السلام عليكم ورحمة الله وبركاته
طبعا بطلب الأول ندعى لمصر ربنا يحفظها ويحميها من كل البهدلة اللى بتحصلها
بصو بقى علشان انا مشوش قوى ومحتار ومش عارف الدنيا هتمشى ازاى وهشرح بالتفصيل علشان يمكن يكون فى حد مقراش مواضيعى السابقة
اولا وطبعا الملك لله عربيتى بومة 2009
انا شيلت السماعات اللى كانت راكبة فى البابين اللى قدام وكانو 15 وات
وركبت مكمانهم سماعتين سونى اكسبلود 190 وات 40 rms
وركبت ورا سماعتين بيضاوى 550 وات 85 rms
وركبت على السماعتين اللى ورا دول جى ام سونى اكسبلود 350 وات 60 rms
واشتريت كاسيت سونى اكسبلود 4050
وانا معجب من زمان بماركة سونى اكسبلود برغم انى فى ناس كتير مش بتحبها خالص
دلوقتى بى ايه رائيكم اغير سماعات الابواب الامامية بسماعات تكون عالية شوية فى الوات يعنى مثلا سونى اكسبلود بس تكون 300 وات مثلا
وهل ينفع اشغل الاربع سماعات على الجى ام ولا الجى ام دا مش هيستحمل
والاصح انى اركب سماعتين سونى 440 على رف واحطهم جوة الشنطة راسى فى ضهر الكنبة
دلونى
وانا مش عاوز صب لان الصب هياكل الشنطة وانا بحتاج الشنطة كتير