ينفع اركب كارتيره عجل للفليشيا

**Mostafa.Ramdan** · 01-01-2013 04:50 PM

السلام عليكم ورحمة الله وبركاته

من كام يوم كده كنت بغسل العربيه تحت البيت

و انا بغسل الكاوتش بصيت فوقيه لقيت بلاوى طينه غير متوقعه وده لانى دايما مش بغسل العربيه فى البنزينه

رفعت العربيه بالكوريك وحاولت انضف الطينه دى وندمت لانها طلعت عينى من اول فرده

وابنا بنضفها حته صاجصغيره من تحت كانت مصديه كده لقيتها وقعت

زعلت اوووووى وقررت اوديها بنزينه الغسله الجايه عشان ينفضه الطينه دى كويس

وجيه فى بالى حاجه موجوده فى معظم العربيات اللى هيا كارتيره العجل ودى عشان تحافظ على الصاج

انا سألت عليها وعرفت ان اسمها كارتيره العجل ودى صورتها

هل الاسم ده صح ؟؟ وهل تنفع للفليشيا ؟؟ وسعرها كام ؟؟

ولكم جزيل الشكر (ادعولى بمتحن )

**sakr_skoda** · 01-01-2013 05:39 PM

اولا رابنا يوفقك وعاوزينك من الأوائل يادرش مش حنتنازل عن العشرة الأوائل ....

بص يادرش كل الصاج اللى فى العربية ممكن تغيرة عادى مش مشكلة ممكن تغير كارتيرة عجل للفليشيا وممكن تغير رفارف امامية للفليشيا وممن كتغير كرتيرة عجل خلفية وكبود وكابينه وشنطة كله كله ممكن يتغير وطبعا مش حتلاقيها جديدة بتبقى عند بتوع الاستراد....*

بس عاوز اقولك على حاجة مهما غيرت برضوه حتلاقي البرومة تزوره بسرعه ودا راجع للشوارع النظيفة فى بلدنا وانعدام الطين فيها بيخلى الكلرتيرة والعتب او حاجة بتتاكل من البرومة فالحل المعترف بيها اقليميا فى مصر السمكرى يرقع الكارتيرة وتتعزل بالبلك (البوتيمين ) وفرشة دوكو والسلام ....*

**aw2100** · 01-01-2013 09:29 PM

المشاركة الأصلية كتبت بواسطة mostafa.ramdan

السلام عليكم ورحمة الله وبركاته

من كام يوم كده كنت بغسل العربيه تحت البيت :e_braces[1]:

و انا بغسل الكاوتش بصيت فوقيه لقيت بلاوى طينه غير متوقعه وده لانى دايما مش بغسل العربيه فى البنزينه

رفعت العربيه بالكوريك وحاولت انضف الطينه دى وندمت لانها طلعت عينى من اول فرده

وابنا بنضفها حته صاجصغيره من تحت كانت مصديه كده لقيتها وقعت

زعلت اوووووى وقررت اوديها بنزينه الغسله الجايه عشان ينفضه الطينه دى كويس

وجيه فى بالى حاجه موجوده فى معظم العربيات اللى هيا كارتيره العجل ودى عشان تحافظ على الصاج

انا سألت عليها وعرفت ان اسمها كارتيره العجل ودى صورتها

هل الاسم ده صح ؟؟ وهل تنفع للفليشيا ؟؟ وسعرها كام ؟؟

ولكم جزيل الشكر (ادعولى بمتحن ) :_alshmokh22[1]:

هى اسمها كفرات للعجل وبتبقى من الفيبر انا مركبها فى عربيتى بس مركبها بمسامير فيبر فى اماكن الفبريكة مش مسامير حديد علشان مخرمش فى جسم العربية انا كنت جايبهم جداد الطقم 4 كفرات ب200 جنية والأصلى استعمال ب 400 جنية انصحك تركبهم بيحافظوا على العربية من الطين بس اولا ادى طبقة انتركوتر ايطالى عازلة عند البوهيجى قبل ماتركبهم !!!!