How to make honda turbo engine

**ahmedeihab** · 22-10-2012 04:17 PM

السلام عليكم اخوانى الهونداويه

النهارده فيه موضوع جميل و لذيذ و انا بعتبره من المواضيع المحبوبه ليا و لكل اعضاء الهوندا المحبى للسرعه

اه هو موضوع مكلف بس اهو من باب العلم و المعرفه

و ان شاء الله اقدر افيد الناس على قد ما اقدر

فى الاونه الاخيره ناس كتير كانت بتسألنى ازاى اركب تيربو على مواتير الهوندا بالاخص

لان عندنا ال Cr بتاعنا عالى علشان كده مش هينفع تركب تربو على طول

لان فى خطوات هناخدها الاول و معاها بردو الاسعار

اولا هنخرج المكنه بره حوض العربيه الاول

ثانيا هنفك جميع اجزاء الموتور وش السلندر هنفط منه الكامات و الصبابات و البوابه و هنسيبه فاضى خالص

و بردو البلوك

هنفك الكرانك و السبايك و الهلايل و البساتم و كله و هنخليه بلوك فاضى

اولا هنروح المشتروات كل موتور و ليه كيت تيربو مخصوص ليه

منصحش بتربنه مواتير ال 1500 لانها كامه واحده و كربيراتير او سعه ال 1600 كامه واحده

و احنا عايزين قوه اكبر يعنى سعه ليتريه اكبر

اشترينا كيت التيربو و دى الصور بتاعته

و ده بيبتدى من 10 الاف جنيه فيما فوق على حسب الشركه المصنعه للتيربو

طبعا البساتم عندنا بتبقى الانضغاط بتاعها عالى فا احنا بننصح بتغيير الانترينال بتاع الموتور

الى انتيرنال سبور من شركات مخصصه للكلام ده + شراء بساتم ضغط منخفض علشان تستحمل البوست بتاع التيربو

و طبعا صبابات و سبايك و هلالات و كل اجزاء الموتور الداخليه

هتترمى و ييجى مكانها اجزاء سبور

و الكلام ده هيدخل فى حدود ال 7 الاف جنيه و بردو على حسب الشركه المصنعه

نقفل المكنه بقا من جوه

البساتم الجديده و السبايك و الهلالات و كل حاجه

و طبعا ناس متخصصه بتقفل الكلام ده مش هينفع الاسطى بليه يقفله علشان ميخربش الدنيا

احنا بنعمل project بمبلغ عالى فا مش تسترخص

خلاص قفلنا البلوكه و الوش تمام

و طبعا هنجيب جوان وش سلندر سبور علشان يستحمل الضغط ده كله لان درجه الحراره هتبقى مرتفعه جداااااااااا

و انا مش هفضل كل شويه افك و اركب فى جوانات وش سلندر

ولا هينفع اركب جوانين على بعض

لازم جوان من شركه متخصصه و يستحسن شركه greedy لانها ممتازه فى الجوانات و البساتم

كده فاضلنا كامات سبور و شركه HKs ممتازه فيهم

لازززززززززززززم واحد فاهم يعنى ايه كامات سبور

علشان لو فيها حاجه غلط المكنه هتتكسر فى الدواره

و دى بيبقى سعرها فى حدود 5000 جنيه

طبعا احنا مجبناش سيره الكرانك علشان مواتير ال 1600 بالاخص ال B16 بيستحمل لحد 16 Psi

و ال B18 بيستحمل لحد 17 Psi

فا الكرانك مش هنضطر نغيره

كده احنا قفلنا البلوك تمام و حطينا جوان وش السلندر الاسبور و ركبنا الصبابات و الكامات و كل حاجه اتظبطت

نقفل الوش على البلوكه و تربطهم تمام جداااااااا و هنجيب سير كاتيه هوندا اصلى و ده تمنه 240 جنيه و نركب تمام و نقفل الدنيا

نركب المنافولد اللى جاى مع كيت التيربو و نركب التيربو فيه و ال blow off و ده مهم جدااااااااااا

لانه بيفرغ الهوا الزياده داخل التوربينه علشان متضربش و بيحافظ عليها جداااااااا

صوره المنافولد

و ادى صوره ال blow off

تمام كده ركبنا المنافولد و التيربو و ال blow off

نركب بقا السربنتينا بتاعت تبريد العادم و مواسيرها فى التيربو

ادى صوره سربنتينه التبريد الخاصه بالعادم

و طبعا بنركب سربنتينه تبريد خاصه بالزيت ( oil coller) بييجى لوحدوا مش مع الكيت بيتكلف 600 دولار

كل ما الزيت يكون بارد كل ما الحصان يكون اعلى فا دى بردو مهمه جداااااااااا

و دى صورتها

كده يبقى تمام كل حاجه ناقصنا البوابه شركه skunk 2 مشهوره جداااا فى صناعه البوابات الاسبور

و دى تمنها فى حدود ال 2600 جنيه

و دى صوره البوابه

كده يبقى كل مستلزمتنا تمام و مفيش حاجه نقصانا خالص غير الرشاشات

و دى سعرها 3000 جنيه و دى صورتها

قفلنا تمام التمام و كل حاجه تحت السيطره

و ده بيبقى شكل المكنه النهائى بعد تركيب التيربو عليها

طبعا بنحتاج لطرومبه بنزين سبور علشان تضخلنا بنزين كتير للمكنه دى

و فى ناس بتركب 2 طرومبه طالما البوست عالى بتاع التيربو

طول ما انت بتدخل هوا كتير يبقى تدخل بنزين كتير علشان تطلع القوه اللى انت عايزها

طبعا بعد كميه الغازات الخارجه كتير دى هنكبر قطر ماسوره العادم

طبعا متقلش عن 3.5 بوصه اذا مكانتش 4 بوصه

و لاززززم تحط علبه شكمان نضيفه علشان الصوت اللى بيطلع بيبقى عالى جداااااااا

فا لازم علبه شكمان تخلى نغمه العادم اللى خارجه دى تبقى هاديه

و طبعا ده كيت بييجى على بعضه من شركات التعديل بيعمل فى حدود ال 3000 جنيه

و دى صورته

بعد كده هنضطر نعمل حاجه اسمها ريماب للكونترول و ده بيتكلف 4000 جنيه

و ده بيخلى الكونترول ياخد امر انه يطلع بنزين زياده علشان يقابل الهوا الزياده اللى بيطلعه التيربو

و بكده اقدر اقولك انك لو عملت الكلام ده بالحرف

على موتور B16a هتطلع 260 whp يعنى على الارض دى اقل حاجه عند 6 Psi معانا لحد 10 psi علشان نحافظ على الموتور

ولو على B18c هتطلع 320 whp عند 6 psi يعنى 350 hp

بس امانه عليكما اللى يعمل الكلام ده

يعدل فرامل لان العربيه هتبقى سواقتها صعبه جدااااااااااا جدااااااااااا جداااااااااااااااااا و مش هتقف بسهوله

و كده التكلفه صناعه موتور هوندا تيربو حوالى ال 50 الف جنيه طبعا مبلغ ضخم جدااااااا

و يمكن يزيد لو انت عايز توصل قوه اكتر

بس انتوا عارفين يعنى ايه 260 whp يعنى العربيه هتحط الغيار الاول و التانى و التالت فى الارض

و طبعا هنشترى عدادات قياس ضغط

علشان نعرف احنا رافعين بوست لحد فين و دى صوتها

و بكده يبقى خلصنا موضوع كيف تصنع موتور هوندا تيربو

يارب يكون الموضوع عجبكوا و قدرت افيد اعضاء كانت غايبه عنها النقاط دى

تحياتى

^_^

**A.Adel** · 22-10-2012 04:26 PM

موضوع ممتاز

**eng_maged** · 22-10-2012 04:28 PM

موضوع رائع ومتكامل .. مجهود تشكر عليه
تسلم ايديك وعاش رجاله الهوندا

**muhamedtareq** · 22-10-2012 05:01 PM

يعني انا عشان اتربن ادفع 50 الف لييييييييييييه :d , ده علي كده كريم الدكاني الي عندنا في اسكندريه دافع 50 الف للتربو بس ؟!

**abo-berry** · 22-10-2012 05:08 PM

لما اشوفك هديك نوط الجمدان ;);)
تسلم ايدك يا معلم

**abo-berry** · 22-10-2012 05:16 PM

يا باشا كريم الديكاني شغله بيجيبه بنفسه من بره يعني مش هيكلفه زي ماهيكلف شخص عادي بيشتري.
و غير كده هو مش محتاج انه يتكلف قليل بسبب اسعاره السياحية و اللي مش بيرضي انه ينزل مليم احمر من اي حاجه بيبعها

**Saeed-Taha** · 22-10-2012 05:20 PM

واحد وساااااااااام هنا وصلحه

ههههههههههههههههههه

بلد بتاعة أوسمة صحيح

موضوع ممتاز ياباشا بس مكلف اوى

**A.Adel** · 22-10-2012 06:04 PM

أنا عندي شوية استفسارات بس

هل ممكن اتربن بس ازود مثلا 30-40 حصان -بال remap بـ exhaust بكله -بس عشان مادخلش في موال تغير internals و upgrade لل عفشه والكلام ده ؟؟!!!

يعني أبقى محتاج اعلي الفرامل بس
أنا عندي ال CR تقريبا 11 ,يعني عاليَّه

شكرا :)

**ahmedeihab** · 22-10-2012 06:06 PM

المشاركة الأصلية كتبت بواسطة ahmed-adel

موضوع ممتاز

المشاركة الأصلية كتبت بواسطة eng_maged

موضوع رائع ومتكامل .. مجهود تشكر عليه
تسلم ايديك وعاش رجاله الهوندا

مشكورين يا رجاله

المشاركة الأصلية كتبت بواسطة muhamedtareq

يعني انا عشان اتربن ادفع 50 الف لييييييييييييه :d , ده علي كده كريم الدكاني الي عندنا في اسكندريه دافع 50 الف للتربو بس ؟!

[color="rgb(0, 191, 255)"]

ما انا قلت الموضوع مكلف

[/color]

المشاركة الأصلية كتبت بواسطة abo-berry

لما اشوفك هديك نوط الجمدان ;);)
تسلم ايدك يا معلم

[color="rgb(0, 191, 255)"]

عايزك تتعلم بقا مش كل شويه هقعد اعلم فيك خلاص

و بالنسبه للنوط خليهولك ممكن ينفعك وقت زنقه :d:d:d

^_^

[/color]

المشاركة الأصلية كتبت بواسطة abo-berry

يا باشا كريم الديكاني شغله بيجيبه بنفسه من بره يعني مش هيكلفه زي ماهيكلف شخص عادي بيشتري.
و غير كده هو مش محتاج انه يتكلف قليل بسبب اسعاره السياحية و اللي مش بيرضي انه ينزل مليم احمر من اي حاجه بيبعها

[color="rgb(0, 191, 255)"]

+111111111111

ده عايش فى شرم الشيخ يا عم مش عندنا

^_^

[/color]

المشاركة الأصلية كتبت بواسطة matrix_87

واحد وساااااااااام هنا وصلحه

ههههههههههههههههههه

بلد بتاعة أوسمة صحيح

موضوع ممتاز ياباشا بس مكلف اوى:copy of m-s5:

[color="rgb(0, 191, 255)"]

ربنا يخليك يا باشا اه هو مكلف طبعا

بس الغاوى بقا

^_^

[/color]

**ahmedeihab** · 22-10-2012 06:13 PM

المشاركة الأصلية كتبت بواسطة ahmed-adel

أنا عندي شوية استفسارات بس

هل ممكن اتربن بس ازود مثلا 30-40 حصان -بال remap بـ exhaust بكله -بس عشان مادخلش في موال تغير internals و upgrade لل عفشه والكلام ده ؟؟!!!

يعني أبقى محتاج اعلي الفرامل بس
أنا عندي ال cr تقريبا 11 ,يعني عاليَّه

شكرا :)

طالما الانضغاط عندك فوق ال 8 هتضطر تغير انتيرنال للموتور

حتى لو ركبت توربينه صغيره

لان كده العربيه هتقعد تسقف و اكيد تكسر صبابات

و بعدين انت انضغاطك 11 يعنى بعد الريماب و التيربو هيوصل 13

فا انت اولا هتحتاج بنزين 98 و ده مش موجود فى مصر

ثانيا خطر جدااااااا على موتورك

لان انت الانضغاط بتاعك عالى اوى يعنى انت المفروض بنزين 95 على طول يا كبير علشان تحافظ على موتورك كده بدون ما تعدل فيه

^_^

الموضوع: How to make honda turbo engine

LinkBack

أدوات الموضوع

عرض

How to make honda turbo engine - انشر الموضوع فى :

-

-

-

المواضيع المتشابهه

for sale Hyundai 1500 cc turbo ie engine

وهمي Subaru Boxer Turbo Diesel Engine

Turbo engine in action...HOT

Fiat Punto GT Turbo Engine

How To Make An Engine Cover ?

الكلمات الدلالية لهذا الموضوع

المفضلات

المفضلات

ضوابط المشاركة