سؤال بخصوص سير كاتينه كرولا 98 عيون

**helal** · 11-05-2010 08:14 PM

المفروض انى اعمل صيانه للعربيه وهى معديه ال 40000 والمفروض اغير سير الكاتينه وسمعت ان الاصلى مش كويس...ياترى ممكن تفيدونى اركب الاصلى ولا التقليد وكمان كنت عاوز اغعرف تاثيره على العربيه وفايدته

**yrezk** · 11-05-2010 11:24 PM

انا غيرت سيراصلى من عند محل بيبع حاجات التوكيل ولكن فوجئت ان السير اتفتل رحت اشتريت واحد يابانى عادى ب 60 جنيه وركبته و شغال زى الفل

**Ahmed Galal** · 12-05-2010 01:49 AM

انا اشتريت الاصلى و الحمد لله تمام و ما فيش اى شكوى منه و لو سير الكتينة جراله حاجه سواء اصلى او مش اصلى هايسبب مشكلة كبيرة فى المكنة لانه هايخل بالتوقيت بتاع فتح و قفل الصمامات و ممكن الصممات تخبط فى الاسطوانات و تتكسر يعنى ما تستناش عليه
و لو هاتعمل الصيانة بالمرة غير طقم سيور (تكييف و دينامو و باور) و وانت بتغير سير الكتينة غير بلية الكاتينة بالمرة
و فلتر بنزين و طقم بوجيهات (دينسو كويس) و فلتر هوا

**mr_sameh** · 12-05-2010 02:05 AM

فيه حاجات بتكون افضل من الاصلي وارخص زي مثلا تيل الفرامل انا كنت بشتري الاصلي وكان بيخلص علي طول بعد كده اشتريت نوع تركي طلع ممتاااااااااااااااز وندمت علي كل مليم دفعته في الاصلي

**Nile Heart** · 12-05-2010 08:03 AM

هيا عربيات حضراتكم موديل كام؟؟
لآن من سنة 2001 وسير الكاتينه معدن مابيتغيرش غير كل 250 الف على ما اظن

**mr_sameh** · 12-05-2010 01:31 PM

التسعينات ياباشا

**Mahmoud Mosaad** · 12-05-2010 02:02 PM

المشاركة الأصلية كتبت بواسطة Ahmed Galal

لو سير الكتينة جراله حاجه سواء اصلى او مش اصلى هايسبب مشكلة كبيرة فى المكنة لانه هايخل بالتوقيت بتاع فتح و قفل الصمامات و ممكن الصممات تخبط فى الاسطوانات و تتكسر يعنى ما تستناش عليه
و لو هاتعمل الصيانة بالمرة غير طقم سيور (تكييف و دينامو و باور) و وانت بتغير سير الكتينة غير بلية الكاتينة بالمرة
و فلتر بنزين و طقم بوجيهات (دينسو كويس) و فلتر هوا

طبعاً زي ما كبيرنا أحمد باشا جلال قال موضوع سير الكاتينا دة مهم جداً ولو أطع أو فلت ممكن ربنا يسترها وممكن توصل التلف وش السيلندر بكامل صباباته ،أنا حصل معايا الموضوع دة وكنت مغيره بقالي 30,000 كم وتقطع مني بس مكنتش على RPM عالي وفكيت ووجدت السير مقطوع وباقية أجزاؤه السليمة مشققة وحالها يصعب عل كافر بس بصراحة أنا مكنتش جايب الأصلي عشان إستغليته بس منه لله اللي بعلي السير ده وقالي د كوييس يا بيه .المهم الاضرار مكنتش جامدة أوي يدوب شاكوش واحد اتكسر وغيرته وصباب إتعوج سنة واتعمل عند الخراط وباءة كله تمام .بس أنا مغيرتش السير بواحد أصلي برضوه أنا جبت نوع ألماني اسمه continental وكشفت عليه بعد 10,000 كم لايتوه تمام زي مركبته .أنصحك بالسير ده بس تكشف عليه كل 10,000 كم وتشوفه إذا كان بدأ يشقق من الداخل والله لأ.
وربنا يسترها معنا جميعاً إن شاء الله .

**Ahmed Galal** · 23-05-2010 10:19 PM

المضمونين و اللى انا جبت منهم يا اما عرفة جابر او العالمية بشارع دمشق و هات الاصلى و ما تقلقش و تقدر تكشف عليه كل 10000 بتفك الفبرة البلاستك اللى فى جمب المكنة و تقدر تشوف السير بيلف و حالته و ده فى المكنة ال 1300 اللى معايا باعمل كده