الموضوع: صوت طقة مع كل نقلة غيار والحمد لله اتحلت

المشاركة الأصلية كتبت بواسطة المنسي

المشكلة وحلها علشان الناس هنا تستفيد ومحدش يقول عليا ان مبقولش حل المشكلة وكمان عامل الموضوع هنا فى قسم سكودا علشان الناس قبل كده اتهمتنى انى بسال على العام ومش بسال فى القسم هنا :::::::::

اولا الاعراض :
1- صوت طقة مع كل نقلة غيار يعني اجيب الاولانى وادوس سنة بنزين وارفع سنة دبرياج احس ان الموتور بيتشال من مكانه
2- صوت تبويش زى مايكون حاجة مبوشة بالبلدى معلش علشان الناس تفهم حاجة بتلق
3- مع اى مطب بحس بصوت خبط جاى من تحت

ثانيا التشخيص :
1- صوت الطقة طلع صليبة كوبلن
2- صوت التبويش صليبة كوبلن البى بتاعها فرط
3- صوت الخبط جلب مقصات

ثالثا الادوية :
1- عدد 2 جلب مقصات وسعرهم 80 جنيه
2- عدد 2 راس كوبلن داخلى ماركة فيكا صيني وسعرهم 300 جنيه
3- تفوير الجلب القديم بواسطة الخراط وتركيب الجلب الجديدة مكانها والتكلفة 20 جنيه

رابعا العلاج والروشتة :
1- تم فك الجنبين اليمين والشمال
2- تنزيل زيت الفتيس كاملا عن طريق طبة بمسمار 19
3- اخراج راس الكوبلن الداخلى واكتشفنا ان فيه صليبة كوبلن فيه بلية فارطة
4- راس الكوبلن القديم به نقر وده السبب اللى كان بيخلى الصليبة مش مظبوطة وده اللى خلا البلي فرط منها
5- فك المقص اليمين والشمال وارسالهم للخراط لفك وتركيب الجلب الجديدة
6- تركيب راسى الكوبلن اليمين والشمال وملؤهم بالشحم وادخال العمود بالصليبة الجديدة
7- تركيب المقصات بالجلب الجديدة وتقفيل الجانين
8- وضع زيت الفتيس مرة اخرى عن طريق مسمار 9 ورفع واير السرعة

ملاحظات
1- راس الكوبلن بيجي بالصليبة بتاعته
2- الصليبة اللى فرط البلى بتاعها كانت لسه راكبة من فترة وحصل فيها كده ( صيني طبعا )
3- صوت الطقة فى الاول اما مشيت بالعربية مختفاش بس بعد مشوار طويل اختفى وده بسب ان الشحم كان توغل جوه راس الكوبلن والكوتشة بتاعته

صورة من راس الكوبلن الداخلى علشان الناس تتعرف عليه http://img841.imageshack.us/img841/4...55880f5fcb.jpg

يسلاااااااااااااااااااام اهو دا الشغل ولا بلاش بس انا ليا كام سؤال*

اةلا راس الكوبلن ليه تروح للخراط علشان يطلعهم افهم من كلامك انك فكيت الفتيس مع انى فاكك راس الكوبلن بنفسى من الفتيس وهوا راكب فى العربية والطريقة الدق الخفيف على الراس للخارج مع الدواران على كافى التجاهات يعنى تلف بايدك ودك بالمطرقى شويه شويه بيطلع راس الكوبلن ....

ثانيا : غريبة قوة انو راس الكوبلن تبوظ !!!!!!!!!!!!!!

ياريت بالمرة تبص على شداد الموتور دا مهم جدا للحفاظ على فعالية الفتيس لأنه احياننا بادقر فى الكوبلن الطويل وبيسبب كسر الصليبة....