غربالة لما بهدى من 140

**Veroman** · 04-12-2012 10:36 PM

السلام عليكم
عندى مشكلة مجنانى بقالها فترة
كل لما اجى اجيب 140 و ارجع اهدى الاقى العربية بتغربل و لو بعد ماهديت و غربلت و رجعت اجيب 140 تانى تغربل اقوى من الاول و الدركسيون يهتز و العربية تترج جامد معا العلم لو طالع بيها الصبح و جبت ال 140 تبقى طبيعية جدا فى اول مرة بس من تانى مرة بقى تبتدى تغربل و فى حاجة تانية العربية لغايت 120 طبعية جدا مهما هديت و رجعت اجبها تانى طبيعية

فى ناس قالت كاوتش و فعلا انا الكاوتش بتاعى متبهدل و هغيرو بس خايف يفضل العيب زى ماهو
و فى ناس تانية قالت طنابير لكن من المعروف ان مفيش طنابير بطبوظ من 36 الف كيلو و العربية معايا من الزيرو دة غير انى بصيت على الطنابير و انا عند بتاع الكوتش و لفتها كلهم واحدة واحدة شكلها سليم جدا و لا متجرحة ولا متعوجة

العربية كورلا جنوب افريقيا 2009

ياريت الكل يشارك براية

**aldesha989** · 04-12-2012 11:28 PM

كاوتش وظبط زوايا واتزان وبعدين جرب تانى ومدام انتا كده كده هتغيره هيبقى ماعندكش مشكلة فى انك تجرب
تانى حاجه لو حاسس ان الكاوتش ممكن يكمل تروح لواحد بتاع كاوتش ابن حلال يتأكدلك من الفرد اللى هتتغير لانك ممكن ما تغيرهمش كلهم ممكن يطلع فردتين ولا حاجه بس اللى فيهم مشكلة او حدف يمين وشمال وبرضه اظبط زوايا واتزان

**semi** · 05-12-2012 12:16 AM

كاوتش غيره ومش هتخسر حاجه طالما هو كده كده قدم

**Veroman** · 05-12-2012 07:46 AM

طيب هل فى ظبط زوايا و اتزان كمبيوتر ولا هوا كلو عادى عايز افهم النقطة دى

**aldesha989** · 06-12-2012 12:42 AM

بصراحه ما اعرفش بس ان شاء الله حد يفيدك اكتر فى موضوع كمبيوتر او عادى لانى ما اعرفش هل فى فرق بينهم او لا

**hany63** · 06-12-2012 09:33 AM

طنابير بنسبة ٩٠ في الميه و مش شرط ان شكلهم سليم
و ممكن يكون جه عليهم ميه و هم سخنين فبيتلوحوا
و الحركه دي كانت بتحصل معايا و انا بفرمل على ١٢٠ و راحت لما اتخرطوا في التوكيل و العربيه كانت عامله ٧٠٠٠ كم

**dr_radioooooo** · 06-12-2012 01:58 PM

طنابير يا باشا
والتعريجات اللى فيها مش هتشوفها بعينك
طالما على سرعة عاليا لما بتدوس فرامل العربية بتغربل تبقى طنابيييييييييير

**mem** · 06-12-2012 07:05 PM

حاجه من الاربع حاجات دول لا يخرج عنها

1 - كاوتش
2 - طنابيير
3- ضبط زوايا واتزان
4 - ترصيص

**حماده المصري** · 07-12-2012 05:05 AM

القول الفصل في الطنابير والاكيد ان الطنابير مالهاش علاقه باي حاجه غير الفرامل يعني لو ماشي على سرعه او بتزود سرعه بتغربل تبقى مش طنابير_لو علطول مفيش غربله بس لما بتدوس فرامل بتغربل تبقى طنابير وممكن يبقى تيل كمان ممكن متكونشي غيرته من الزيرو انما الطنابير مالهاش اي علاقه بالسرعه كل علاقتها بالفرامل
--------------------------------------------

الحاجات التانيه الي ممكن تبقى بايزه

الكاوتش محتاج يترصص

او محتاج يتغير ولو محتاج يتغير ممكن تعمل حاجه متكونشي مكلفه ترجع الي قدام ورا وتطلع الي ورا قدام وترصص كل الكاوتشات وكمان تعمل زبط زوايا وتجرب

وممكن تبقى الكبالن الداخليه مع ان الكبالن الداخليه بعييده اوي في عربيه جديده