الموضوع: تقرير كاااامل ومتكامل عن افتكاساتي في الماروتي

السلام عليكم انا من مالكي هذه السياره العجيبه الغريبه وليا تقارير كتير احب اجمع اهمها ليكم الان

1 - الزجاج الكهربا .... روحت عن محل كماليات كبير عندنا في الاسماعيليه معرفه يعني وركبت مكنتين ياباني استيراد بتوع اليارس وميه ميه الغريب والعجيب ان الفراغ اللي بين الصاخ الخارجي والداخل للباب كان ضيق سنه واماكن المسامير ايضا متغيره وطبعا اتحل الامر الحمد لله والمفاتيح حطيتهم جمبي عالشمال تحت الاربع زراير دول





2 - الكاسيت ... اتسلبطت عالحج الوالد واخد منه كاسيت بايونير اصلي من القدام اللي قلبك يحبهم كان بتاع العربيه التانيه وطبعا ركبته جمب الساعه وكانت لحظات مولمه وهما بيقصو مكانه لكن ربنا ستر الحمد لله ودا فعلا افضل مكان ومن الحتت اللي اتقصت لزقتها عالمكان البارز من الكاسيت وميه ميه
3 - السماعات ... بايونير 150 وات مع جوز تويترات لاني مش بحب الصوت العالي ومكانهم في الرف الوراني عادي جدا





4 - الفرش كسوه جلد لونين مزدوج للكراسي اتكلف 180 ج لانه اتفصل عليها والارضيه جلد رمادي اتكلف 100 ج وطقم عارقات 45ج










5 - الطاسات من حوالي سنتين ونص اول مجبت العربيه اتكلف طقم الطاسات 45 ج وطبعا من فتره طويله فاتكسر واتشرخ فلونته اسود وبعد كدا كرهته خالص فجبت واحد جديد شكل جدديد ب 55 ج وطبعا مليت الكوتشات نيتروجين





6 - ار بي ام حلو وصغنن ركبته عالموبينه وحطيته جمبي بين الباب الشمال والتابلوه واتكلف 150 ج





7 - غطا دركسيون مبطن سفنج كدا وحلو 30 ج ومفرش جلد على التابلوه ب 10 ج وكمان ام بي ثري طبعا اتسلبطت على عربيه الحج كالعاده ههههههههههههه





8 - والكربون نسيت اتكلف 55 ج وقعد سنه و4 شهور بالظبط وشيلته من يومين باستخدام ميه دافيه والحمد لله مسبش الا اثاار بسيطه غسلت بعدها توتي حلو ولمعتها بوليش من اللي هو اصفر دا واسمه ميدو العلبه ب 5 ج بس بيس حلو يعني والتوتي بقت بتبرق ماشاء الله لكن لاحظت بعد يومين انها لامه ترااب مصر كله عليها لما بشيله بصباغي بلاقيها بتبرق .. دا من البولش والتلميع ؟





9 - تركيب فوجات شبوره جبت الجوز ب 30 جندي وسلك ب 3 ج وروحت للكهربائي ركبناه وخليته مع اول تكه للدراع والواد اخد 10 ج وبيس ماشاء الله عليه





10 - تركيب ستاره خلفيه اتكلف 40 ج وكمان ركبت كونسول بين الكرسيين لونه بلون العربيه اسود ورمادي كان ب 40 ج





11 - حوادث متفرقه هههههههههه
اول مجبنا العربيه وانا رايح اجيب الطاسات بعدي مطب وكان بيلف يو تيرن اتوبيس المقاولين الجبار ووقف فجاه وطبعا انا مش حساس للفرامل فلبست فيه وضاع الفانوس اليمين والاشاره واتعوج الرفرف
اتصلحت العربيه واترش الرفرف وملقتش وش باغه للفنوس الاصلي فجبت واحد كامل عمله 75 ج من واحد حرامي يالا منه لله واتكلفت السمكري والبوهيا حوالي 220 ج بعد 10 تيام من استلام توتي
الحاادثه التانيه من شهرين وانا في ملف واقف والاقي بوكس البوليس رجع ضرب العربيه في نفس المكاااااان المشووم ههههههههههه المهم صدفه لقيت وش باغه للماروتي وصدفه لقيت الفانوس اللاصلي القديم في الحاجات القديمه وصدفه ركبت الوش عالفانوس ورحت للسمكري لقيت في فرق كدا بين الفانوس والشنب اللي تحته ههههههههههه كان منظر توتي وحش خالص المهم قعدنا نظبط الرفرف ومساميره وكداواتظبطت العمليه الحمد لله وردها عالبارد واتكلف الموضوع 40 ج سمكري و20 ج وش فانوس و4 ج سيليكون هههه
طبعا في بعض النقر البسيطه عل توتي بس مش مشكله مسيرها ان شاء الله تروق وتحلى

ودا تقرير عشان عمرو ميزعلش مني