اشترى ميجان ٢٠٠٨ ولا اشترى سكودا اوكتافيا ٢٠٠٠

**Marlboro011** · 11-01-2013 05:14 PM

ارجو المساعده من الاعضاء اشترى سكودا اوكتافيا موديل ٢٠٠٠ فوانيس ليدات مانوال حاله جيده ب ٦٨٠٠٠ --- او اشترى رينو ميجان ٢٠٠٨ بانوراما اعلى فئه ب ٦٣٠٠٠ ياريت الافاده بسرعه لانى مقبل على الشراء

**amrelsaqqa** · 11-01-2013 05:39 PM

الاوكتافيا
بس الاوكتافيا دى غالية
انا بدور على اوكتافيا وكان واحد مكلمنى على واحدة موديل 2001 ( يعنى الشكل اللى بعد 2000 ) مانوال فابريقة برة وجوة و فيها خبطة بسيطة في الرفرف الخلفى بـ 68 ! وانا استغليتها وقلت مش هجيب حاجة اغلى من 63 !

بيتهيألى موديل 2000 تيجى في حدود 60 61 ولو حالة نادرة 65 اخرها ويبقى كتير كمان
وممكن تسأل استاذ شريف في موضوعه بتاع تسعير السيارات المستعملة في قسم البيع

**Marlboro011** · 11-01-2013 05:59 PM

اولا متشكر جدا على الرد السريع هيا الاوكتافيا حلوه بس مانوال وكمان فيها فوانيس ليدات مخليه شكلها تحفه والعربيه دى بالذات انا بقالى ٥ سنين بركابها وعارف حالتها لانها مع صاحبى بس ابوه طالب فيها ٧٠٠٠٠وبقول دا كتير جدا عليها علشان كده فكرت فى الميجان ٢٠٠٨ طبعا اتوماتيك وفيها اوبشن رهيب وبعدنا عن ٢٠٠٥ اللى فيه مشاكل

**abogharib** · 11-01-2013 06:37 PM

الميجان هتبقى افضل و الله اعلم ان الموديل قريب يعنى بقالو 4 سنين او 4.5 سنين لكن الاكوتافيا بقالها 12.5-13 سنه يعنى هيبقى مشاكلها اكتر من الميجان لان اكيد طبعا عربيه بقالها 13 سنه ماشيه فى شوارعنا غير عربيه بقالها 4 سنين فقط
مجرد رائى

**Marlboro011** · 11-01-2013 06:52 PM

متشكر جدا لحضرتك وعلى فكره دا كمان رائى

**abogharib** · 11-01-2013 07:54 PM

المشاركة الأصلية كتبت بواسطة marlboro011

متشكر جدا لحضرتك وعلى فكره دا كمان رائى

بس اهم حاجه الكشف الكامل على العربيه فى التوكيل

**amrelsaqqa** · 11-01-2013 07:57 PM

الكلام ده صح بشكل عام ، انما بيتهيألى مش صح مع الميجان
الميجان عربية لازم تكون ضامنها ولازم لازم لازم تكون صيانتها كلها في التوكيل
انا عن نفسى مش مقتنع ان مشاكل ال2005 كلها اتحلت في ال2008 والا ماكنش سعر العربية وقع بالطريقة دى كلها
يعنى ايه اللى يخلى عربية زي الميجان يبقى سعرها مستعمل زي النيو اكسنت مثلا ! مع الفرق الرهيب في كل حاجة بينهم ؟

**dodopop2** · 11-01-2013 08:30 PM

المشاركة الأصلية كتبت بواسطة amrelsaqqa

الكلام ده صح بشكل عام ، انما بيتهيألى مش صح مع الميجان
الميجان عربية لازم تكون ضامنها ولازم لازم لازم تكون صيانتها كلها في التوكيل
انا عن نفسى مش مقتنع ان مشاكل ال2005 كلها اتحلت في ال2008 والا ماكنش سعر العربية وقع بالطريقة دى كلها
يعنى ايه اللى يخلى عربية زي الميجان يبقى سعرها مستعمل زي النيو اكسنت مثلا ! مع الفرق الرهيب في كل حاجة بينهم ؟

**Marlboro011** · 11-01-2013 09:28 PM

اكيد لازم اكشف عليها فى التوكيل ب٥٥٠ عادى اهو نشترى دماغنا وبالنسبه لمشاكل ٢٠٠٥ هيا اصلا ما كنش فى مشاكل لان الشعب المصرى بيخاف من التكنولوجيا ما بيعرفش يتعامل مع العربيه طبعا لان اللغه انجليزى يبقا هوا عمل حاجه غلط ويقول العربيه خرفت والسعر بتاعها الرخيص دا لقله الانتشار بحكم ثقافه الشعب

**amrelsaqqa** · 11-01-2013 09:42 PM

لا الميجان مشكلتها مش بس في مصر، العربية واخدة سمعة في دول العالم كلها ..

معروف ان فيها مشاكل واعتماديتها قليلة لأن التكنولوجيا الجامدة اللى نزلت فيها كانت غير محسوبة وفعلا بيحصل فيها اعطال مفاجئة يعنى ممكن تبقى ماشى في طريقك مثلا وتركن تدخل بنزينة تيجى تطلع تلاقيها كاتبالك مثلا gearbox error
او steering error

وتلاقيها وقفت مكانها ! ، طب اعمللك ايه يعنى ، تلاقى الدركسيون قفل ومش عايزة تتحرك ، وده مش كلام او اشاعات دى حاجات حقيقية وادخل قسم رينو وشوف
او ممكن تبقى ماشى وتلاقي موبينة اتحرقت والعربية ماشية 3 سلندر او 2 مع بعض اتحرقوا عادى جدا والواحدة ب1250 وحاجة استغفر الله العظيم

انا كل اللى اشوفه جاب ميجان ما بتقعدش معاه كتير والاقيه باعها على طول !

على النقيض تماما الاوكتافيا عربية محترمة واعتماديتها عالية و قطع غيارها متوفرة ومش غالية اوى ، يعنى قريبة لليابانى مثلا وزيادة حاجة بسيطة