هل يمكن تغيير اسكترا للفليشيا بدون فك المقصات ؟

**Maged_Samy** · 24-01-2013 01:54 PM

كل عام واعضاء المنتدى الموقر بخير

انا عايز اغير الاسكترا لانها مبوشة من الناحية اليمنى..... الاسكترا مربوطة ب 4 مسامير مقاس 14 منهم 2 صعب الوصول اليهم جداً ومتهيألى علشان اغيرها لازم افك القاعدة بتاعتها بالكامل ودى علشان تتفك لازم المقصات كمان تتفك وقاعدة الموتور السفلى علشان كل ده ماسك في بعضه وطبعاً دى شغلانة كبيرة وكل ده علشان المسمارين اللى في حته غريبة جداً
ياريت لو حد غير اسكترا في الفيليشيا قبل كده يقولى عمل ايه ..... والف شكر
[sor2]http://store2.up-00.com/Nov12/TtL28291.jpg[/sor2]

**Maged_Samy** · 24-01-2013 02:03 PM

**EngAhmedSayed** · 24-01-2013 02:55 PM

السلام عليكم
الاول انا زعلان منك يا استاذ ماجد علشان بقالك كتير مش معانا عاوزينك تيبقى معانا على طول
مع العلم انا زعلان منك بس مش مشكله انا هرد عليك
اولا انتا هتفك الفردتين قلى قدام و ترفع العربيه لفوق تمام
ثانثا هتلاقى الاسكترا مسكه فى المقص من فوق ببنز هتفك الصموله و على ما اعتقد صموله 17 بعدين هدق بشكوش و تسقط البنز ده لفوق يمين و شمال العجله تمام
ثالثا هتدخل تفك الكفر قلى تحت طارة الدركسيون قلى مغطى على العمود الدركسيون بمسمار صليبه
علشان تفك القطمه و تحراره بعدين اضرب غطس فى الكبوت و فك الاربع مسماير بتوع قعدة الدركسيون و اسحب العلبه فى اتجاه الرداتير و بعدين دقه بسيطه كده فكه من العمود و اسحب العلبه من جنب طنبورة الكوتش هتطلع معاك زى الحلوه بس كده
ربك المستعان
الموضوع كله بتاع الفك مش هياخد فى ايدك اكتر من نص ساعه

**EngAhmedSayed** · 24-01-2013 09:34 PM

المشاركة الأصلية كتبت بواسطة maged_samy

الف شكر يا باشمهندس احمد واوعى تزعل منى ده انت من الناس الغاليين عليا جداً ولا يمكن افوت ليهم موضوع او رد بس اللى بعدنى عنكم ان وقتى ضيق شويه ومبفتحش المنتدى كتير ولو فتحت بيبقى بأستعجال ...

بص يا سيدى كل اللى انت قولتهولى كنت ناوى اعمله بس كانت مشكلتى فى الاربع مسامير ال 14 وبعد ما قريت ردك على الموبايل مستنش لما ارد عليك ونزلت اجرى على العربية وقلت يا انا يا المسامير دول ... وبعد 100 غطس فى الموتور وتشريح واصابات فى ايديا الاتنين تمكنت من فكهم واستخراج الاسكترا وتركيب الجديدة و فاضل بس حاجات بسيطة و ضبط زوايا مؤقت كده بس الكلام ده بكره ان شاء الله لانى خلاص جبت اخرى .....
واكرر شكرررررررى لسيادتك على الرد الرائع وربنا ميحرمناش ابداً من ردودك يا بشمهندس .

الحمد لله
يا استاذ ماجد ده انتا من الناس القدامى هنا فى المنتدى و انتا صاحب مكان
كل قلى انا بلومك فى متقطعش بينا كده مره واحده
و قلى انا عاوز اعرفه كان فى حاجه مختلفه بخصوص الشرح بتاعى و له كله كده تمام ياريت كنت صورة قلى انتا عاملته و عاملت بيه هنا موضوع
الحمد لله
و سلمى ليك
ربك المستعان

اه نسيت اقولك و انتا رايح تظبط زاويا خليه يظبط طارة الدركسيون بالمرة و لما تمشى امشى بطىء علشان الزاويا عندك مش مظبوطه يعنى على مهلك متجريش

**EngAhmedSayed** · 28-01-2013 01:11 AM

تمام انا نسيت اقولك على حاجه
ايه هى المسامير بتاعة تثبيت الاسكترا دى بتتفك بمفتاح لقمة و ماسورة تطويل
معليش دى واقعة منى و نسيت اقولك شحمة وركبت الكوتشات المزيكة و شحمة العلبة
و انتا نسيت تقولنا الاسكترا نوعها ايه و بكام و اخبارها ايه

**Maged_Samy** · 28-01-2013 07:35 PM

**aw2100** · 28-01-2013 08:03 PM

المشاركة الأصلية كتبت بواسطة maged_samy

1- بالنسبة لمسامير الاسكترا دى مزنوقه جداً ومنفعش معاها غير لقمه بمفتاح من غير تطويل لان مفيش مساحة للتطويل .
2- بالنسبة لكاوتشات المزيكا ركبه و مربوطة بكوليهات بلاستيك من المصنع انا اعتبرت ان فيها الشحم بتاعها ، تفتكر افتحها واحط شحم ولا ايه ؟ وايه هى العلبه اللى تقصدها انها تتشحم ؟
3- الاسكترا نوعها صينى وسعرها 230 جنيه من عند المستورد عصام فلفل و جارى تجربتها .
4- صورة علبه الاسكترا الجديدة فى الرد بالاسفل

على فكرة لازم تشحم الأسكترا الجديدة انا عندى لما غيرتها فكيت الكاوتشات وملقيتش فيها شحم وشحمناها كويس واللى باعها لى قالى حط فيها شحم قبل متركبها والله اعلم !!!!

-

-

-

الموضوع: هل يمكن تغيير اسكترا للفليشيا بدون فك المقصات ؟

LinkBack

أدوات الموضوع

عرض

هل يمكن تغيير اسكترا للفليشيا بدون فك المقصات ؟ - انشر الموضوع فى :

-

-

-

-

-

المواضيع المتشابهه

تغيير بيض المقصات مع الشرح والصور

تقرير : تغيير جلب المقصات للتيدا خارج التوكيل (مصور)

طريقه تغيير لمبات الفوانيس الخلفيه للفليشيا

بعد تغيير المقصات والطنابير وووزن الكوتش ظبط الزوايه لسا في حدف

تغيير طقم الكهرباء للفليشيا؟

الكلمات الدلالية لهذا الموضوع

المفضلات

المفضلات

ضوابط المشاركة