مقارنة بين مازدا 3 2012 و لانسر شارك هاى لاين 2012

**midobond** · 19-02-2012 03:04 PM

الحمد لله انا كنت محتار جدا بين مجموعة عربيات كتييييير و التصفيات وصلت المازدا و الشارك للنهائيات هههههههه ممكن يا جماعة مقارنة بين العربيتين من حيث قوة الموتور و ناقل الحركة (الفتيس) و الكماليات و الرفاهية و الاهم انا مش عارف اى حاجة عن عيوب المازدا ياريت مقارنة حيادية

**Lancer_EX** · 19-02-2012 04:20 PM

عيب المازادا انها واطيه شويه وبتحك فى المطبات وصالونها الخلفى ضيق

الشارك الهاى لاين كماليتها اكبر بكتير -الأتنين نفس (سعر قطع الغيار - سعر اعاده بيع ) بس الشارك صيانتها اسهل والرواس ومصريه احسن من غبور

بص العربيتين زى الفل شوف موضوع الحك فى المطبات ده لو مش فارق معاك المازدا تمام

**midobond** · 19-02-2012 04:26 PM

لا انا بدور على كماليات اكتر و موضوع الحك ف المطبات ده يهمنى جدا لان ربنا رازقنا بمحافظ تقريبا بياخد نسبة من بتوع العفشة على كل عربية بتتصلح عشان كده كل 2 متر تلاقى مطب ههههههه

**mazda3mazda** · 20-02-2012 01:02 PM

المشاركة الأصلية كتبت بواسطة midobond

الحمد لله انا كنت محتار جدا بين مجموعة عربيات كتييييير و التصفيات وصلت المازدا و الشارك للنهائيات هههههههه ممكن يا جماعة مقارنة بين العربيتين من حيث قوة الموتور و ناقل الحركة (الفتيس) و الكماليات و الرفاهية و الاهم انا مش عارف اى حاجة عن عيوب المازدا ياريت مقارنة حيادية

اختياراتك موفقة

بالنسبة للكماليات و الرفاهية في المازدا أنا كنت كاتبها قبل كدة و هتلاقيها في المشاركة ديه http://www.nilemotors.net/Nile/26374...post3874017125 ...بس اتأكد إذا كانت ال2012ماتغيرش فيها حاجة في الكماليات، لأنهم ساعات بيغيروا و مابيقولوش أو مابيبقوش عارفين من أساسه!!!

بالنسبة لقوة الموتور و الفتيس فرأي إنك تعمل تست دريف للاثنين و تشوف إذا فيه فرق في السحب و صوت الموتور ولا لأ و لو فيه محسوس ولا لأ... أو علي الاقل تاخد رأي كذا واحد ساق العربيتين بنفسه
أنا الملحوظة بتاعتي علي المازدا فقط لأني مشفتش الشارك... و هي إني مابحسش نهائي بتغيير النقلات نهائييييي، ماهما حاولت أركز مع أي تغيير في صوت الموتور أو أي رجة أو أي نتشة... فشلت تماما... و السحب و التجميع تمام قوي بس طبعا مقارنتش بالشارك مع العلم إن المزدا موتورها و فتيسها قديم إلى حد ما لكن الشارك المفروض تكنولوجية أجدد و يمكن عشان كدة فيه ناس بتشتكي إن المزدا استهلاكها للبنزين عالي شوية

بالنسبة لارتفاع العربية ديه بتبقي نسبة و تناسب، يعني أنا عندي اسكورت من زمان و لما بسوق المزدا بحس انها أعلي!!! ههههه... هي ارتفاعها 15.5 cm و هي فاضية و 11.8 cm و هي بأقصي حمولة... شوف مواصفات ارتفاع الشارك كام بس خللي بالك إن ساعات المواصفات بتبقي ملخبطة، يعني ساعات يكتبلك ارتفاع العربية و هي فاضية و يقارنهالك بارتفاع عربية تانية و هي مليانة