عمار وأمان يا مصر

**drmsadek1979** · 10-10-2012 05:19 PM

أعرف واحد أرزقي كان عنده قطعة أرض زراعية هي كل ما يملك وعنده أسرة وطبعا الأرض دي مش هتعيشه هو وعائلته فباع الأرض ودفع مقدم عربية نص نقل بيطلع بيها مشاوير هو من المنصورة كان رايح يوصل اتنين ميكانيكيا الصعيد طلع عليه ناس ووقفوه عشان ياخدوا العربية هو لما شافهم حاول يمشي بسرعة ضربوا عليه رصاص الكاوتش فرقع طبعا العربية وقفت الناس الي راكبين معاه خافوا على نفسهم نزلوا من العربية وهربوا وهو فضل في العربية وقفل الزجاج والابواب عليه طبعا البلطجيه وصلوا للعربية ضربوا الزجاج فأتكسر وهو لما عرف ان خلاص مفيش طريق للهروب ومش هينفع يسيب العربية ياخدوها عشان يبقى كدا مان من الجوع فقام قاطم المفتاح في الكونتاك هم طبعا لما نزلوه من العربية لقوا المفتاح مقطوم اتجننوا وقاموا طعنوه 3 طعنات في جنبه وصدره وكل دا والناس ماشيه ولا حد يفكر يوقف حتى لحد لما ربنا بعت اتنين وفكروا يوقفوا ونزلوا راحوا ناحيته فالبلطجية مشيوا وسابوه لولا كده كان زمانه ميت بس للأسف هو في المستشفى في حالة خطرة
وربنا يستر طريقنا واهو تحذير للكل

**hossam_elwani** · 10-10-2012 05:57 PM

اه يدماغى لنا الله وربنا معاه

**Khaled Online** · 10-10-2012 06:03 PM

ربنا يقومه بالسلامة ويرجعه لولاده ولمراته
وعايزين الناس الوطنية تطلع وتقول دي حالة فردية ومصر لسه بخير وهنا أحسن من برة والناس برة مابتدخلشي في أي مشكلة والاسطوانة المشروخة إياها