صيانة الالف قشقاى و تركيب السنسورز..اوتو ايجيبت

**lozitis** · 06-01-2013 01:33 AM

السلام عليكم يا احلى شباب..
نبدا الحكاية من الاول ))
اشتريت زيت الليكوو مولى هاى تيك 5 لتر ب 295 من شارع دمشق لانة ما كانش عند الموزع اللى فى العبور و حجزت 8.30 صباحا..
وصلت الساعة 8.25 و قابلنى م.محمد رفاعى و استلم العربية و طلبت منة تركيب السنسور و قللى العربية تخلص الساعة واحدة..
المهم دخلت اكلت الباتية و شربت قهوة و كنت شايفيهم شاغليين فى عربيتى و خلصت حوالى 9.20 و دخلت ورشة اخرى لتركيب السنسورز و ما رديوش يخلونى اتفرج على العربية و هما بيركبوة فدخلت الاستراحة و جلست فى ركن الاطفال و فضيلت العب كرة برو ايفوليشن 2012 و قطعتيهم ب برشيلونا )
المهم على 11.45 العربية طلعت و كانت مغسولة و تمام..
دفعت 85 جنية للصيانة و 450 للسينسورز..
سئلت على الديفيدى و الكاميرا 6300 بالتركيب و الضريبة...
روحت و قفت جنب العربية و م.محمد قاللى 10 دقائق و اسلمك و فاتت 30 دقيقة وبعدين روحتلة تانى و قللى دقيقتين و بعدين بعد 45 دقيقة من القفة جنب العربية روحت قلتواة مشينى قللى انا قولتيلك الساعة واحدة و لسة 12.30..روحت اتنرفزت الصراحة و قلتولة لو سمحت مشينى دلوقتىي انا بقالى 45 دققة واقف جنب العربية الخلصانة..المهم كان واقف بيكلم ناس صحابة راح دخل مكتبه و بعد دقيقة ندانى و قاللى ما فيش كومينتات على العربية وروحت دفعت و مشيت..
احلى حاجة هناك ركن الاطفال و القهوة و عجبنى السنسورز و الشاشة اللى فوق المراية ركبو 4 حساسات..
ما حبيتش المهندس محمد...
1- ما اهتمش انوو يمشينى ما دام العربية خلصت و كان عايز يفضل لطعنى عادى كدة (((
2- ما سلمنيش العربية ولا ورانى السنسورز و لا الشاشة و سبنى اكتشف مع نفسى . الصراحة انا شفت ان دة اهمال منه (((
هما حتو 4 لتر من الجركن ال5 لتر و شيلت الباقى لصيانة ال 1000 ان شاء الله..
حاروح هناك الصيانة الجاية ما اعتقيدش حاجرب السبع ان شاء الله لو ربنا ادنا العمر..
و عذرا على الاطالة
اخوكم احمد

**S O P H O S** · 06-01-2013 01:53 AM

الف مبروك
عقبال صيانة 300 الف ..

**lozitis** · 06-01-2013 01:57 AM

المشاركة الأصلية كتبت بواسطة s o p h o s

الف مبروك
عقبال صيانة 300 الف ..

اللة يبارك فى حضرتك و الف شكر ليك ))

**Ahmed.TV** · 06-01-2013 02:09 AM

احمد بيه ازيك واخبارك ايه .. ليك وحشة .. وسنة سعيدة عليك

الف مليون مبروك الصيانة وتركيب الاكسسورات

اهم حاجة هل فى اى مشكلة فى الصيانة وتركيب الاكسسورات

ومن اللى حكيته ده طبعا مهندس الاستقبال غلط .. وكان مفروض يشيك معاك على الصيانة وعلى الاكسسورات اللى ركبت .. وبعد كدا يقولك هل فى اى كومنت

ولما يتصلوا بيك عشان يسالوك على الخدمة .. بلغهم ضرورى .. بالملحوظة المهمة دى .. واكدها عليهم

والف مبروك الصيانة .. وعقبال صيانة المليون

**miceg** · 06-01-2013 02:54 AM

مبروك ياباشا
وعقبال صيانة المائة الف
هو ممكن الواحد يركب الشاشه والحساسات على الصنى ولا مالهاش مكان
ثانيا اماكن الحساسات بالظبط فالجانبين كمان ولا الاكصدامات

**miceg** · 06-01-2013 02:57 AM

مبروك ياباشا
وعقبال صيانة المائة الف
هو ممكن الواحد يركب الشاشه والحساسات على الصنى ولا مالهاش مكان
ثانيا اماكن الحساسات بالظبط فالجانبين كمان ولا الاكصدامات

**lozitis** · 06-01-2013 04:25 AM

المشاركة الأصلية كتبت بواسطة youssef_u

مبروووك الصيانه وعقبال المليون كيلووو ان شاء الله

اللة يبارك فيك و فى عمرك يا يوسف بية و معا لنقضى على التصاق مهندسى الاستقبال و تمسكهم بالكراسى )))

الموضوع: صيانة الالف قشقاى و تركيب السنسورز..اوتو ايجيبت

LinkBack

أدوات الموضوع

عرض

-

المواضيع المتشابهه

تقرير عن صيانة الالف لتيدا 2011 بزيت ليكوي مولي فى مركز اتو ايجيبت

يا جماعة عايز احجز صيانة فى اوتو ايجيبت و مش عارف

اوتو ايجيبت

سمكرة و دهان رفرف اوتو ايجيبت ولا مودرن مع تركيب سينسور ركن ؟

تقريرين : عن صيانة 30 الف فى توكيل اوتو ايجـيبت .. وعن انطباعى عن تركيب عازل الكابوت

الكلمات الدلالية لهذا الموضوع

المفضلات

المفضلات

ضوابط المشاركة