فرامل الفليشيا

**giedo** · 01-01-2013 04:31 AM

السلام عليكم ورحمة الله وبركاته
طبعا" انا كنت عارض موضوع عن سخونه الطنابير والعجل الامامى بعد لما اجى من اى مشوار ورد عليا استاذ صبحى والمهندس احمد وعملت التيست المهندس احمد اللى قالى عليه اللى هو بعد اى مشوار والعربيه سخنه انزل فرامل اليد واجرب ازق العربيه ..( لقتها تمام وبتزق عادى ) وصوت السيرفو اللى هوه فففففففففففووووووشششش تمام شغال .... روحت انهارده قولت اروح اكشف على الفرامل عند واحد متخصص ....كلامه كالاتى ان اى عربيه من الموديلات الجديده نازله بعيب تصنيع ان الفرامل للكاوتش الامامى هوه بس اللى بيمسك والخلفى تأثيره لا يذكر وان اى تيل موجود فى السوق انشالله حتى الاصلى لازم يصفر .... وراح طالع بالعربيه قالى اوريك .... وراح ضارب فرامل لقيت فعلا" ان العجل الامامى بس هوه اللى بيفرمل والخلفى تأثير الفرامل عليه ضعيف جدا" ولهذا السبب الطنابير الاماميه بتسخن جامد ... قالى لازم نغير بلوف الخلفى ونكشف على التيل ونظبط العربيه بحيث ان الاربع فرد تمسك فى الارض ولقيت عنده دايو 2009 نفس الحكايه قالى انا برضه بعدل فيها زى الفليشيا بتاعتك بالظبط ولقيت ان التيل الخلفى بيتكلف 100 جنيه والبلوف والجلد 145 جنيه .... قولت اخد رأيكو فى العمليه دى

**المنسي** · 01-01-2013 10:39 AM

المشاركة الأصلية كتبت بواسطة giedo

اى عربيه من الموديلات الجديده نازله بعيب تصنيع ان الفرامل للكاوتش الامامى هوه بس اللى بيمسك والخلفى تأثيره لا يذكر وان اى تيل موجود فى السوق انشالله حتى الاصلى لازم يصفر ....

معلش انا معترض على الكلام ده يعني ايه عربية لسه جديدة والفرامل للكاوتش الامامى بس وبعدين ايه حكاية اى تيل فالسوق بيصفر انا كنت جايب جوز تيل تركى وزى الفل معلش الراجل ده مش تمام وعايز يعمل شغل عليك ياريت تشوف حد غيره

**alking_2006** · 01-01-2013 01:49 PM

نصااااااب

بقى العربيات الحديثة كلللللللللها فيها عيب صناعة؟
دا انتا كنت قاعد مع بل جيتس و مش واخد بالك يا جدع :)

**sakr_skoda** · 01-01-2013 05:47 PM

بص انا عندى فكرة شيل بلوف الفرامل الخلفيه اللى بتبقى راكبة فى المواسير بتاعت الفرامل الخلفيه وجرب كدا حتلاقى الفرامل تمسك الأربع فرد....

**EngAhmedSayed** · 01-01-2013 08:14 PM

الحمد لله
انى انتا سالت قبل ما تعمل حاجه
لانى من كلامك فى حاجه مش مظبوطه
و هى الراجل بيقولك انى العجل الامامى هووووووووووا بس
طبعا ده راجل لمؤخذه الاربع عجلات زيت باكم من المستر العمومى الراجل ده عاوز يعمل شغل يا حبيبى اخلع منه
موضوع التيل الخلفى ممكن تقولى لما بترفع الهند بريك الفرامل بتقفش بعد كام تكله 2 وله 3 و له 4 جرب و قولنا و احنا متابعين معاك و معنى السيرفو بيعمل الصوت ده معنى انو بيعبى هو اااااااا
جرب كده و احنا كلنا متابعين
تحياتى لليك
ربك المستعان