أنا مش عارف حأقدر أعيش بعد كده أزاى

**adel_edrees** · 27-11-2012 10:29 PM

شفتم اللى حصل النهارده من الأخ الأدمن بتاع موقع رينو على الفيس بوك عمل لى spam بلوك يعنى لمجرد أنى سألت هلى موضوع عمود الأتزان بتاع اللوجان

**Khaled Online** · 28-11-2012 05:19 PM

هو إيه موضوع عمود الاتزان؟

**lanos2004** · 28-11-2012 05:27 PM

عيش من غير اتزان

**aliabdo** · 28-11-2012 07:57 PM

الموضوع ده حصل معاى و مع واحد صحبى كنا بنستفسر عن شويه اشياء عشان حجزنا عربيات من رينو اتعمل لنا بلوك
بصراحه انا بعدها رحت لغيت حجز العربيه بسبب قله الادب دى
لما بيعملو كده و انا لسه مستلمتش العربيه حيعملو ايه معاى بعد كده

**aliabdo** · 28-11-2012 08:56 PM

انا اتصلت برينو و شرحت لهم الموضوع و قلت لهم انى لغيت الحجز بسبب سلوك الادمن على صفحه الفيس بوك و طلبت ان الموضوع يوصل للاداره

**speed_magnum** · 28-11-2012 09:20 PM

دي قلة ادب بجد
انا كنت بدخل على صفحة تويوتا واقلهم الفتيس بيدب ومش كويس ولازم تشوفوا حل والاقيهم بعدها بيكلموني ويقولولي تعالى يا فندم نفحصلك العربيه. ...
.......
هناك فرق فعلا. تويوتا افضل توكيل في مصر

**adel_edrees** · 28-11-2012 09:45 PM

بصراحة ربنا معاك حق منتهى عدم الأحترام و أظرف شئ أن مديره ممكن يقول له أعمل كده و ريح دماغك نحن لم نتغير نحن شعب بحاجة الى الأبادة و ييجى نسل حديد و يا سبحان الله عندنا كل حاجة ألا الأحترام و النظام المشكلة و ده اللى مضايقنى جدا أن أنا ما غلطتش فيه و لا فى شركة رينو المصرية و لا العالمية حتى فيبقى ليه كده أنا مش فاهم للدرجة دى و بعدين مين سمح له يعمل كده و أكيد دى مش أول مرة أنا نفسى الناس اللى زى ده ربنا ما يسيبهاش لأن ده ما صانش المرتب اللى بيقبضه و أكيد ده قريب حد من مدراء الشركة ىعنى متعين بالواسطة يالا ربنا يسهله أنا بأفكر أخش بأسم تانى و أشتكيه أنا دمى محروق و مش عارف أعمل أيه أنزل أضرب العربية اللى عرفتنى به و ألا أعمل أيه

**Ahmed Selim** · 28-11-2012 10:49 PM

تصرف غير إحترافي بالمرة.

أنا لو منك........هعمل الأتي
1- فى أول صيانة هروح على التوكيل مش مركز خدمة و أطلب مقابلة مدير خدمة ما بعد البيع..........أتعرف عليه و أحكيله الموضوع و يا سلام لو عرفت تخليه يشوف الموضوع ده.
2- هدور على أكونت رينو فرنسا و ابعت لهم و اقولهم اللى حصل و أن ده تصرف غير إحترافي و غير عملي بالمرة.

و فى الحالتين تأكد على أن فيه أعضاء هنا لغوا حجز العربية أو صرفوا نظر عنها نتيجة للتصرفات دي ( زى الأخ aliabdo )