الموضوع: ملطوب نصائح في كـماليات وإكـسسوارات إلنترا 2008

السلام عليكم

أنا محتاج مساعده ونصائح في تظبيط شويه كماليات متنوعه لسيارتي
العربيه إلنترا 2008 مانيوال لون فضي

هقسم الكلام لنقاط علشان يكون واضح ومنظم

1- بخصوص الفرش
هي عليها فرش فوق فرش الفبريكه بس حالته وحشه وهغيره يوم الخميس
محتاج أعرف أحسن نوع فرش اسمه ايه وجلد بس ولا جلدxقماش ولا إيه الأفضل يكون مريح وما يسخنش جامد في الشمس
وطبعا يكون تفصيل مش مجرد كسوه جاهزه وتلبس عالكراسي
ميزانيه الفرش في حدود 1000 جنيه

2- بخصوص الكاسيت
العربيه فيها كاسيت الفبريكه اللي هو دا

حاليا انا شغال بـ MP3 بلاير عالولاعه بس حاسس ان الصوت مش نقي
فمحتاج أجيب كاسيت جديد
أهم حاجه عندي في الكاسيت يكون فيه منفذ USB او SDcard او كلاهما معا ما بستعملش سيديهات أبدا
ويكون منفذ في الكاسيت مش مجرد سوكيت بسلك زي ما موجود سوكيت usb في الفبريكه كدا
لو موجود خيار dvd بـGPS ويديني نفس نقاء صوت الكاسيتات البايونير او السوني مع فرق سعر بسيط يبقي تمــــــــام جدا
مع ملاحظه الأتي :: هشغل الكاسيت او الديفيدي الجديد علي سمعات الفبريكه ولن اغيرها
يهمني نقاء الصوت وليس علوه .. الميزانيه المتاحه للكاسيت او الـDVD+GPS هي من 500 إلي 2500 جنيه

3 - النواكل والشكل الخارجي
محتاج طقم نواكل كامل بقي - أوكر ابواب وفريمات الشبابيك وخلافه
دا يعمل كام وألاقيه فين ؟!
وكمان نفسي أركب فاميه يكون نوع كويس وأخـــــف درجه لون
يعني فقط يمنع الحراره الي حد ما ويضفي شكل جمالي بسيط وايضا ما يوقفنيش في كل لجنه
فالفميه الخفيف جدا او النوع زيرو دا اسمه ايه بالظبط وايه افضل نوع ويكلف كام ؟؟

وأخيرا ... هل فيه جرايد او ماشابه بيتلزق عالإكصدامين الأمامي والخلفي لإضفاء شكل جمالي وحمايتهم الي حد ما من الخدوش والتريحيات البسيطه ؟!!
ولو موجودين اسمهم ايه والاقيهم

انا من الزقازيق .. وان شاء الله ناوي اجيب واعمل الشغل دا كله في الزقازيق
مش عايز انزل القاهره إلا في حاله ان الحاجه ما تكونش عندنا هنا فقط
بأكره السفر جدا خصوصا مع ضيق الوقت

بعتذر عن اللغو الكتير يا جماعه وكثره الأسئله
بس العشم بقي

شكرا جزيلا وفي الإنتظار النصائح والمقترحات إن وجد

المشاركة الأصلية كتبت بواسطة egyptodentist

اولا ::::ربنا يهنيك بالعربية...
ثانيا:::: بالنسبة للفرش متعملش غير في جينز كار لانه ده المكان الوحيد اللي بيعرف يطلع التقعيرة اللي في الكراسي(اللي هما الجنبي اللي مرفوعي في قاعدة الكرسي ) وبعدين بعملوه كسوة من نفس اللون للطارة وفرامل اليد بشكل احترافي....التكلفة في حدود 1000-1200 حسب الخامات.....و في حل اسرع انزل اي فرع غبور اسأل علي الكسوة الجاهزة للعربية ودي بتكون في حدود 750-850 بس جميلة و عليها لوجو الالنترا بالبارز ومتقسمة جاهزة علي العربية ودي انا جبتها لعربية اخويا الrb وممتازة من ناحية الخامة والخياخة الدوبل والفنش نظيف جدا واي سروجي (حتي لو نص لبة ) هيعرف يركبها...
ثالثا::::بالنسبة للكاسيت انا جايب واحد dvd 8 inch touch screen بايونير صيني ومركبه في عربيتي النيو اكسنت من سنتين وشغال والحمد لله زي الفل.......ودي صورته:::::
imageshack(tm) slideshow
وده كان عمل 1600 بس بدون gps ورخص حاليا ممكن يكون في حدود 1400-1300
وفي نوع كمان اسمه city sound برده ناس مركبها بتشكر فيه في حدود 1200 بس شاشته اصغر...
اللي انا مركبه ده اكبر شاشة لانه الوش قلاب فالشاشة مليه المشاحة 8بوصة لاكن الستس سوند مكان الdvd فوق الشاشة فطابعا الشاشة اضغر وكلهم حاليا فيهم :::bluetooth-tv-2 camer input-sd memory card slot-usb-welcom screen with car logo...بالنسبة للصوت جبار مقارنة بالكاسيت الاصلي وعلي فكرة الكاسيت بتاعك نفس الكاسيت اللصلي اللي كان راكب عندي عشان كده واثق من انه الصوت هيعجبك وبرده سمعات الاورجينال....بس صوت السيتي سوند اقل سنة من البايونير بس برضوه افضل من الاوريجنيال(pioneer more powerful bass) .....تمام كده

والله العظيم حضرتك باشا .. وردودك دايما منوراني ومشرفاني سواء هنا او في موضوع قسم المقارنات .. كتر خيرك بجد :)

- هي الكسوه الجاهزه دي هي اللي كانت راكبه من الفبريكه بالفعل بس باظت خلاص فنويت أفضل ان شاء الله من نوع جلد ألماني محترم عند متخصص هنا في الزقازيق(بسعر في حدود 850 جنيه) ... لولا مشغولياتي والمشوار كنت رحت جينز كار طبعا .

- هو الديفيدي الدابل دين كنت هجيبه في حاله واحده فقط هي وجود gps لعدم اهتمامي بمشاهده اي ميديا مرئيه بالسياره علي الإطلاق ولكن مادام معادله (صوت نقي+جي بي اس = مبلغ مضاعف جدا جدا) فقررت أصرف نظر عن الجي بي اس - واهو الموبايل بيقوم بمهمه الجي بي اس علي أكمل وجه ... وقررت اشتري كاسيت يديني نقاء صوت كويس مع سمعات الفبريكه
نزلت إتفرجت عند كذا محل بالزقازيق النهارده والماركات اللي لاقيتها محدوده ... بايونير 1450 -- سوني اكسبلود 500 -- كينود ومفش فاكر موديله ... بس انا ركزت مع البايونير (610 جنيه) ومع السوني (630جنيه) ... وبعد بحث سريع عالمنتدي وعالنت وجددت السوني احدث واوبشن اكتر واختيار افضل خصوصا مع عدم وجود نيه لتغيير سمعات الفبريكه .

- والحمد لله لاقيت أطقم النواكل واسعارها مهاوده وكويسه ... وفي الغالب هفيم غدا بأخف درجه فاميه علشان يدي شكل جمالي اكتر مع اللون الفضي للسياره :)

ان شاء الله تعالي لو لينا عمر اروح بكره انجز بعض الحاجات اللي قلت عليها دي وهرجعلكم بتقرير مصور في مشاركات لاحقه بالموضوع هنا .

لو فيه اي حد عنده اراء اضافيه او مقترحات ياريت يا جماعه ما يبخلش عليها بيها قبل ما أبدا الشغل دا بكره بعد الظهر .

شكرا جزيلا .

-