أخر كلام فى فتيس اللأيزى ترونيك

**mrscout** · 13-01-2013 02:13 PM

قدامى فيكترا سى 2008 بفتيس ايزى ترونيك و كنت قريت هنا فى المنتدى ان فى مشاكل فى وحدة الكنترول بتاعت الفتيس و انها بعشر تلاف جنية فى التوكيل فكنت عايز اعرف لو فى حد بيصلح برة التوكيل ولا اية النظام

ياريت حد ينصحنى اشتريها ولا ابعد عن الايزىترونيك

**ashourashour** · 13-01-2013 07:28 PM

المشاركة الأصلية كتبت بواسطة mrscout

قدامى فيكترا سى 2008 بفتيس ايزى ترونيك و كنت قريت هنا فى المنتدى ان فى مشاكل فى وحدة الكنترول بتاعت الفتيس و انها بعشر تلاف جنية فى التوكيل فكنت عايز اعرف لو فى حد بيصلح برة التوكيل ولا اية النظام

ياريت حد ينصحنى اشتريها ولا ابعد عن الايزىترونيك

ايوه طبعا بتتصلح برا التوكيل

والكنترول نفسه استيراد مش غالي

لكن المشكله لما تعملها معاك عالطريق لازم ونش ملهاش حل

**nagy wassef** · 13-01-2013 07:46 PM

و بيتصلح عند مين يا باشمهندس ولو بيتغير بيبقى فى حدود كام استيراد؟
و هل هو سهل قو ى يبوظ كده؟

**Dr-Daly** · 13-01-2013 07:50 PM

مش فاهمك يا عاشور هوه الطبيعي ان الكنترول ده بيبوظ وألا بالصيانه الدوريه الموضوع عادي هتقلقني ليه انا لسه جايب العربيه طازه النهاردة :(

**ashourashour** · 13-01-2013 08:06 PM

المشاركة الأصلية كتبت بواسطة Dr-Daly

مش فاهمك يا عاشور هوه الطبيعي ان الكنترول ده بيبوظ وألا بالصيانه الدوريه الموضوع عادي هتقلقني ليه انا لسه جايب العربيه طازه النهاردة :(

يا جماعه لا متقلقوش مش كدا خالص

اتهنو بعربياتكم و العربيه ما شاء الله عليها الواحد بيبقى مش عايز ينزل منها :)

لاكن الكنترول في حد ذاته اجزاء (في موضوع مثبت عنه)

هضربلكم مئال مش انت في العربيات المانيوال مع الاستهلاك بتغير ماستر الدبرياج ؟؟؟ اكيد طبعا و بيتغير على كيلومتر عالي جدا فوق ال 150 الف بحد ادنى حسب انت بتمشي في طرق زحمه جدا و تفضل تمشي و تقف او بتمشي في طرق معقوله

ماستر الدبرياك في الايزي ترونك موجود جوا الكنترول و بيتغير لوحده ودا شيء طبيعي مش عيب صنع ولا حاجه

تلني حاجه مش انت بتغير سير الكاتينه بانتظام ولا بتسيبه يقطع ؟؟؟

بالمثل كمبيوتر الفتيس فيه موتور بيدوس عالدبرياج ,,, تمام كدا ؟ الموتور دا ليه شربون طبعا (تعرفو شربون المارش ؟؟؟)
من كتر ما الكنترول بيدوس دبرياج الشربون بيتاكل ودا شيء طبيعي مش عيب تصنيع برضو ولا حاجه

الخلاصه لما تيجي تغير اسطوانه ودسك متنساش تبص عالشربون الغلبان و تغيره لو متاكل قوي

لو عملنا كدا ان شاء الله الشربون مش هيعمل معانا الدنيأه

عشان لما بيخلص الدبرياج مش بيشتغل و جيب من الاخر و اتصل بالونش

غير كدا الكنترول مفيهوش عيوب تصنيع

و ربنا يسترها علينا جميعا

**ashourashour** · 13-01-2013 08:07 PM

و بالنسبه لتصليحه انا اعرف سكته يا عام متشيلش هم و ربنا ما يحوجكم ابدا

و لما تحبو تغيروا اسطوانه و دسك هظبطكم ان شاء الله متشلوش هم خالص

**nagy wassef** · 13-01-2013 08:35 PM

ربنا يطمنك

**halimo** · 13-01-2013 11:07 PM

يبقى معلومة جديدة (حسب كلام عاشور)للمعاة فيكترا سى وهو بيعمل صيانة للعربية يبص على شربون الكنترول واعتقد انة بيتغير على كيلومتر عالى بس احتياطيا يشيك علية.

**ashourashour** · 13-01-2013 11:53 PM

المشاركة الأصلية كتبت بواسطة halimo

يبقى معلومة جديدة (حسب كلام عاشور)للمعاة فيكترا سى وهو بيعمل صيانة للعربية يبص على شربون الكنترول واعتقد انة بيتغير على كيلومتر عالى بس احتياطيا يشيك علية.

جميل بس الشربون مش اي حد يفك يكشف عليه خالص على فكره دا اصلا كتير من الناس متعرفش موضوع الشربون دا

دا بداخل كمبيوتر الفتيس و الكشف عليه مع تغيير الاسطوانه والدسك