الموضوع: استفسار بعد تغير زيت الموتور فى الفيليشيا

- موتور الفيليشيا بياخد 4 لتر زيت وبالفلتر
- العربية لازم تكون واقفة فترة على سطح أفقي (مستوي) عشان المقاس يطلع سليم
- الموتور لازم يكون مطفي من فترة (10-15 دقيقة مثلا) عشان الزيت كله يكون تحت في الكرتيرة والمقاس يكون دقيق
- اتأكد إن عصاية المقاس بتاعتك هي بتاعة العربية (وخاصة إنها غالبا مش معاك من الزيرو) وحصلت مع ناس اكتشفوا إن اللي قبلهم كان حاطط أي عصاية مقاس والسلام عشان كل موتور وله عصاية مقاس بطول وأبعاد خاصة عشان يقيس صح
- بصفة عامة العربيات اللي مواتيرها مش حديثة مش المفروض إننا نملاها لأقصى حد، عشان ضغط الزيت في الجري والتحميل وظروف التشغيل ميكونش زيادة على البساتم والجوانات ( يعني ممكن نملاها مثلا اربعة إلا ربع)، الفرق ده مش هيأثر بتاتا على الأداء أو الصحة العامة للموتور، المقاس بيكون عليه مكتوب max و min يعني ناس كتير بتملاها على الآخر وبرضه مش صح
- حتى لو المقاس عندك على min متقلقش لأن المسافة دي بين max و min هي واحد لتر بس، يعني العربية فيها زيت، المهم إن اللمبة بتاعة الزيت متنورش وإن العصاية يكون فيها زيت متتطلعش ناشفة من غير ولا نقطة !!
- حضرتك لازم تتأكد إن الجركن كان متبرشم وتشتريه من مكان كويس وتراقب الأفندي اللي بيحط الزيت عشان منهم بيسرقو ويحط لك 3 لتر ويشيل العبوة وفيها 1 لتر، وهكذا.... آخر اليوم يكون عنده 50-60 لتر !!!!!!
- العربية لما تمشي ناقصة نص كيلو زيت احسن ماتمشي وفيها ربع كيلو زيت زيادة
- لازم ناخد بالنا برضه لما يتم فك وتركيب الفلتر إن تم صح، والطبب اتفكت واتربطت صح لأن ممكن الزيت يتنزل من الفلتر والطبة، وحصلت وربنا يعافينا
أرجو أكون افدتك