مساعدين رفع الشنطه

**Mostafa.Ramdan** · 01-12-2012 11:28 AM

السلام عليكم ورحمة الله وبركاته

من زمان وانا نفسى فى عربيه هاتش باك

ولما اجيب الهاتش باك الاقى مساعدين الشنظه مش شغالين :(

واضطريت اعمل زى ما معظم الناس عامله عصايه كبيره تفضل فى الشنطه ولما اعوز افتح الشنطه احط العصايه تسند الشنطه وخصوصا ان شنطه الفيليشا تقيله اوى فبخاف تنزل عليا وانا جوه الشنطه تطبقنى وخاصه انى طخييين اوى (بتريق عليا طبعا )

حتى الاونو اللى عندى المساعدين بتوعها بايظين

جاتلى فكره كده قلت اخد رأيكم فيها عشان سألت على المساعدين دول لقيتهم بحوالى 120 جنيه او حاجه كده

فقلت لا لازم اشغل مخى

اننا نحط نخرم مكان لمسمار فى المساعد واول ما ارفع الشنطه احط المسمار فى المكان وبكده مش هنستخدم العصايه الكبيره و هنوفر 120 جنيه :)

فانتو ايه رأيكم فى الفكره دى وتنفيذها هيكون ازاى ؟؟

وهل المساعدين دول ممكن يتصلحوا ولا لا ؟؟

**sakr_skoda** · 01-12-2012 11:54 AM

هههههههههههههههههههه ايه حكايتك بقى يادرش؟؟؟؟؟؟؟؟

بص ياحبيبى فكرتك جميلة فعلا بس انا ليه تعديل انك تربط المسمار بسلسلة وتثبتها فى المساعد علشان لما ترفع الشنطة متقعدش اتدور هنا وهناك تفتح وتحط البنز (المسمار ) طيب وليه الغلبة دى ما تشترى جوز مساعدين انا شارى جوز مساعدين لعربيتى تقريبا ب65 جنية وشغالين زى الفل....

**Amr Axel** · 01-12-2012 12:22 PM

عادي يا ريس الحل ياما تجيب جوز استيراد هتلاقي سعرهم رخيص

او تقرص ع المساعد ببنسة
http://www.nilemotors.net/Nile/258439-a.html

او تجيب مفتاح ع اد مقاس المساعدة الجزء الرفيع و تفتح الشنطة و تحط ع المساعد و تزنقه في الشنطة لحد ما تخلص و تشيله و تقفل و ده انا بعمله حاليا

او تخلي حد يخرملك و تحط مسمار لما تفتح

و مش فاكر باقي الافكار ههههههههههه

**Amr Axel** · 01-12-2012 01:10 PM

المشاركة الأصلية كتبت بواسطة Mostafa.Ramdan

شكرا ياباشا لاهتمامك

وفعلا فى افكار كتيره اوى :)

وان شاء الله هخرم واعمل المسمار ده لحد ما اشترى اتنين استيراد

بلاش المسمار عشان ميضعش و تفضل تدور و هتقرف نفسك عشان تخرج و شنيور و ووجع دماغ هههههههه
خليك في المفتاح اي مفتاح يركب و حطه هيمسك المساعد و تشيله و تحطه في الشنطة و تقفل

و فيه فكرة جديدة جت في دماغي دلوقتي بشنكل
هنفذها و اعملها تقرير

**forti** · 01-12-2012 06:26 PM

أنا جايب مساعدين الاوكتافيا تركى بـ 90 جنيه .. فى الاوكتافيا المشكله ان لما المساعدين بيتشالوا الشنطة بتبقى تقيلة فحت السنين

**sakr_skoda** · 01-12-2012 09:54 PM

المشاركة الأصلية كتبت بواسطة amr axel

عادي يا ريس الحل ياما تجيب جوز استيراد هتلاقي سعرهم رخيص

او تقرص ع المساعد ببنسة
http://www.nilemotors.net/nile/258439-a.html

او تجيب مفتاح ع اد مقاس المساعدة الجزء الرفيع و تفتح الشنطة و تحط ع المساعد و تزنقه في الشنطة لحد ما تخلص و تشيله و تقفل و ده انا بعمله حاليا

او تخلي حد يخرملك و تحط مسمار لما تفتح

و مش فاكر باقي الافكار ههههههههههه

منور القسم يامستر عمر اكسل....

على فكرة موضوع القرص ببنسة على المساعد لا ينجح مع المساعد الالمانى دا بينفع بس مع اليابانى ةالمريكى وغيرهم اما الالمانى فلا....

بعدين احسن من النفتاح يروح ورشة يخرم له خرم فى المساعدة على مفاس مسمار معين ولابد ان يربط المسمار فى سلسلة حتى يكون فى متناول ايدة مباشرة احسن مايتوه منه فى الشطة ويجيب ميكرفون ويقعد ينادى يولاد حلال مسمار تايه فى الشنطه ....

وعلى الفكرة انا مش مع اى افكار الموضوع بسيط 65 جنيه حيجيب جوز مساعدين ويريح دماغه....

**SYD** · 02-12-2012 07:54 AM

الموضوع ابسط من كدة خالص
انا اشتريت مساعدين فليشيا ب75 جنيه وركبتهم بنفسي في عربيتي وعربية احد الأعضاء في قسم سيات
http://www.nilemotors.net/Nile/31918...post3874637343

تحياتي