الموضوع: جين 2 جديدة ولا اوبل استرا مستعملة ؟؟

انا من راى هاتى حاجة صغيرة فى رينج ال40 الف وتكون حالتها حلوة ووفرى فلوسك علشان لو جبتى عربية غالية زى الاوبل هتصرفى على قطع غيار نتيجة انك جديدة فى السواقة وكدة ووفرى الفلوس الباقية اما بقا حكايت الزيرو مش انصحك بيها

المشاركة الأصلية كتبت بواسطة carfar

انا من راى هاتى حاجة صغيرة فى رينج ال40 الف وتكون حالتها حلوة ووفرى فلوسك علشان لو جبتى عربية غالية زى الاوبل هتصرفى على قطع غيار نتيجة انك جديدة فى السواقة وكدة ووفرى الفلوس الباقية اما بقا حكايت الزيرو مش انصحك بيها

طيب يعنى حضرتك بتأيد انى اجيب حاجة مستعملة دلوقتى ؟
طيب خير
احنا مش لاقيين حاجة كويسة فى رنج 40 الف بالمواصفات اللى عيزينها لان العربية مش هاتكون ليا لوحدى هى هاتبقى بتاعت جوزى وبتاعتى بس اغلب الوقت معايا وكمان عندنا طفلين ف مش عايزة حاجة صغيرة اووى
اما لو بتاعتى لوحدى كنت هاجيب بيكانتوا او اى 10 وخلاص
جزاك الله خيرا

بصى لو هتبقى انت مسئوله عن الصيانه و كده يبقى تجيبى زيرو لكن لو جوزك هوه الى هيعملها الصيانات و كده يبقى الاوبل افضل بس قطع غيارها هاتبقى اغلى
لو لسه بتتعلمى فممكن تجيبى لانوس مستعمله او نوبيرا عربية كبيره و واسعه و قطع غيارها رخيصة و بتستحمل

المشاركة الأصلية كتبت بواسطة algazar2

بصى لو هتبقى انت مسئوله عن الصيانه و كده يبقى تجيبى زيرو لكن لو جوزك هوه الى هيعملها الصيانات و كده يبقى الاوبل افضل بس قطع غيارها هاتبقى اغلى
لو لسه بتتعلمى فممكن تجيبى لانوس مستعمله او نوبيرا عربية كبيره و واسعه و قطع غيارها رخيصة و بتستحمل

للاسف انا اللى هابقى مسئولة عن كل حاجة لان جوزى سفره كتير
وانا مبحبش العربيات السيدان بحس انها كبيرة علشان كده بفضل الحجم الوسط زى حجم الجين
طيب لو جبت الاوبل بس فحصناها كويس قبل الشرا هايبقى فى مشكلة بردو ؟ يعنى هناخدها مركز صيانة او توكيل ونفحصها من كله هل ده كافى ولا ممكن يكون فى حاجة مستخبية ومتبانش فى الفحص ؟

ربنا يكرمك على الافادة
ربنا ييسر لنا الخير

اوبل مستعمل ومفيش خبرة فالعربيات no
دي نصيحة اخوية
اي مستعمل تاني
راي شخصي فقط يا جماعة ..

يا اختى احب الفت نظك لكذا حاجة :
1- انتى لسة جديدة فى السواقة فبالتالة الاحسن ليكى اكيد المستعمل
2- حتى لو فرق 6 سنين فالاوبل عربية اعتمادية و سمعتها معروفة ( مع احترامى للجين برده )
3- لو عاوزة اتوماتيك يبقى المانى او يابانى مش خاجة تانى و طبعاً دا متوفر فى الاوبل
4- الاوبل صيانتها سهلة و كله شغال فيها و قطع غيارها متوفرة و بسعر كويس و كمان اعادة بيها اسهل من الجين
فانا ارشحلك الاسترا بس طبعاً بعد الكشف كويس و يسيتحسن انيك تجيبيها راشة برة ليه ؟؟؟
عشان هيبقة سعرها اقل و كمان عشان لو اتحبطت لا قدر الله ما تقللش من تمنها لامها كدة كدة راشة بس طبعاً لازم الدواخل فبريكة و لازم تكشفى كويس على الموتور و الفتيس بالكمبيوتر و كذلك العفشة
و ربنا يوفقك للى فيه الخير

المشاركة الأصلية كتبت بواسطة s o p h o s

اوبل مستعمل ومفيش خبرة فالعربيات no
دي نصيحة اخوية
اي مستعمل تاني
راي شخصي فقط يا جماعة ..

طيب حضرتك ممكن تفهمنى ليه يعنى اشمعنى اوبل مستعمل لأ واى عربية تانية مستعملة آه علشان قطع غيارها غالية ؟؟
ويعنى افهم من كده ان حضرتك مؤيد فكرة انى مدام فى الاول اجيب مستعمل وبلاش جديد صح ؟

المشاركة الأصلية كتبت بواسطة basoomvip

يا اختى احب الفت نظك لكذا حاجة :
1- انتى لسة جديدة فى السواقة فبالتالة الاحسن ليكى اكيد المستعمل
2- حتى لو فرق 6 سنين فالاوبل عربية اعتمادية و سمعتها معروفة ( مع احترامى للجين برده )
3- لو عاوزة اتوماتيك يبقى المانى او يابانى مش خاجة تانى و طبعاً دا متوفر فى الاوبل
4- الاوبل صيانتها سهلة و كله شغال فيها و قطع غيارها متوفرة و بسعر كويس و كمان اعادة بيها اسهل من الجين
فانا ارشحلك الاسترا بس طبعاً بعد الكشف كويس و يسيتحسن انيك تجيبيها راشة برة ليه ؟؟؟
عشان هيبقة سعرها اقل و كمان عشان لو اتحبطت لا قدر الله ما تقللش من تمنها لامها كدة كدة راشة بس طبعاً لازم الدواخل فبريكة و لازم تكشفى كويس على الموتور و الفتيس بالكمبيوتر و كذلك العفشة
و ربنا يوفقك للى فيه الخير

اللهم آمين بشكر حضرتك جدا على الافادة ربنا يكرمك بس الاغلبية بتقول ان قطع غيارها غاليه وده اللى بيخليهم يقولوا انها مش هاتنفعنى فى الاول
وان شاء الله احنا هانكشف عليها كمبيوتر عند واحد كويس فى الحرفيين
احنا كنا هانجيب جولف 5 مستعملة تقسيط من كونتكت بس ربنا مايسرش
بس كنا عملنا كشف عليها عند واحد كويس فصصها وفصص كل حتة فيها وادانا تقرير عنها ف لو هانستقر على الاوبل هانفحصها هناك ان شاء الله