الموضوع: إحتمال أغير أوكتافيا للستروين أرجو الإفادة

إنت ابن حلال والله :)
لسة شرح اللي إنت طلبه ده بظبط

أولا ده اللي إنت محتاج تعرفه عن ال c-elysee

1.الموتور فرنساوي 100 % ودة تطوير لموتور ال 307 وال c4
2. العربية فرنساوي تجميع أسباني
3.العربية نازلة بـ ABS و EBD و EBA و ASR
و 2 aibag ,مفيش ESP

4.الفتيس 4 سرعات ستبترونيك أو 5 مانيوال
5.العربية تعمل ببنزين 92
6. التسليم في شهر ابريل

7.العربية هي أكبر عربية في فئتها بقاعدة عجلات 2650 مم
و كمان أكبر شنطة في فئتها 506 لتر
وفيها option كويس بنسبة لفئتها

bluetooth
تكييف digital
multifunction
مسند يد
حليات كروم داخلية و خارجية
طارة جلد
فوجات
جنط 15
مريت كهربة
parking sensors

8.العربية من أقوى العربيات كأداء في فئتها
هتزعل عربيات كتير تربو و عادي
بتسارع 9.4 للمانيوال و 10.8 للأوتو

9.العربية خاماتها ممتازة
الاحسن في فئتها وأحسن من حاجات كتير أغلى منها

المشكلة إن الناس بتقارن بينها و بين موديلات citroen التانية
و أكيد مش هتبقى زيهم

حقيقي ما أعرفش إيه اللي ممكن يكون في نفس المستوى يا ريت حضرتك تفيدني مع العلم إني محتاجها تكون عائلية وبشنطة كبيرة

بالنسبة لل C4

دي الحاجات اللي مشهور إنها بتحصل
الحاجات دي ممكن تحصل و ممكن لأ

1. electrovalve الفتيس

دي كانت مشهورة في الفتايس الأوتو بتاعت 2005-2007

2.كتاوت الدينامو ودي بحوالي 300-400 جنيه

لما الفولت بيعلى بيطلع errors كتير في العربية
ودة ساعات بيكون السبب إن الطلمبة تتحرق
الكلام ده فوق ال 80 ألف (على كم عالي يعني )

3.طلمبة بنزين

ساعات بتحتاج يتغير الموتور بتاعها أو تشتري واحدة جديدة
الكلام ده فوق ال 80 ألف برده
والموتور ده bosch بـ 200 جنيه

4.تيوش ميزان

بـ 250-300 جنيه
حسب الإستخدام ,ملهاش وقت معيَّن
بس مش بتحصل بدري برضه

فيه عضو معانا في المنتدى هنا معدي ال 230 ألف بـ C4
ده غير إن معظم ملاك ال c4 معانا هنا معاديين ال 100 وال 150 ألف
معظم ال c4 في مصر أصلا معدي ال 100 ألف

العربية عادية جدا مش زي ما الناس فاهمة يعني
لا هي معقدة ولا حاجة و مشاكلها معروفة
بس ليها ناسها اللي بيشتغلوا فيها
بدام مابتخليش حد يفتي فيها , عمرها ما هتقل معاك

أما المميزات بقى :

1.ثبات ممتاز
2.سحب ممتاز للمانيوال و جيد للأوتو
3.خامات ممتازة
4.شكل جذاب مع إن عدى عليه سنين

5.قطع غيارها موجودة في دمشق و الحرفيين و صقر قريش و جسر السويس
و موجود منها الصيني و التايواني والاسباني و الالماني والفرنساوي
على حسب الحاجة اللي بتجيبها
واختار بقى اللي مناسبك

6.عزل ممتاز للصوت
7.من اوسع العربيات ال hb في مصر و لما تركبها هتحكم بنفسك
8.حجم الشنطة مناسب جدا 320 لتر
9.عربية تساوي أكتر بكتير من تمنها مستعملة

يا ريت أكون قدرت افيدك :)

المشاركة الأصلية كتبت بواسطة ahmed-adel

أما المميزات بقى :

1.ثبات ممتاز
2.سحب ممتاز للمانيوال و جيد للأوتو
3.خامات ممتازة
4.شكل جذاب مع إن عدى عليه سنين

5.قطع غيارها موجودة في دمشق و الحرفيين و صقر قريش و جسر السويس
و موجود منها الصيني و التايواني والاسباني و الالماني والفرنساوي
على حسب الحاجة اللي بتجيبها
واختار بقى اللي مناسبك

6.عزل ممتاز للصوت
7.من اوسع العربيات ال hb في مصر و لما تركبها هتحكم بنفسك
8.حجم الشنطة مناسب جدا 320 لتر
9.عربية تساوي أكتر بكتير من تمنها مستعملة

يا ريت أكون قدرت افيدك :)

الف شكر يا أستاذ أحمد على سرعة الرد

الفكرة إني ناوي أغير بحاجة زيرو بس الأوكتافيا زيرو هتكون بعيدة قوي للأسف

بس سعة الشنطة والمواصفات دي لأي فئة في 2013؟ وهل تنصحوني بموديل تاني في الستروين؟ وهل هي عالية عن الأرض والا لا؟

المشاركة الأصلية كتبت بواسطة honda_lover

ممكن تقارن الستروين مع اوكتافيا a5 بتهيالي هتكون المقارنة لصالح الستروين وبجدارة في حالة مقارنتها با a4

ألف شكر على الرد

ما أنكرش إن العربية شدتني بس بأحاول آخذ قرار صح