مشكلة السحب اتحلت والحمد لله

**Akram** · 08-08-2010 10:13 PM

ازيكم يا شباب ,
العربية بقالها فترة سحبها ضعيف و لو شغلت التكييف تبقى زي البطة البلدي ,
المهم قلت يمكن من البوجيهات علشان عاملة 14 الف ك. و جبت بوجيهات ngk تيتانيوم من الوكيل (التوفيق) في السيدة زينب و سلوك بوجيهات كوري و فلتر هواء gm و قمت بتنظيف البوابة و تغيير الحاجات اللي جبتها و جربت , لقيت الاداء إتحسن شوية بس بره السحب ضعيف ,
المهم واحد صحابي كان بيشكرلي في ميكانيكي ناحية المنيل و انه بيسافر لكوريا يعني ميكانيكي جامد , المهم كنت معدي جنبه فقلت اعدي عليه و اشوفه ,
المهم رحتله و بص على العربية وأول ما جه يجربها قاللي ان طرمبة البنزين هيا اللي عاملة المشكلة دي و محتاجة تتغير , و لازم أجيب الاصلي مش الصيني و مجبش الإستيراد علشان هتبوظ على طول ,
ووصفلي واحد اسمه احمد الخواجة امام القرية الفرعونية علشان اجيب منه , فقلت أروح و أشوف اسعاره ايه , و لما وصلتله لقيته قافل فرحت لأبو الحسن و قلت أشوف الميكانيكي محمد هاشم ,
و لما وصلت و قلت لمحمد على مشكلة السحب و بص على العربية و جربها و هي واقفة و لقيته فك سير الكاتينة و فك طنبورة الكردان و ترس الكردان و قاللي ان المشكلة ان فيهم بوش و لازم يتغيروا و كمان سير الكتينة على الرغم من إنه عامل 12 الف ك. لكنه حالته اتأثرت من البوش اللي في الطنبورة ,
و بعد ما غيرهم و جربت لقيت العربية ما شاء الله بقت كويسة جداً ,

يعني لو كنت مشيت ورا الميكانيكي الأولاني كنت إتدبست في طلمبة تعدي الـ 500ج بدون داعي دا غير إنه ممكن يغير حاجات تانية و دا غير المصنعية ,,
معلش طولت عليكم بس قلت انقل معلومة للجميع.

**shaky** · 08-08-2010 10:47 PM

يعنى انت حاسس ان الحب بقى افضل بكتير وقرب من الطبيعى والا اتحسن شوية لانها تفرق

**srm** · 08-08-2010 11:21 PM

المشاركة الأصلية كتبت بواسطة akram

و لما وصلت و قلت لمحمد على مشكلة السحب و بص على العربية و جربها و هي واقفة و لقيته فك سير الكاتينة و فك طنبورة الكردان و ترس الكردان و قاللي ان المشكلة ان فيهم بوش و لازم يتغيروا و كمان سير الكتينة على الرغم من إنه عامل 12 الف ك. لكنه حالته اتأثرت من البوش اللي في الطنبورة ,
و بعد ما غيرهم و جربت لقيت العربية ما شاء الله بقت كويسة جداً ,

الف مبروك ان العربيه رجعت زى الاول.....كنت عايز اعرف من حضرتك يا استاذ

اكرم الحاجات اللى انت غيرتها دى سعرها اد ايه ؟ والميكانيكى خد اد ايه

مصنعيه.؟؟؟

**Shiref_mohamed** · 09-08-2010 12:14 AM

المشاركة الأصلية كتبت بواسطة akram

ازيكم يا شباب ,
العربية بقالها فترة سحبها ضعيف و لو شغلت التكييف تبقى زي البطة البلدي ,
المهم قلت يمكن من البوجيهات علشان عاملة 14 الف ك. و جبت بوجيهات ngk تيتانيوم من الوكيل (التوفيق) في السيدة زينب و سلوك بوجيهات كوري و فلتر هواء gm و قمت بتنظيف البوابة و تغيير الحاجات اللي جبتها و جربت , لقيت الاداء إتحسن شوية بس بره السحب ضعيف ,
المهم واحد صحابي كان بيشكرلي في ميكانيكي ناحية المنيل و انه بيسافر لكوريا يعني ميكانيكي جامد , المهم كنت معدي جنبه فقلت اعدي عليه و اشوفه ,
المهم رحتله و بص على العربية وأول ما جه يجربها قاللي ان طرمبة البنزين هيا اللي عاملة المشكلة دي و محتاجة تتغير , و لازم أجيب الاصلي مش الصيني و مجبش الإستيراد علشان هتبوظ على طول ,
ووصفلي واحد اسمه احمد الخواجة امام القرية الفرعونية علشان اجيب منه , فقلت أروح و أشوف اسعاره ايه , و لما وصلتله لقيته قافل فرحت لأبو الحسن و قلت أشوف الميكانيكي محمد هاشم ,
و لما وصلت و قلت لمحمد على مشكلة السحب و بص على العربية و جربها و هي واقفة و لقيته فك سير الكاتينة و فك طنبورة الكردان و ترس الكردان و قاللي ان المشكلة ان فيهم بوش و لازم يتغيروا و كمان سير الكتينة على الرغم من إنه عامل 12 الف ك. لكنه حالته اتأثرت من البوش اللي في الطنبورة ,
و بعد ما غيرهم و جربت لقيت العربية ما شاء الله بقت كويسة جداً ,

يعني لو كنت مشيت ورا الميكانيكي الأولاني كنت إتدبست في طلمبة تعدي الـ 500ج بدون داعي دا غير إنه ممكن يغير حاجات تانية و دا غير المصنعية ,,
معلش طولت عليكم بس قلت انقل معلومة للجميع.

مبروك يا اكرم..
محمد هاشم عفريت وابقى سلملي على الميكانيكي الى بيسافر كوريا

**kar!m** · 09-08-2010 12:18 AM

جزاك الله خيرا على المعلومة القيمة

**ahmedomara00** · 09-08-2010 09:11 AM

المشاركة الأصلية كتبت بواسطة akram

و لقيته فك سير الكاتينة و فك طنبورة الكردان و ترس الكردان و قاللي ان المشكلة ان فيهم بوش و لازم يتغيروا و كمان سير الكتينة على الرغم من إنه عامل 12 الف ك. لكنه حالته اتأثرت من البوش اللي في الطنبورة ,
و بعد ما غيرهم و جربت لقيت العربية ما شاء الله بقت كويسة جداً ,

ازيك يا اكرم باشا و حمدلله على السلامه
معنى كلامك ان تقسيمة الكاتينه مكانتش مظبوطه بسبب البوش ، عموما الف مبروك و ربنا يكفينا و اياكم من اشتغلات الميكانيكيه .

**mohfud** · 09-08-2010 09:20 AM

الف مبروك على سحب العربية والحمد لله أنك ظبطتها على أكمل وجة موضوع الترس والطمبورة مهمين جدا ممكن لا قدر الله السير يحصلوا حاجة وأنت ماشى الحمد لله أنك غيرتة
طيب سعر الترس والطمبورة كام وهل طلب تغيير الرومان بلى والمصنعية كام

السيد العضو المحترم

تم تنبيهك اكثر من مره لمراعاه كتابة لفظ الجلالة بشكل صحيح

يرجى مرعاه الكتابة بشكل دقيق

مشرف عام الكورى و الماليزى

**abou_sama** · 09-08-2010 10:41 AM

فين مكان محمد هاشم لو سمحت

**tarek_2005** · 09-08-2010 11:25 AM

الف مبروك علي سحب السيارة

المشاركة الأصلية كتبت بواسطة abou_sama

فين مكان محمد هاشم لو سمحت

وياريت تقولنا علي مكان محمد هاشم

**MMamdouh** · 09-08-2010 11:33 AM

المشاركة الأصلية كتبت بواسطة Akram

المهم واحد صحابي كان بيشكرلي في ميكانيكي ناحية المنيل و انه بيسافر لكوريا يعني ميكانيكي جامد , المهم كنت معدي جنبه فقلت اعدي عليه و اشوفه

هى يعنى كوريا مفيهاش ميكانيكية؟؟؟..... الجملة دى لوحدها تعرفك ان الراجل دة منجد و بيفتى اى حاجة... تلاقية بيروح يصيف فى اى حتة و يقولك انا رايح كوريا... طيب هو بيروح كوريا يعمل ايه؟؟؟ بيصلح العربيات اللى الكوريين عجزوا عن تصليحها ولا بيروح يتعلم منهم اللى محدش فى مصر يعرفة؟؟

على فكرة بكرة التكييف لسة معايا بس انا اللى الدنيا ملطشة معايا و مش عارف اضبط معاك ميعاد

MMamdouh

الموضوع: مشكلة السحب اتحلت والحمد لله

LinkBack

أدوات الموضوع

عرض

مشكلة السحب اتحلت والحمد لله - انشر الموضوع فى :

-

-

-

-

-

-

المواضيع المتشابهه

صوت طقة مع كل نقلة غيار والحمد لله اتحلت

مشكلة سيرفو الداتشا اتحلت والحمد لله

بعد 8 مرات ترصيص .. وسنه ونصف هزه فى العربيه ...اتحلت والحمد لله

بعد 8 مرات ترصيص .. وسنه ونصف هزه فى العربيه ...اتحلت والحمد لله

مشكلة مقلقة و اتحلت

الكلمات الدلالية لهذا الموضوع

المفضلات

المفضلات

ضوابط المشاركة