استلمت شارك 2012

**zooma2009** · 17-10-2012 10:25 PM

الحمد لله استلمنا شارك 2012 وكان ليا بعض الملاحظات حبيت اشاركها معاكم:

المميزات:
1- ثبات اعلي من الفئات السابقه
2- اعلي عن الارض
3- صالون وتابلوه فخم جدا
4-شراسه التصميم عاجباني جدا ودي اذواق طبعا

بعض النقاط التي احتاج رأيكم فيها:
1- حاسس ان صوت الموتور عالي شويه؟ يا تري دي طبيعي عشان بتلين ولا هوا صوتها كده؟
2- السحب حاسه مش اد كده ... يعني مش عالي اوي زي الهيونداي ار بي مثلا ...؟؟
3- العربيه كنت بلف بيها علي سرعه بسييطه كده .. لقيتها سخنت جداا ... تليين برضه؟
4- تاريخ انتاج العربيه سبتمبر 2011 ؟؟؟

انا حبييت اشارككم التجربه ويارييت تفيدوني . وشكرا

**heka_m_y** · 18-10-2012 12:20 AM

أولا الف الف مبروك وربنا يكفيك شرها ويديك خيرها

ثانيا : حابب اعرف انت جبت الفئة الكام ولونها ولونها الدخلى

ثالثا : ليا تقرير عنها ابحث عنه هتلاقى عنوانه تقرير عن 2012 ومقارنتها بالبومة

رابعا : الحمد لله انا شبه حافظ العربية دى ولو لك اى استفسار عنها ولكن بعد ما تقرأ التقرير انا تحت امرك

خامسا : عرفت تختار

**zooma2009** · 18-10-2012 02:35 AM

المشاركة الأصلية كتبت بواسطة heka_m_y

أولا الف الف مبروك وربنا يكفيك شرها ويديك خيرها

ثانيا : حابب اعرف انت جبت الفئة الكام ولونها ولونها الدخلى

ثالثا : ليا تقرير عنها ابحث عنه هتلاقى عنوانه تقرير عن 2012 ومقارنتها بالبومة

رابعا : الحمد لله انا شبه حافظ العربية دى ولو لك اى استفسار عنها ولكن بعد ما تقرأ التقرير انا تحت امرك

خامسا : عرفت تختار

شكرا لردك
الفئه الرابعه ب 140 الف .... سعرها قبل الخصم 152 ... الون اسود ملك الاوان

انا بس كنت بسأل انا حاسس سحبها ضعيف شويه ... يا تري عشان بتليين ولا لازم اعمل كيك داون عشان احس بالسحب؟
حاسس انها بتسخن شويه؟ياتري ده طبيعي وكمان صوت الموتور عالي شويه؟
وايه اخبار اسعار قطع الغيار ؟؟

عايزين نبقي عزوه كده اكتر من بتوع البومه

**IronHead** · 18-10-2012 11:33 AM

الف مبروك يا ريس وربنا يباركلك فيها
صوت الموتور عالى فعلا, يمكن بعد صيانه الالف لما تغير زيت التليين بزيت تخليقى يقل صوته شويه بس هو صوته عالى ومسموع مع القرص

متحاولش تقرص ولا تعمل كيكات دلوقتى لحد متخلص التليين, وفتره التليين عموما ماينفعش تحكم على سحب العربيه فيها, وماينفعش تقارنا بالاكسنت ار بى عشان الاكسنت عربيه وزنها رشيق مع موتور 1600 فبيخليها طياره, زى احساس الفيرنا بالضبط

سخونيه العربيه مالهاش دعوه بالتليين ولو العربيه بتسخن والحراره بتعدى نص مأشر الحراره يبقى فى مشكله

تاريخ انتاج العربيه عادى, ده تاريخ خروجها من المصنع, اديها كمان 7 او 8 شهور فى الشحن والافراج الجمركى, يعنى تقريبا العربيه دخلت البلد على شهر 6 تقريبا, والموديل مالوش علاقه بسنه الصنع, موديلات 2013 خارجه من المصنع فى اول ربع من 2012

**mohamedzian** · 18-10-2012 06:15 PM

يعنى ايه العربية بتسخن ؟؟ اى عربيه بتبقى حرارتها ثابته مينفعش تزيد ما تسكتش على السخونيه روح الضمان على طول

**zooma2009** · 19-10-2012 02:50 AM

المشاركة الأصلية كتبت بواسطة mohamedzian

يعنى ايه العربية بتسخن ؟؟ اى عربيه بتبقى حرارتها ثابته مينفعش تزيد ما تسكتش على السخونيه روح الضمان على طول

هو المؤشر مش بيعلي ... بس انا حسيت ان وش العربيه سخن اوي بعد ما لفييت بيها شويه علي سرعه بسييطه

**zooma2009** · 19-10-2012 02:52 AM

المشاركة الأصلية كتبت بواسطة ironhead

الف مبروك يا ريس وربنا يباركلك فيها
صوت الموتور عالى فعلا, يمكن بعد صيانه الالف لما تغير زيت التليين بزيت تخليقى يقل صوته شويه بس هو صوته عالى ومسموع مع القرص

متحاولش تقرص ولا تعمل كيكات دلوقتى لحد متخلص التليين, وفتره التليين عموما ماينفعش تحكم على سحب العربيه فيها, وماينفعش تقارنا بالاكسنت ار بى عشان الاكسنت عربيه وزنها رشيق مع موتور 1600 فبيخليها طياره, زى احساس الفيرنا بالضبط

سخونيه العربيه مالهاش دعوه بالتليين ولو العربيه بتسخن والحراره بتعدى نص مأشر الحراره يبقى فى مشكله

تاريخ انتاج العربيه عادى, ده تاريخ خروجها من المصنع, اديها كمان 7 او 8 شهور فى الشحن والافراج الجمركى, يعنى تقريبا العربيه دخلت البلد على شهر 6 تقريبا, والموديل مالوش علاقه بسنه الصنع, موديلات 2013 خارجه من المصنع فى اول ربع من 2012

انا اصلا بحب العربيه دي اوي ... شكلها مفتري ... ومن جوه شياكه جدا ... انا بس حابب اسأل ايه اخبار السحب والكيك داون بعد التلييين؟؟؟ ولو اتقارنت بسحب الاوكاتافيا او الكرولا هيبقي ايه الاخبار؟؟

**bakkarahmed** · 19-10-2012 03:54 AM

مبرووووك
صوت الموتور عالي شويه وهايهدي شويه صغيرين بعد التليين ( الموتور رياضي وليه رنه جميله) وانا باحب صوته
2- السخونه عادي طالما المؤشر في مكانه الطبيعي وسوائل التبريد مظبوطه
3- السحب هو اقل من الهيونداي ( معروف ان الهيونداي مواتيرها كلها بتجري وبتجمع سرعه بدري) بس موتور الانسر بتاخد منه اداء ونسبه تسارع ثابته والكيك دوان بتاعها كويس بس بعد التليين مبدئيا هي سحبها حلو بس لاهي بطه بلدي زي الفلونس والكروز والفانتازيا ..ولا هي بتجمع سرعه بدري زي الهيونداي هي متـــــــــــــــــــــــ ــــــــــــزنه

**zooma2009** · 19-10-2012 02:28 PM

المشاركة الأصلية كتبت بواسطة bakkarahmed

مبرووووك
صوت الموتور عالي شويه وهايهدي شويه صغيرين بعد التليين ( الموتور رياضي وليه رنه جميله) وانا باحب صوته
2- السخونه عادي طالما المؤشر في مكانه الطبيعي وسوائل التبريد مظبوطه
3- السحب هو اقل من الهيونداي ( معروف ان الهيونداي مواتيرها كلها بتجري وبتجمع سرعه بدري) بس موتور الانسر بتاخد منه اداء ونسبه تسارع ثابته والكيك دوان بتاعها كويس بس بعد التليين مبدئيا هي سحبها حلو بس لاهي بطه بلدي زي الفلونس والكروز والفانتازيا ..ولا هي بتجمع سرعه بدري زي الهيونداي هي متـــــــــــــــــــــــ ــــــــــــزنه

شكرا يا باشا علي التوضيييح

هوا صوته جميييل فعلا ... بيديك احساس بالقوه
بالنسبه للسحب انا خدت بالي انه احسن من التويوتا مثلا والكرووز ... بس ميوصلش للهيونداي اكيييد ... يمكن عشان وزن العربيه التقيل برضه

كنت حابب اسألك علي توافر قطع الغيار والصيانه خارج التوكيل وداخله والاسعار طبعا ؟؟

**IronHead** · 19-10-2012 05:10 PM

المشاركة الأصلية كتبت بواسطة zooma2009

هو المؤشر مش بيعلي ... بس انا حسيت ان وش العربيه سخن اوي بعد ما لفييت بيها شويه علي سرعه بسييطه

احتمال الفئه اللى معاك مافيهاش عزل الكبوت عشان كده بيبقى الكبوت سخن, بس احسن عشان العيال متقعدش عليه لما تركنها, هتلسوهم لو فكروا يقعدوا على الكبوت :-)
عموما العبره بالمأشر