تقييم صيانه 25000 لل A5

**KHALED AYMAN** · 24-04-2009 02:01 AM

هاااااااااااااااااى
قصدى ازيكو يا سكوداويه
زهقتو من مواضيعى انا عارف بس هعمل ايه بحب اتكلم كتير
امبارح كنت بعمل الصيانه زى ما انتو عارفين و هقولكو على الى حصل .......
وصلت التوكيل دخلت بالعربيه و نزلت على الاستقبال ملقيتش حد ادور على اى حد يستلم العربيه مش لاقى !!!
اسال الناس يقولولى منعرفش !!
بعد 10 دقايق جه المهندس الى هيستقبل العربيه و اعتذرلى ...
سالنى ضمان ولا لا قلتله لا ...
قالى طيب
كتب الى قلتله عليه
و كان الاتى :
1-صيانه 25000
2-كشف على التكييف
3-كشف على سويتش زرار فتح التابلوه (كان بيعلق)
4-كشف على صوت الازاز ورا يمين
5-كشف على الموتور (رجه)
6-كشف على تقطيعه و نتشه فى النقلات !!

طبعا انتو اعتقدو ان العربيه عامله حادثه من كتر الاعطال بس دى رفايع انا بحب اعملها
....
المهم
العربيه دخلت على طول ...
رفعو العربيه و غيرو الزيت و جابو كشرى و قعدو ياكلو !!! و سابو العربيه مدلدله من فوق يا عينى
طلعت انا بقى الاستراحه قعدت فوق
ربع ساعه و نزلت ملقيتش العربيه !!
المهندس طلع يجربها
دقيقتين و لقيته جه
قالى التقطيعه و الرجه مش موجودين ..
عموما هننضف فلتر الهواء او هنغيره و هتبقى تمام !!
بعد كده كشفو على التكييف قالولى هتغير الفلتر
قولت ماشى
غيروه و التكييف بقى تمااااااااااااام
بالنسبه بقى لصوت الازاز
قالولى هنغير الجيوان الجلد الى حواليه قلتله لالالالالالالالا سيبه زى ما هو ...
السويتش بتاع التابلوه قلبونى و انا نسيت و مشيت بيه زى ما هو !!
و بكده خلصت الصيانه و الاعطال و كل ده فى ساعه واحده بس !!!
باقى ايه ؟؟؟
العوجه الى فى العربيه ولا انتو نسيتو؟؟
سالت مهندس هناك بحس انه بيفهم
قالى بص
انا من يوم ما شوفت عربيتك دى و انا شايف ان العجله الى ورا شمال مش مظبوطه خالص لانها مايله لجوه و و فوق و تحت و حاجات غرييييييييبه بصراحه مفهمتش اوى هو بيقول ايه بس فهمت ان العجله دى عايزه تظبط زوايا و هم معندهمش زوايا !!

تانى حاجه بقى
البتاع الى عامل زى الهارد الى تحت كرسى الراكب الامامى فاكرينه ؟؟؟
طلع زى ما احد الاعضاء الكرام قال
حساس او وحده تحكم الايرباج ......
و بكده خلصت الصيانه و رحلتها ....

اعتقد كده التوكيل ياخد 9/10 فى الصيانه دى علشان قلبونى فى كام حاجه و كمان اتاخرو على ما استلمو العربيه !!

ملحوظات :
كان فى جيتا بتعمل صيانه هناك معرفش ليه ؟؟
مفيش اى فانتازيا هناك
دى تضحك معلش ... فى مهندس عجبنى اوى هناك و حسيت انه ابن ناس راكب شيروكى الجديده ...

و بكده خلصت حلقتنا النهارده و اى استفسارات انا تحت امركوووووو

**Fadi Ezzat** · 24-04-2009 02:19 AM

شكرا ليك ياخالد على الموضوع والتقييم
ويسعدنى ويشرفنى انى اكون اول واحد رد عليك

**momenhamdy** · 24-04-2009 03:22 PM

الف مبروووووووووك يا استاذ خالد علي الصيانه الخاصه بال 25 الف كم

بس لغايت الوقتي حضرتك وصلت لايه في الحوار الخاص بالعوجه
يعني انا مش شايف في شئ اتقال لحضرتك لجزم الموقف
انت فاهمني يا استاذ خالد
ياريت توضح حضرتك ناوي علي ايه ؟؟
عايزين نطمن عليك و علي الاوكتافيا يا باشا

و تقبل تحياتي

**KHALED AYMAN** · 24-04-2009 07:21 PM

مؤمن باشا !!
ازيك عامل ايه ...
بالنسبه للعوجه
انا كنت متوقع ان يكون ده رد فعل الوكيل
خصوصا انه مش هيعرف يكشف عليها كويس لان مفيش زوايا !!
بس المهندس رأيه ان السبب العجله الى ورا شمال هى الى معووجه
فتحسسنى ان الجنب كله معووج

و خلى بالك من حاجه
انا كنت قلتلكو انى لما ببص عليها من اليمين مش بلاقى عوجه !!
و ده شىء يؤكد صحه رأى المهندس ....
انا ناوى انى اروح بيها لبتاع زوايا و اشوف ..
بس المشكله ان الاسترا محتاجه صيانه تروح التوكيل و انا كالعاده فى الشغل و الكليه و السفر .....

متشكر على سؤالك و هباشركو بالتطورات

**momenhamdy** · 24-04-2009 10:28 PM

المشاركة الأصلية كتبت بواسطة KHALED AYMAN

مؤمن باشا !!
ازيك عامل ايه ...
بالنسبه للعوجه
انا كنت متوقع ان يكون ده رد فعل الوكيل
خصوصا انه مش هيعرف يكشف عليها كويس لان مفيش زوايا !!
بس المهندس رأيه ان السبب العجله الى ورا شمال هى الى معووجه
فتحسسنى ان الجنب كله معووج

و خلى بالك من حاجه
انا كنت قلتلكو انى لما ببص عليها من اليمين مش بلاقى عوجه !!
و ده شىء يؤكد صحه رأى المهندس ....
انا ناوى انى اروح بيها لبتاع زوايا و اشوف ..
بس المشكله ان الاسترا محتاجه صيانه تروح التوكيل و انا كالعاده فى الشغل و الكليه و السفر .....

متشكر على سؤالك و هباشركو بالتطورات

هو يا استاذ خالد لو كدا حيبقي فعلاً العربيه محتاجه زوايا
و ان شاء الله خير و كل الامور تكون تمام

و تحياتي ليك يا اخي العزيز

**zoz123** · 25-04-2009 05:52 AM

شكرا على التقرير بس مقلتش اخدوا كام منك ? مصنعيات و تمن الفلاتر

**KHALED AYMAN** · 25-04-2009 12:52 PM

المشاركة الأصلية كتبت بواسطة zoz123

شكرا على التقرير بس مقلتش اخدوا كام منك ? مصنعيات و تمن الفلاتر

الصيانه كلها اتكلفت 760 جنيه ..
مصنعيات كهرباء كانت 25 جنيه
و مصنعيات ميكانيكا 75 جنيه ..
بقيت الاسعار مش فاكرها
الفاتوره فى العربيه و من يومها بنسى اجيبها معايا علشان اقولكو على الاسعار...
هجيبها ان شاء الله و اقولكو ..
و لو عايز اسعار صيانه ال 5000 و ال 15000 و 25000 اجيبهوملك ..