النهارده عملت صيانه ال 25000 في مركز سموحه . و فوجئت بالمهندس بينادي عليه و بيقول لي تيل الفرامل الأمامي عايز يتغير . ازاي و العربيه عامله 25 الف بس قال لي تيل الفرامل الامامي من 15 الف الي 25 الف . ( انا كنت في البيجو بغيرها يمكن علي ال 50 الف ) . فبصراحه حسيت انهم بيشتغلوا عليه . و الواحد قرر انه ميرحش للتوكيل ده خالص لان حاجتهم اسعارها مبالغ فيها قوي و كل ما تقول له علي عيب في العربيه يقول لك عادي و كاننا اول مره نركب عربيات . يعني مثلا بقول له علي مؤشر الحرارة ساعات ينزل من 4 شرط ل 2 قال لي عادي قولت له ازاي يعني . قال طالما مبيوصلشي ل 6 شرط يبقي عادي و لما صممت علي كلامي قال حنشوفه و لما استلمت العربيه لقيت في الورقه بتاعه التصليح انهم عملوه بس لسه مجربتوش .
المفضلات