الفيتيس الاتوماتيك بيسخن قوي

**Sharky** · 27-07-2008 02:58 PM

المشاركة الأصلية كتبت بواسطة مصراوي جدا

لسه حالا كنت باسأل المهندس مدير الصيانة في التوكيل على الموضوع ده وان دي شكوى متكررة من ناس كتير وقال لي (فعلا هي شكوى متكررة وانا شخصيا لاحظت الموضوع ده في عربيتي الكريستالة ثم البومة والموضوع ده لا علاقة له بالفتيس لأنه بعيد كذلك لا علاقه له بالشكمان لأن اللي تحت المنطقة دي ماسورة الشكمان ولا يمكن ان تنقل حرارة انما السبب هو اللمبات الصغيرة اللي بتنور الفتيس وحاراته لو كنت سايق فترة طويلة)

نفس ما قاله الاستاذ LIMO

يعني من الآخر اللي بيعاني من المشكلة دي يتطمن خالص ان مفيش اي حرارة عالية في الفتيس او الشكمان او المحرك او غيره دي مجرد اللمبات الصغيرة

شكرا يا باشا على ردك السريع إللى طمن ملاك اللانسر

**dodohany** · 27-07-2008 03:43 PM

شكراً للجميع على الردود لكن هل معقول ان اللمبات تعمل سخونة لدرجة أني اشعر بيها اعتقد ان الحرارة الناتجة من اللمبات دي بتكون أقل من كده

**atolba** · 28-07-2008 04:31 PM

ana mesh fahem ya gam3a lambaat eh ! u mean ya3ny light bulbs !?! where are these bulbs and what r they doing in this area whats there option ya3ny ! i have a M/T lancer 2007 and the area around the hand break some times becomes some how hot but not too hot ! what i mean is what is the bulbs u r talking about ?

**mo7a_mo7a** · 13-11-2009 06:21 PM

شكرا علي التنويه لان الحكاية دي كانت ملفتة للنظر

**eng.ghost** · 02-08-2012 02:46 PM

اعتقد من الكلام ده انها مش مشكلة
وعلشان نتأكد من صحة الكلام يبقى طوال فترة النهار المفروض ميكونش فى سخونة لان الانوار مطفأة

**szaalouk** · 02-08-2012 10:58 PM

متابع

**kareem mokhtar** · 03-08-2012 06:18 PM

لو السخونه دي بالليل بس وماشي مسافه طويله تبقى دي اللمبات اللي بتنور حروف الفتيس p و d و r والحاجات دي هي اللي بتسخن كده

**hesham22822** · 18-08-2012 01:19 PM

عادى انا عندى كدة برضة ما تخافش

**Dragon78** · 29-08-2012 12:44 PM

المشاركة الأصلية كتبت بواسطة kareem mokhtar

لو السخونه دي بالليل بس وماشي مسافه طويله تبقى دي اللمبات اللي بتنور حروف الفتيس p و d و r والحاجات دي هي اللي بتسخن كده

سلام عليكم

أنا متابع الموضوع من الأول باهتمام عشان أكتسب خبره

ياجماعه مع إحترامي للجميع .. اللي بيقول ان السخونيه دي من الليدات اللي بتنور حروف الفتيس الأوتوماتيك , ده مش كلام واقعي خالص , لأن الليد أو اللمض الصغيره دي مهما سخنت مش هاتوصل انها تخلي الواحد يحس بالسخونيه دي جنب رجله كده خصوصا ان مكانها يعتبر بعيد عن الرجل , وكمان لو هي بتسخن أوي لدرجه انها تسخن المكان كله كان بالأولى انها تتحرق من زمان .

وعايز أقولكم على حاجه , أنا عربيتي لانسر 2013 أوتوماتيك 1600 سي سي والفتيس ستيبترونيك
وأكبر دليل على كلامي ان العيب مش من الليدات دي أصلا , إن العربيه من أول 2012 او تقريبا من بداية نزول الفتيس الستيبترونيك , ملغي فيها موضوع الحروف اللي بتنور دي.
دلوقتي الفتيس الحروف مكتوبه جنبه كده كتابه بدون أي اضائه فيها , ومع ذلك انا كمان عندي نفس المشكله دي وباحس بحراره كده جنب ركبتي اليمين .

وكمان الناس اللي بتقول ان لو الحراره دي بالليل بس يبقى دي من الليدات أو من الكشافات أو اي حاجه بتنور , الكلام ده برضه مش مظبوط .

أنا من يومين كنت ماشي بالعربيه مشوار طويل شويه من مساكن شيراتون لحد المعادي , ولقيت الفتيس سخن شويه زي ما الكل بيحصل عنده والكلام ده كان الظهر .

بمعنى ان الحراره دي مالهاش علاقه من بعيد ولا من قريب بأي كشافات أو لمض أو ليدات بتنور .

يبقى كده تنحصر المشكله في حاجه من ثلاثه :
- يااما السخونه دي مصدرها الفتيس
- يااما زي ماناس قالت السخونه دي من الشكمان بتاع العربيه
- يااما برضه زي ماناس تانيه قالت .. السخونه دي من الموتور
وفي كل الحالات دي .. أكيد المكان اللي بيسخن ده مش معموله عزل كافي يمنع دخول الحراره دي.

ياريت ياجماعه اللي يقدر يوصل لحل في الموضوع ده يفيدنا .
وأنا عربيتي لسه في الضمان وان شاء الله لما أروح صيانة الـ 10,000 هابقى اكلمهم في الموضوع ده واشوف الرد هايكون ايه .

آسف على الإطاله