الموضوع: العربية بتنط فى الطلعة الاولى

باشكر حضريتيك جدا على سرعة الرد
وباذن الله اعمل اللى حضريتيك قولت عليه
وارد على حضريتيك

المشاركة الأصلية كتبت بواسطة moh_faheem

الاعضاء الكرم
اشتريت سيارة كيا سيراتو 2010 اوتوماتيك
ولى ملاحظة ان السيارة فى الطلعة الاولى وعند الوضع على d او r العربية بتنط
لكن لو انا مثلا وقفت وطلعت تانى مبحسيش خالص بالنطة دى
والملاحظة الثانية ان مؤشر السرعة بيعلق يعنى ممكن يشتغل وممكن ميشتغلش
ارجو من السادة الاعضاء الافادة
مع ملاحظة ان السيارة تم وضعها على الكمبيوتر ولا يوجد بها اى اخطاء
وجزاكم الله خيرا

موضوع النطه من d-r ممكن تحصل لو حضرتك مكنتش كابس فرامل وممكن برضه مع p
وده احتماليته كبيره لان حضرتك بتقول لو وقفت وطلعت تانى مبتحصلش ومعنى انك وقفت يعنى كبست فرامل وبتغير وانت لسه كابسها فمبتحصلش نطه اتاكد من الاحتمال ده ودوس فرامل بالذات مع اوضاع r و p وعلى سبيل الاحتياط برضه اكشف على زيت الفتيس
اما بالنسبه لمؤشر السرعه اللى بيعلق فانا كان معايا زمان ايبيزا وكان كل العدادات والمؤشرات بتعلق روحت لكهربائى (مرقع) ظبطهم كلهم لكن بالنسبه ليك طبعا عشان الضمان خليك فى مركز صيانه ولو بره الضمان يبقى عليك وعلى واحد مهندس (كهربا) مش صنايعى لان العدادات تتبع شغل الكهربا فى العربيه وخدلك لفة على كذا واحد الاول واسمع منهم كلهم قبل اى ضربة مفك عندك وابقى طمنا

اخر الاخبار
روحت لكهربائى وقال ننظف الحساسات
وتم تنظيف جميع الحساسات والنتيجة لا جديد
والاستاذ ابو ليلى قال جرب وضع الاستبترونيك
العربية كانت واقفة على رقم 1 وشغال تمام مفهوش اى نطة
وبالنسبة لوضع n ثم d فمع الاسف العربية بردوا بتنط
اما بالنسبة لقواعد الموتور هاكشف عليها يوم السبت باذن الله
وشكرا لجميع الاعضاء الكرام الذين قاموا بالرد

نزل الزيت وحط زيت جديد وجرب

انا مش عايز اخضك بس للإفادة
الموضوع دا بالظبط كان بيحصل مع واحد زميلى معاه accent RB اوتوماتيك و مكنتش كملت سنة
و راح للتوكيل و طلع ان الفتيس الاوتوماتيك فيه جزء تالف اسمه Valve body
ممكن تشوف صورته على جوجل
التوكيل غيره و النطه دى راحت

لما تيجي تنقل من n ل d او r لازم تكون دايس فرامل للأخر تماما , لو فى نتشه بين الغيارات يبقي اكشف على الفتيس