الموضوع: تقرير مفصل عن كيــــا سيـــراتو الجديدة - بالصــور

المشاركة الأصلية كتبت بواسطة almed

مساء الخير على كل الموجودين
انا مقيم فى جدة و اشتريت السيراتو الشكل الجديد و ان شاء الله هستلم الاسبوع القادم
ان شاء الله افيدكم بتجربتى معها
بالنسبة للمواصفات اللى فالسعودية
مقاعد جلد يدوي - فتحة سقف - زينون - led امامي و خلفي - حساسات امامية و خلفية - كاميرا خلفية - جنط 17 - استبن جنط نفس المقاس 17 - جناح خلفى - ابواب باللمس - تشغيل باللمس - شاشة 4" لمس - اضاءة اسفل المرايات و مقابض الابواب الخارجية - اختيار اسلوب القيادة (رياضي - عادي - مريح )
عموما انا عملت تجربة الاول و لقنها مشاء الله انعم من سابقتها و المطبات احسن شوية يعني عموما العربية حلوة و شكلها رشيق و اوبشن حلو مش عارف ليه الناس معترضه عليها كتير اذا عشان السعر ما كل حاجة سعرها مولع مجتش عليها يعني.

1000 مبروك مقدما و ان شاءالله ربنا يباركلك فيها و يكفيك شرها :)
لو سمحت توضيح الاسعار لانى بقارنها بالموجوده فى الامارت ...
تحياتى ...

الساده ملاك كيا الكرام

انا تقريبا بقالي سنتين مدخلتش علي المنتدي لكن حبيت ادخل اشارك الناس بتجربه شخصيه وانطباع اولي عن السيراتو الجديده

قريب ليا اشتراها من مده قصيره وده لاني طول عمري من المدافعين عن السيراتو باستماته بمبدا انها عربيه تطورت قوي ومناسبه لمصر جداااااا

انا معايا السيراتو ٍ sx ال 2010 وطبعا بعد شكر فيها الراجل جاب الجديده وخدني اتفرج عليها

ودي انطباعاتي الشخصيه وليس تقييم للسياره لاني اكيد لا امتلكها ولن استطيع تقيمها بحقها

اولا : الشكل الخارجي - انا شايف انها ابدعت في خلفيه السياره فقط رغم اقتباس الشكل من الفورد والالنترا الجديده في الخطوط العامه لكن شكلها الامامي والجانبي مش عاجبني خالص وده لاني حاسس ان كيا حبت تضيف رقي علي الشكل الرياضي فتاهت بين الاتنين

ثانيا : الشكل الداخلي

رغم انها اختلفت تماما عن الشكل السابق وانا شايف انه اختلاف واضح الا اني كنت منتظر من كيا تفوق في التصميم اكثر من كده بكتير قوي - التصميم بلا روح - دونت ميكس يعني - غريب جدا - اوقات احس اني راكب عربيه فخمه التصميم لكن مش قادر اتقبل الفخامه بالشكل ده - ومش قادر اقول عليها رياضيه زي اللي قبلها - التابلوه غريب - حاسس انه جميل لكن مشوه - مش فاهمه يعني

الاداء :

الاداء في لفه صغيره جميل جدا مقارنه باللي معايا - انا شايف ان فيه تحسن واضح جدا - ويمكن ده تكون الحاجه اللي صبرتني عليها


اتمني من حد امتلكها يقيمها لينا


السياره مش مفهومه - رياضيه ولا كلاسيكيه ولا ايه بالظبط يعني انا اعلن تفوق الالنترا من الخارج طبعا وتساويها مع السيراتو من الداخل - انما الاداء انا مجربتش الالنترا



محدش يزعل - ده تقيم للذوق مش للسياره