مبروووووووووووك ياهونداوية رجوع عربية يحيى

**honda forever** · 27-10-2012 12:34 AM

مليون مبروك لرجوع عربيتك يا يحيى

**ahmedeihab** · 27-10-2012 12:34 AM

اولا اسف على التأخير لانى كنت بدخل من ال I pad و هو بصراحه ممل جدا فى الكتابه

اللى حصل يا رجاله ان عربيه يحيي اتسرقت قبل ما بسافر الشغل بيوم

فا اليوم اللى بعديه يحيي قلب المنطقه و طبعا شنورى الراجل المحترم قام بالواجب

و قلبوا الاسكندريه على العربيه مش موجوده نهائى

طبعا البلاغات اشتغلت و ناس اخدت صور للعربيه زى ما انتوا شفتوا كده

بجد لو اخوات مش هيعملوا مع بعض كده

الناس كانت بتبرم الاسكندريه على العربيه

المهم ملقوهاش

فا يحيي سافر شغله و لما رجع لقا واحد بيكلموه بيقوله انت صاحب العربيه اللى رقمها كذا كذا كذا

قاله اه

قاله طب العربيه عندى و عايز فديه 7000 الاف جنيه علشان ارجعلك العربيه

المهم قلنا نتقل عليه شويه ليطلع واحد عامل حوار و عايز ياخد الفلوس و بخ على كده يبقى فلوس و عربيه

بعديها بيومين يحيي جاله تليفون قاله ان العربيه جت

راح استلم العربيه لقاها موجوده فى الشارع اللى وراهم متغطيه

سبحان الله المال الحلال مابيضعش ابدااااااااااااااا

و العربيه البواب بيقول انها واقفه بقالها اكتر من 10 ايام

يعنى العربيه رجعت بعد سفر يحيي الشغل بيوم

و البواب لما لقاها مش بتتحرك قام راح مقدم محضر فى القسم

و على ما اخدت راحتها قاموا مكلمين يحيي

و الحمد لله انها رجعت

طبعا اتسرق منها الكاسيت و السماعات بس العربيه الحمد لله سليمه مفيهاش اى حاجه

اليوم اللى العربيه رجعت فيه

الراجل اللى كان بيتصل بييحيي يساموا على ال 7 الاف اتصل تانى قاله هااااااااااااااااا

يحيي قعد يمطوحه يمين و شمال هو و عم يحيي عملوا دويتو على الواد

علشان كده مكناش عايزين ننشر الخبر غير بعد ما نعرف مين الجثه دى

بس الحمد لله ان العربيه رجعت

و ان ربنا تقبل دعائنا و دعوات اهل يحيي

الف الف الف الف الف مبروك يا يحيي على رجووع العربيه

و ياريت كلنا نتعظ يا رجاله من حاجه زى دى

و شكرا لكل من ساهم بأى حاجه فى سبيل رجوع العربيه

و ربنا ما يوقعنا فى ضيقه ابداااااااااااا

^_^

**Land_Cruiser** · 27-10-2012 12:49 AM

الف مبروك على رجوع العربيه بس يا ريت يتعمل محضر بالكلام ده من باب الاحتياط علشان لو كان الحرامى ارتكب بيها جريمه و لا حتى مخالفات يبقى مثبت أنها كانت مسروقه فى الفتره دى و صاحبها ملوش دعوة و مبروك مره تانيه

**ahmedeihab** · 27-10-2012 01:06 AM

المشاركة الأصلية كتبت بواسطة land_cruiser

الف مبروك على رجوع العربيه بس يا ريت يتعمل محضر بالكلام ده من باب الاحتياط علشان لو كان الحرامى ارتكب بيها جريمه و لا حتى مخالفات يبقى مثبت أنها كانت مسروقه فى الفتره دى و صاحبها ملوش دعوة و مبروك مره تانيه

تم يا افندم اللى حضرتك بتقول عليه ده كله

^_^

**Land_Cruiser** · 27-10-2012 01:13 AM

المشاركة الأصلية كتبت بواسطة ahmedeihab

تم يا افندم اللى حضرتك بتقول عليه ده كله

^_^

طيب الحمد لله كده تمام و ربنا يبعد عنا شر الحراميه

**abo-berry** · 27-10-2012 06:23 AM

الله يبارك فيكم يا رجاله ويبعد عنكم ولاد الحرام , وزى ماقال وائل كله يأمن على عربيته جامد, الدنيا مبقاش فيها امان .
طبعا اخويا احمد قال كل اللى انا كنت هقوله .
وانشاء الله نتقابل قريب فى مقابله سمسم هيعلن عنها

**SHNORY** · 27-10-2012 06:29 AM

الف مبروك رجوع عربيتك يا يحيي
وانا معملتش حاجه الا الواجب والله وكنت اتمني اقدر اساعك بحاجه اكتر من كده
وكويس ان الراجل اللي كلمك طلع زي ما توقعت
ومبروك عليك الغطا هديه من الحرامي
ولا الغطا ده كان بتاعها اصلا وموجود فيها ؟؟
واحتمال برضه ان الي كلمك هو اللي سرقها وتديله الفلوس يقولك عربيتك في الشارع اللي وراك
حتي الحراميه بقم كسلانين

**zomprakes** · 27-10-2012 04:34 PM

المشاركة الأصلية كتبت بواسطة abo-berry

هههههههههههههههه لا والله يا محمد بيه ده بدل معايا الغطا بالكاسيت والسماعات

وبالنسبه ل اللى كلمنى متقلقش سويته على نار هاديه

اولا الف مبروك ياباشا و واضح ان ربنا بيعزك اوي و ابقي امن نفسك يا باشا ثانيا كان ليا رجاء عند حضرتك كنت ممكن تفهمو انك هاتدفع و تشوف هاتتقبلو فين و تاخد معاك كل رجالة المنتدي يتقفش يتعمل معاة السليمة

و لو كان لسا فية الروح تودية القسم