في ظل قانون المرور الجديد

**ahmed_said_13** · 22-10-2012 12:08 AM

هل من الممكن ارخص عريبه تويوتا او متسوبيشي دبل كابيه علي انها ملاكي ، و إذا كان ده ممكن تبقي ايه الحاجات اللي الواحد لازم ياخد باله منها مثلا (السرعات علي الطرق - التحميل - ... الخ)

**mohamed_selim** · 22-10-2012 12:19 AM

مينفعش
تترخص نقل و لازم يسوقها برخصه مهنيه و تطبق عليك قواعد النقل من عدم طلوع كبارى او دخول مناطق معينه

**ahmed_said_13** · 22-10-2012 09:13 PM

مش عارف و الله بس انا كنت سمعت من أكتر من واحد ان العربيه ممكن تترخص ملاكي بس لها شروط (تقريبا ان محدش يسوقها غيرك او حاجه زي كده ... مش متأكد بصراحه) و كمان ممكن تسوقها برخصتك العاديه مش لازم مهنيه و تطبق عليها قواعد الملاكي يعني متنفعش تشتغل بيها (أنا كنت شفت ميتسوبيشي نقل دوبل كابينه 2012 في روكسي بنمر لونها ازرق يعني ملاكي)

فمش عارف الموضوع ده بيتعمل ازاي ممكن حد يدلني

**SAiF3S** · 23-10-2012 02:50 AM

طبعا ممكن تترخص ملاكى بعد دفع فرق الجمارك , وفى قانون جديد بدء تطبيقه على الافراجات الجديده من البيك اب ان ترخص ملاكى اذا كانت الكابينه والموتور اكبر من نصف طول السياره زى الرام اويتم تطبيقه على كل السيارات البيك اب المستورده بعد شهر 6 /2012 وده المعلومه الادق
وعندما ترخص ملاكى تعامل معامله الملاكى من حيث السرعات و المسارات و الضرائب والترخيص و خلافه
والسيارات البيك اب لا تحتاج رخصه مهنيه لقيادتها فقط رخصه خاصه

**mohamed_selim** · 23-10-2012 10:56 AM

شكرا للتوضيح !
طيب حد يعرف الهايلوكس دوبل كابينه بكام؟ :)

**SAiF3S** · 23-10-2012 03:26 PM

على حسب مواصفه العربيه و الكماليات و خلافه لازم تعرف انت عاوز العربيه لأيه يعنى استخدام طريق ولا مدقات و صحرا لان فتيس الغرز بالعربيه بيعلى تمنها وبالاخير ادخل على موقع تويوتا مصر شوف المواصفات واتصل بيهم اعرف السعر لان فى حوالى 4 مواصفات للدبل كاب و لكل مواصفه 4 موديلات

**ahmed_said_13** · 23-10-2012 09:52 PM

المشاركة الأصلية كتبت بواسطة SAiF3S

طبعا ممكن تترخص ملاكى بعد دفع فرق الجمارك , وفى قانون جديد بدء تطبيقه على الافراجات الجديده من البيك اب ان ترخص ملاكى اذا كانت الكابينه والموتور اكبر من نصف طول السياره زى الرام اويتم تطبيقه على كل السيارات البيك اب المستورده بعد شهر 6 /2012 وده المعلومه الادق
وعندما ترخص ملاكى تعامل معامله الملاكى من حيث السرعات و المسارات و الضرائب والترخيص و خلافه
والسيارات البيك اب لا تحتاج رخصه مهنيه لقيادتها فقط رخصه خاصه

هل الميتسوبيشي النقل دبل كابينه و التويوتا هيليوكس دبل كابينه 2012/2013 يطبق عليها حوار الملاكي ده (الكابينه والموتور اكبر من نصف طول السياره) و لا إيه
و يا تري فرق الجمارك ده يطلع كام تقريبا

......... و شكرا جزيلا علي المعلومات القيمه

**SAiF3S** · 24-10-2012 01:06 AM

المشاركة الأصلية كتبت بواسطة ahmed_said_13

هل الميتسوبيشي النقل دبل كابينه و التويوتا هيليوكس دبل كابينه 2012/2013 يطبق عليها حوار الملاكي ده (الكابينه والموتور اكبر من نصف طول السياره) و لا إيه
و يا تري فرق الجمارك ده يطلع كام تقريبا

......... و شكرا جزيلا علي المعلومات القيمه

انا شوفت فورد رينجر و هى نفس الحجم و مترخصه ملاكى , المشكله انه يكون استيراد جديد و السعر هيكون اعلى بحوالى 70-100 الف وده قياسا على عربيه دبل كاب نفس الحجم زادت من 245 الف الى 325 الف ملاكى