبض للناس.................ده غير ان الواحد مش ناسي ان اخر مره البنزين غلي فيها الوزير كان بينفي يومها بليل و البنزين غلي تلني يوم الصبح.

المشاركة الأصلية كتبت بواسطة cvt2008

ممكن نخلى نظام الكوبونات على 3 مستويات فالكوبون نفسة
بمعنى
المستوى الأول يكون 1500 لتر فى السنة بالسعر الحالى
المستوى التانى يكون 1500 لتر فى السنة بزيادة 50 %
المستوى التالت يكون 1500 لتر فى السنة بزيادة 100%
بعد كدة بالسعر العالمى
طبعا انت بتاخد لحد المستوى اللى انت بتحتاجة
مجرد رأى

انا مش واضحلي قصد حضرتك هل انت تقصد ان ناس تاخد 1500 لتر بالسعر العادي و ناس تاخد بزياده 50% و ناس بزياده 100% .
و لا قصدك ان اول 1500 لتر بالسعر العادي و تاني 1500 لتر بزياده 50% وهكذا نظام شرايح استهلاكيه يعني.

كلامك حلو بس مين هنا يعمل الكلام دة
كلها ماشية بالفتاكة والفهلوة
زاى ما سيادة الرئيس قال الانبوبة مش بتوصل لمستحقين الدعم
ازاى بئا نفكر نوصل الانوبة اازاى
لا يقوم واخد قرار برفع الدعم خالص والى مش عجبو يخبط دماغو فى اكبر حيط عندهم فى بيتهم

المشاركة الأصلية كتبت بواسطة hussein_ramdan

كلامك حلو بس مين هنا يعمل الكلام دة
كلها ماشية بالفتاكة والفهلوة
زاى ما سيادة الرئيس قال الانبوبة مش بتوصل لمستحقين الدعم
ازاى بئا نفكر نوصل الانوبة اازاى
لا يقوم واخد قرار برفع الدعم خالص والى مش عجبو يخبط دماغو فى اكبر حيط عندهم فى بيتهم

يعمل الكلام ده اللي شايف ان دعم الوقود محتاج اعاده نظر - اللي هم اكيد الحكومه - و الكلام ده مش حاجه صعبه يعني امال هم ايه دورهم الا انهم يخططوا بشكل محترم و يقولو للناس كلام منطقي
الناس لما تحس ان في حد بيحترم عقليتهم صدقني نسبه كبيره من الناس بتستجيب وممكن يتحملوا الزياده لو كانت مدروسه و منطقيه بس لو استخدموا اسلوب الفتاكه والفهلوه - اللي احنا فعلا ورمنا منه - محدش يستغرب بقي من رد فعل الناس