استفسار بخصوص تغيير كاتينه التقسيمة فيليشيا

**Maged_Samy** · 12-11-2012 08:53 PM

انا عندى صوت الكاتينه بقى عالى جداً والخشونه زادت اوى فقررت اغيرها ورحت جبت الاصلى ب 140 جنيه وعاوز اركبها كلمت ميكانيكى مشهور قالى لازم اشيل الموتور بره .. مع العلم انى غيرتها قبل كده عند ميكانيكى تانى فى عربيه واحد صاحبى من غير فك الموتور وغيرها من تحت العربيه
مش عارف ايه رأيكم انا خايف افك الموتور وصعبان عليا لانه متفكش قبل كده .... محتار ... يا ريت لوحد غيرها قبل كده يقولى تجربته .... العربيه سكودا فيليشيا 1997
وشكراً....

**aw2100** · 12-11-2012 09:12 PM

ماتفكش الموتور برة العربية هو فعلا بيركب من تحت بيفك كرتيرة الزيت ووش التقسيمة ولو الميكانيكى اصر شوف غيرة علشان الميكانيكى دة دكتور وعاوز يوسع العملية ومبروك مقدما !!

**Maged_Samy** · 19-11-2012 07:25 PM

**aw2100** · 19-11-2012 10:04 PM

المشاركة الأصلية كتبت بواسطة maged_samy

بعد الذهاب لميكانيكى والكشف على السيارة وسماع الصوت ، قام بفصل سير الدينامو وطلمبه المياه فأختفى الصوت وتبين ان الصوت كان من طلمبه المياه .... لغايه كده تمام والموضوع اسهل بكتير من الكاتينا ... ده اللى انا توقعته بس اللى حصل غير كده .... الميكانيكى ده فى حته اسمها غيط العنب واحد كان قالى عليه بس للاسف خلى صبى مبيفهمش اى حاجة يشتغل فى العربية وفك قواعد الموتور ونزله على الارض علشان مش طايل صواميل الطلمبة وطبعاً كل حاجة اتلوحت وباظت الشكمان لف وحمل على الكاوتش بتاعه و كابل الديرياج اتشد وكاد ان ينقطع وكاوتشه الكوبلن الداخلى اتقطعت والصليبتين فركوا والعربيه بقت ماشية تتننط والمارش فصل فعلاً ميكانيكى قمه السوء هو اسمه الحاج عبده والصبى اللى كان شغال اسمه ابراهيم هو على الترعة فى غيط العنب .. حبيت انقل ليكوا تجربتى .. اللى زودت كرهى للصنايعية اكتر ما انا بكرههم .
التكلفة :
طلمبة مياه المانى 200 جنيه .
مصنعية الميكانيكى العره 110 بالبقشيش .
2 صليبة كردان ب 70 جنيه صينى ( اتلفها الميكانيكى )
2 كاوتشة كوبلن داخلى 40 جنيه تشيكى ( اتلفها الميكانيكى )

ربنا حيعوضك خير مشكلة الفليشيا انها عربية حساسة وعاوزة واحد فاهم وامين فى شغلة لانها احدث القديم واقدم الحديث فى العربيات وربنا معاك؟؟

**EngAhmedSayed** · 01-06-2013 09:22 AM

كل دة علشان يغير طلمبة المياة دى سهلة جداااااااااااااااااااا
الاول بيفك المسمار بتاع الفاعدة
بيكون محمل الموتور على كوريك بس بيكون حطط خشبة علشان ميطبقش الكرتيرة
و بيريح الموتور عليه بعد ما بيشد مسمار طلمبة المياة
و بعدين بيريح بيريح تمام
هنا بقى كل مسمامير الطلمبة دى تتفك معدا مسمار واحد
اوى بالبلدى كدة كل المسمامير مقراية يعنى تعرف تفكها معدى واحد
دة بقى يتفك ازاى و للاسف الميكانكية ميعرفوش اللغز دة و اللى صنعها مش غبى
هتفك العجلة و تكون محمل بكوريك تانى او تحط العربية على جلفيت هتلاقى فى خرم فى البطاحة عن رقم الشاسية
دة سياتك بتعدى منه مفتاح بذراع طويل يفك المسمار بكل سهولة

يبقى كدة
1- هتفك فردة الكاوتش و تحمل العربية على جلفيت او حامل
2-تفك مسمار الدينمو و تشيل السير
3- تحمل الموتور على كوريك
4-تسحب مسمار قاعدة طلمبة المياة
5- تريح بالكوريك و تفك مسمامير الطلمبة
6- هتجيب مفتاح للقمة بذراع طويل و تعديه من الخرم اللى فى البطاحة
7- الطلمبة اتفكة بكل سهولة القصة دى بالظبط بظبط نص ساعة او ساعة اللى ربع
8-متنساش و انتا بتركب الطلمبة الجديدة يكون معاك جوان جديد و نظف كويس قبل ماتركب الجديد بصنفرة ناعم جداااا
9- ركب الطلمبة الجديدة و قافلها قبل ما تثبت القاعدة او قبل ما تركب مسمار الشداد بتاع القاعده
10- قافل خراطيمك و متنساش تسحب الهوا ضررررررررررررررورى

شرط اساسى العربية بردة جداااااااااا منعا للاصابات لا قدر الله
دة كورس تغيير طلمبة المياة
وربك المستعان

**aw2100** · 02-06-2013 01:17 AM

المشاركة الأصلية كتبت بواسطة maged_samy

الف شكر يا باشمهندس احمد انت دايماً مميز ، اول مرة اعرف موضوع خرم البطاحة ده ان شاء الله هغيرها بنفسى بعد كدة وتوبه اروح لميكانيكى تانى - ده كان متأكد ان الخواجة اللى عملها غبى بس طبعاً عرفنا مين الغبى ...
وبمناسبة طلمبة المياه هى صوتها ارتفع تانى اليومين دول ومش عارف هل ليها مكان تتشحم منه ولا اغيرها تانى مع ان بقالها 6 شهور بس ؟
والــــــــــــــــــــــ ـــــف شكـــــــــــــــــــــر لاهتمامك و ردك المميز جــــــــــــــــــــــــ ـداً

السبب المباشر لتلف طلمبة المية هو وضع مية الحنفية فى دائرة التبريد لو حضرتك حاطط المية الحمراء الموصى بها من سكودا او بديل محترم مش مضروب زى مية توتال او شل او ايدا بيبقى فيها مواد بتزيت طرمبة المية وتقلل من حرارة الموتور ودرجة غليان المية وبالتالى ضغط المية فى الخراطيم واللى بيكون السبب فى بوظان طرمبة المية !!!