سؤال للى جرب السكن فى الكومبوندات .. هل تفضل السكن بها ؟

**eagle2009** · 17-01-2013 11:22 AM

نظرا للانتشار الرهيب لنظام الكومبوندات السكنية فى معظم ربوع مصر المحروسة .. وانتشار الترويج لها على الانترنت .. فعندى سؤال للزملاء اللى سكن بالفعل فى كومبوندات سكنية ، خاصة فى الشخ زايد او 6 اكتوبر ، ياترى ايه مميزات وعيوب السكن بها ؟ ياريت تحكى لنا على تجاربك ، ساكن فى اى كمبوند والاسعار ايه ، وانهى افضل شقة ولا توين هاوس ولا تاون هاوس ، وياترى مرتاح ولا ده مشروع فاشل ، وبعد شوية النظام والالتزام من السكان والشركة المالكة بيبوظ ؟
ياريت نتبادل الخبرات فى هذا الموضوع ...
تحياتى.

**Kareem.ElAraby** · 17-01-2013 11:57 AM

متابع باهتمام

**Land_Cruiser** · 17-01-2013 12:11 PM

نجاح الكمبوند يعتمد بشكل اساسى على مدى قوه الاداره بتاعته و دة اللى يجب ان تبحث عنه قبل ما تشترى. يعنى لابد ان تكون له أداره صارمه غالبا بيبقى مسئول عنها لواء سابق فى الجيش او الشرطه على المعاش و طبعا دى وظيفه بمرتب مش متطوع و تحته شركه صغيره للخدمات مسئولة عن الأمن و النظافه و المحافظة على النظام و تحصيل مصروفات الصيانه بانتظام من جميع السكان و طبعا بيمنعوا اى مخالفات انها تحصل و بياخدوا اجراءات صارمه مع المخالف لان لو مكنتش الدنيا بالشكل ده اى كمبوند مهما كان مبنى كويس و غالى و يسكنه ناس لهم مكانه مرموقة فى المجتمع هيتحول الى مولد مع الاسف و هيصبح نقمه على صاحبه . لو حضرتك ناوى تشترى لازم تروح تتفرج على حاجه مبنيه و ناس ساكنه فعلا و تسمع. رأيها لان كتير من الإعلانات اللى بتتعمل بتبقى شغل فوتوشوب او متصوره فى الخارج و الكلام ببلاش فممكن تلاقى نفسك بتدفع فلوس فى حاجات عمرها ما هتتبنى و لا ملهاش تصريح و فى الاخر تلاقى نفسك قدام الأمر الواقع و مضطر انك تقبل باللى هيعملوه و خلاص

**MTAK** · 17-01-2013 12:43 PM

عاوز اسكن فيه لما يتمتع من الخصوصيه و الامان
بس زى ما قال الاخوه لازم اداره صارمه

و للأسف من الافضل حاجه مبنيه و شغاله لان غير كده انت بتراهن يا ترى هاتطلع حمرا و لا هالبس فى الحيطه

بس للأسف برضه بيكون ده على حساب ثمنها

بص الرحاب كانت بكام و دلوقتى بكام

الحمد لله على كل شئ

**Lada2013** · 17-01-2013 03:38 PM

فعلا نجاحه يتوقف علي الادارة

**samehafez** · 18-01-2013 02:57 AM

طيب ممكن حد و طبعا فيه ناس كتير هتدعيله و انا اولهم يرشحلنا كومبوند كويس في 6 اكتوبر او زايد الواحد يقدر يشتري فيه و يكون فيه تقسيط او نسهيلات قصدي بلاش الحاجات اللي فوق المليون يعني .... بتحسسني اني فاشل

**waelfarid** · 18-01-2013 03:15 AM

طب 900000 كويس
مهوكدا كدا حتضطر تخرج للعالم الخارجي برضه خارج الشرنقة اقصد الكمبوند مهو الناس اللي جوة كانو اصلا برة والحافظ هو الله

**samehafez** · 18-01-2013 11:23 AM

المشاركة الأصلية كتبت بواسطة waelfarid

طب 900000 كويس
مهوكدا كدا حتضطر تخرج للعالم الخارجي برضه خارج الشرنقة اقصد الكمبوند مهو الناس اللي جوة كانو اصلا برة والحافظ هو الله

900000 يعني بتضايقني جدا برضه بس مش زي مليون و شوية

و فكرة الكومبوند بالنسبة لي مش عشان الجيرة هي في الاصل عشان الامان لاني بسافر كتير

**egyptawy2010** · 18-01-2013 02:52 PM

المشاركة الأصلية كتبت بواسطة ramymechanics

بص يا باشا الرحاب مش كمبوند الرحاب مدينة سكنية ودة بيقلل من الخصوصية شوية بس بالنسبة لى الزحمة المقبولة بحبها احسن من السكون التام ... لكن الكومباوند اللى هو زى ريتاج ومصراوية وغيره ودة بيعتمد على الشركة اللى بتدير الكومبوند ... وربنا يوفقك وتلاقى الحاجة اللى تريحك .. انا لسة ساكن فى الرحاب من شهرين بس ... تحس انك فى عالم تانى غير اللى البشر برة عايشة فيه مع بعض السلبيات بردو طبعا عشان عدم التزام ناس كتير سواء من داخل المدينة او من خارجها

طيب ايه راى حضرتك فى بفرلى هيلز مقارنة بالرحاب

الموضوع: سؤال للى جرب السكن فى الكومبوندات .. هل تفضل السكن بها ؟

LinkBack

أدوات الموضوع

عرض

-

-

-

-

-

-

المواضيع المتشابهه

لراغبى السكن الفورى ( الشيخ زايد )

السكن عند الماجيك لاند

السكن فى القاهرة

تغيير محل السكن

لهواة السكن الراقي في مدينة نصر

الكلمات الدلالية لهذا الموضوع

المفضلات

المفضلات

ضوابط المشاركة