الموضوع: من المنصورة .. إلى .. فندق تريمف بالقاهرة

بص ياباشا
اول ما توصل الدائرى كمل لحد المؤسسة ومش تروح طريق عبود
خليك فى اليمين واطلع من طريق الكورنيش
وخد اول يوتيرن بعد ما تعدى الكمين وارجع تانى وادخل من شارع شبرا - طريق الخلفاوى
وخليك ماشى طوااااااالى لا يمين ولا شمال
هيقابلك اكتر من كوبرى مش فاكر العدد تقريبا 3 اطلع وانزل عادى
لحد ما توصل حدايق القبة
هتكمل عادى هتلاقى فجأة على يمينك الكلية الفنية العسكرية وعلى شمالك مستشفى كوبرى القبة العسكرى
أول ما تنزل من على الكوبرى خد اول يوتيرن شمال وارجع من تحت الكوبرى هتلاقى الخليفة المأمون
هتمشى شوية هتلاقى الفندق على يمينك