اشترى ميجان؟؟؟

**mohamedmmm2** · 05-11-2009 02:28 PM

محتاج مساعدتكم يا جماعه انا كنت بفكر اشترى ميجان بس خايف قطع غيارها تطاع اغلى من امكانياتى (انا هاشتريها مستعمله) وكمان انا سمعت ان مشاكلها فى الكهربا كتيرة وسخيفه ومش اى حد يعملها.... محتاج رايكم ضرورى دة غير ان فيه واحدة معروضه عليا موديل2005 فابريكه جوة وبرة وعامله 40000 كيلو اوتوماتيك وحالتها ممتازة وسعرها 65000

**M.Moustafa** · 05-11-2009 02:50 PM

يا باشا المواضيع اللي انت خايف منها قتلناها بحثا، ممكن تلفلك لفة كده في الفورم هنا وهتلاقي رد على كل استفساراتك ده رقم واحد

بالنسبة للعربية المعروضة عليك حضرتك بكل بساطه خدها اكشف عليها في التوكيل كشف كامل وحسب الريبورت تقرر لان الصراحة انا شايف السعر قليل على العربية خصوصا انك بتقول انها ماشية 40 الف كيلو بس فالموضوع مقلق شوية

**amr.elsayed** · 05-11-2009 02:58 PM

المشاركة الأصلية كتبت بواسطة mohammed moustafa

يا باشا المواضيع اللي انت خايف منها قتلناها بحثا، ممكن تلفلك لفة كده في الفورم هنا وهتلاقي رد على كل استفساراتك ده رقم واحد

بالنسبة للعربية المعروضة عليك حضرتك بكل بساطه خدها اكشف عليها في التوكيل كشف كامل وحسب الريبورت تقرر لان الصراحة انا شايف السعر قليل على العربية خصوصا انك بتقول انها ماشية 40 الف كيلو بس فالموضوع مقلق شوية

+9999999

**Ahmed Selim** · 05-11-2009 02:59 PM

وفر وقتك و فلوسك

لو عربية ماشية 40 ألف بس و حالتها العامة ممتازة مش هتتباع أقل من 70 ألف بأى حال من الأحوال...............إلا لو صاحبها بيرميها......دى قصة تانية.

بس نصيحة لو قررت.............لازم تكشف فى التوكيل عشان فى ناس زمايلنا هنا عربياتهم بعد لما أشتروها أكتشفو فى التوكيل أنها مغيرة العداد بواحد تانى ماشى قليل.

**midohits** · 05-11-2009 07:50 PM

بص ، انا كنت مقلق زيك كده ، ناس تقول لك دي بلاستك وفبر وحوارات وكده وقطع غيار ، اتكل على الله اكشف عليها ، ومش هتندم ان شاء الله

**mohamedmmm2** · 06-11-2009 01:36 AM

على فكرة انا مش معترض على الرفارف الفبر دى ابدا بالعكس... وانا عارف ان مستويات الامان فى الرينو اكتر من ممتازة....
وعلى فكرة سعرها مش قليل ولا حاجه دة سعر السوق وسيبكوا من اللى بيتكتب فى المواقع انزلوا سوق مدينه نصر وانتوا تعرفوا..
انا بس اللى مخوفنى جدا حته قطع الغيار انا حاسس انها غاليه شويتين والطلعه فيها مش اقل من 1000 جنيه دة لو بغير حاجه عاديه يعنى

**abasse** · 06-11-2009 08:10 AM

ليه بس ياباشا
أنزل التوفقية وشوف الأسعار أو بس الأعضاء لما بيشتروا الأسعار عاملة أزى
هو بس التوكيل الى غالى شوية

**Ahmed Selim** · 07-11-2009 12:33 AM

المشاركة الأصلية كتبت بواسطة mohamedmmm2

على فكرة انا مش معترض على الرفارف الفبر دى ابدا بالعكس... وانا عارف ان مستويات الامان فى الرينو اكتر من ممتازة....
وعلى فكرة سعرها مش قليل ولا حاجه دة سعر السوق وسيبكوا من اللى بيتكتب فى المواقع انزلوا سوق مدينه نصر وانتوا تعرفوا..
انا بس اللى مخوفنى جدا حته قطع الغيار انا حاسس انها غاليه شويتين والطلعه فيها مش اقل من 1000 جنيه دة لو بغير حاجه عاديه يعنى

عشان أنت بتدور فى السوق طبيعى أنك تلاقى أسعار قليلة

السوق لو شوفت فيه 10 عربيات هتلاقى واحدة أو 2 حالتهم كويسة و الباقى فى الطراوة حتى لو حالة العربية من برة و الصالون زى الفل.........معلش أسألنى أنا.............أنا ساكن جنب السوق من 5 سنين.

عموماً الفيصل هو الكشف فى التوكيل.

و متجبش عربية سواء من السوق أو من برة غير لما تكشف عليها فى التوكيل.