الموضوع: الحمد الله ربنا ستر.... بخصوص الكاوتش

السلام عليكم ورحمة الله وبركاته

كــــــــــــــــــــــــ ـــل عـــــــــــــام والجميع بكل خير وسعادة....

من يومين كنت راجع من الشغل لاحظت ان العربية بتحدف شمال بقوة وكنت ماش على سرعة 100 :95 كم س المهم ماخدتش فى باللى قلت يمكن هبوط فى الطريق بتسحب العربيه شمال المهم جيت عن دوران حاد وكان لازم اهدى قلت اقف واشوف الكاوتش لقيت الفردة الشمال على الجنت وكان باقى حوالى 300 متر على البيت فقلت بلاش اغير الاستبن ونزلت وغيرته وعلى فكرة الاستبن مش تيبلس دا كان تيبلس وركبتله شنبر والصنايعى قال مش حيتنفخ بالضغط المثالى حيبقى تقريبا 24 بس علشان الشبنبر خلصان....

ومشيت بالعربية تانى يوم روحت الشغل العربية على السعرعة البطيئة تمام اول ما تعدى السرعة 80 كم تبدء العربية فى اكنى فيها فيبريشن اهتزاز شديد الديركسيون اهتزاز شديد فكان يجب النزول بالسرعة الى 40 كيلو ورحت لورشة الكاوتش قال الفردة بتاعت جايبة سلك ومش نافعة ....

ففكرت بعد ما روحت بدلت فردة من الخلف سليمة 100% وركبت التعبانه ورا لما ربنا يفرجها....

المهم عاوز نصيحتكم اجيب جوز فرد جداد اركبهم فى الأمام ولا اجيب الأربع فرد؟؟؟

طيب ايه افضل نوع فى السوق وسعر الفردة كام؟؟؟؟

طبعا نسيت اقولكم حاجه انو الفردة اللى جابت سلك كان فى احتكاك شديد فى تيل الفرامل وديما بتسخن فان روحت امبارح اشتريت طقم تيل تيوانى ب 70 جنيه ياترى ممكن يكون التيل السبب فى هلاك الفردة؟؟؟؟

طيب لو سخنت الفردة بعد ما غيرت التيل ممكن يكون ايه السبب؟؟

عارف انى غلس وطولت عليكم بس انا باحب اشرح الموضوع بكافة جوانبه للفائدة العامه....