الموضوع: لحام الخابور للكاوتش صمم للاستخدام فى حالة الطوارئ فقط

كلام سليم لأن الخابور يعتبر حل مؤقت لكن الحل الدائم هو اللحام سواء بارد او سخن لأن اللحام انت بتعوض مكان الفراغ بنفس المادة لكن الخابور بمثابة جسم غريب في جدار الكاوتش مع كتر الخوابير جدار الكاوتش بيضعف
و لذلك انا دايما بشبه الموضوع بازازتين مية بلاستيك اتخرموا واحدة جبت حتة خشب سديت بيها الخرم و واحد جبت حتة بلاستيك سيحتها ع الخرم يبقي انهي الأفضل ؟؟
بالاضافة ان الخابور ميعتبرش برده الحل المفيد لانك عشان تركب خابور لازم يكون معاك مفكين و زي مقولت ازازة مية بصابون و طبعا منفاخ و بالتالي الكاوتش التيوبلس ميزته انك تقدر تمشي و هو فيه مسمار او اكتر لحد ما توصل عن طريق نفخه بمنفاخ الولاعة لكن الخابور يكون مفيد في حالة ان الخرم اكبر من اللازم و مش مسدود بمسمار او غيره فهنا لازم فعلا خابور
و للأسف بتوع الكاوتش بيضحكوا ع الناس بحكاية خوابير صيني و امريكي و تلاقي الامريكي سميك و الصيني رفيع القصة انه بيجيب كارت الخوابير بحوالي 3-5 ج فيه 5 خوابير يخلي كام خابور زي مهو سميك و يقولك عليه امريكي و يقص باقي الخوابير نصيين و تلاقي الخابور رفيع و ملوش لازمةو يقولك ده صيني الامريكي بـ10 و الصيني بـ7 او شيل 2 ج ع حسب المكان يعني اخر نصب و للأسف اللي ميفهمش في القصة ديه هيقول هات الامريكي او حط النضيف و لا حوار الاخرام اللي بيعملوها لو مش واقف قدامه و يطلعلك يجي 3 -4 اخرام و غيره من شغل النصب اللي بنشوفه ده انا بتسلي و بتنطط عليهم تنطيط بخليهم يقفوا مبلمين مش عارفين يردوا

يا ريت الجميع ميحطش خوابير في الكاوتش ابدا هو لحام سواء بارد او سخن

و احب اضيف حاجة خلوا بالكم من مقياس ضغط الكاوتش اللي بيستخدموه ابو 7 ج ده لما تقوله زود هوا ع 30 في الحقيقة العداد بيقرا 30 لكن الضغط الحقيقي بيكون 32-34 ع حسب العداد و ده سبب اننا ساعات نلاقي العربية ناشفة بعد التزويد او مش مظبوطة و هي ماشية فاحسن حل لتزويد من الاماكن اللي فيها عداد هوا ديجيتال
او الأفضل تشتري منفاخ بيشتغل ع الولاعة و مقياس ضغط ديجيتال و تظبط الضغط بنفسك أضمن و يكون معاك احتياطي