الموضوع: موضوع متجدد لاستفساراتى

المشاركة الأصلية كتبت بواسطة abo.omar

السلام عليكم
انا عملت الموضوع دا عشان كل شويه احب اسئل عن حاجه فمش حابب اعمل كل شويه موضوع

الخلاصه انا عايز اسئل المره دى على كام حاجه كده وبرجاء الاهتمام ومساعده جهابذ اللانسر

العربيه مو 2007 1300 مانيوال رش بره فقط 144000 كم . ولسه عامله صيانتها كامله والزيت موبيل 3000

1- من كام يوم لاحظت دخان ابيض خفيف من الشكمان بيزيد مع البنزين وريحه العادم مش مظبوطه .. روحت للميكانيكى قالى دى جلد الصبابات ناشفه شويه وبتسرب زيت ع البساتم خفيف اوى .. مع اضافه ان المكنه 80% مش 100% .. فيستحسن لو عملت الجلد دا اعمل معاه طقم شنبر .. فمش عارف هى فعلا دى نص عمره وبيحور عشان ميخضنيش ولا هى جلد الصبابات بس ؟؟

اكشف عند واحد تانى انا ملاحظ اصلآ ان عربيات كتير بتعمل كده اليومين دول فقولت يمكن من الجو لانى لاحظتها عندى ولاحظتها فى عربيات كتير وانا على الطريق

2- مع تشغيل التكيف وانا واقف العربيه بترج رجه خفيفه وال ار بى ام بينزل شرطه كده .. وكمان لما بكون واقف ومن غير تكيف واجى الف الدركسيون بلاقى العربيه رعشت رعشه بسيطه جداااااااااااا والار بى ام بينزل حاجه بسيطه جدا برضه .. كان رد الميكانيكى على موضوع التكيف انه قالى روح لكهربائى يظبط الكهربه او لبتاع تكييف .. ومره تانيه قالى ان الحساس عايز يتنضف

عندى نفس المشكلة بس الافضل تكشف عن بتاع تكيف

3- وجود صوت اثناء الفرامل تكتكه كده او تزييق بس مع التهدئه فقط لكن لو كابس فرامل جامد مش بيظهر .. قالى دى بنزات الخزن متاكله ومش موجوده .. وورهالى لاقيتها جلده عاديه .. وعالجها بوضع شحم والصوت اختفى يوم ورجع تانى.. حد يقولى اجيبهم منين
مش عارف :d
4- وجود صوت بعد ال75 يكون متقطع وبعد ال 90 يكون مستمرررررر.. الصوت عامل زى دخول الهوا من حاجه رفيعه اوى او رعشه لوح ازاز او حاجه مش ممسوكه كويس .. العفشجى قال العفشه تمام وكذلك قال الميكانيكى .. انا بخمن انها تكون حاجه فى مكن الازاز من جوا بس الصوت بيكون ظاهر اوى زى ميكون حاجه ظاهره مش مستخبيه كده .. والصوت فعلا مزعج لدرجه انى مبقيتش ازود عن ال80 عشان اريح دماغى

امبارح كنت ماشى 90 ولقيت صوت زى اللى بتقول عليه
بس انا علشان لسه مركب مرايات مش بتاعت العربيه مرايات نوع تانى كان فى فتحه صغيره كده عامله صوت الصفاره او صوت دخول هواء من حاجه صغيره سديتها بصباعى وانا ماشى لقيته اختفى فقولت هبقى اعملها اى حوار كده علشان الصوت يروح فا انتا برضه حاول تشيك على اى حاجه من جلد الازاز وخلى حد جنبك ووراك يشيك على ايه اللى ممكن يدخل هواء وجرب

5- صوت تزييق من الجمب الشمال ورا اثناء المطبات ونزول العجله من عليه .. فهل دا كده عايز تربيط ولا تزييت وتشحيم .. وايه بالظبط الجزء اللى بيطلع التزييقه دى

العفشه عايزه تتشحم وتتربط الجزء ده هتلاقيه سوسته او المساعد وانتا واقف كده بأيدك الاتنين واضغط على الجنب اليمين والشمال وشوف التزيق جاى منين بالظبط انا عملت كده برضه امبارح وهبقى اروح اربط واشحم علشان عندى نفس المشكلة

6- الابواب ناعمه جدااااا .. يعنى بتفتح للاخر زى باب الشقه كده مش بتمسك على مرتين .. المفصله السودا اللى بتمسكهم دى بتتجاب منين وبكام؟

مش عارف بصراحه

7- فرش الشنطه متبهدل جدا وهو اللوح الابلكاش الكبير دا مقسوم وكمان مكسى جلد ومتقطع .. فهل هو فعلا بيكون ابلاكاش ولا لا لانه لو ابلاكاش هجيب انا اللوح دا واكسيه موكت زى الاصلى وافصله عليه

المفروض سروجى يفصلك موكيت افضل

8- لوح الازاز الامامى مشروخ وعايز اغيره .. يعمل كام؟؟

التوكيل بصراحه احسن او شوف حد يدلك على نوع ازاز محترم تجيب زيه

9- لما اكون ماشى بسرعه واضرب فرامل الاقى الطاره ساعات تحدف يمين او شمال وساعات تكون ثابته تماما .. مع العلم ان الترصيص تمام والزوايا تمام وزيت الفرامل مليان

يا اما زوايا يا ضغط العجل يا فى هواء فى دورة الفرامل الترصيص مش بيعمل كده لانى المفروض ارصص بس مش بتعمل كده معايا اخر حاجه الدركسيون يغربل فى ايدى

الحاجات يا جماعه بسيطه بس للاسف موتت فرحتى بالعربيه فقولت اتوكل على الله واصلحه واحده واحده بس دا حسسنى انى لبست فحيطه بجد

ملحوظه ... برجاء كتابه رقم السؤال قبل الاجابه على المشكله

شكرااااااااا واسف للاطاله

ربنا يديلك خيرها ويكفيك شرها ويقدرك عليها :)

المشاركة الأصلية كتبت بواسطة gelgel2004

جيينز كار لفرش السيارات

تقريبا يكون بكام؟

المشاركة الأصلية كتبت بواسطة gelgel2004

جريش

مين دا؟

المشاركة الأصلية كتبت بواسطة aldesha989

عندى نفس المشكلة بس الافضل تكشف عن بتاع تكيف

طب وحضرتك لما كشفت طلع المشكله من ايه؟

المشاركة الأصلية كتبت بواسطة aldesha989

يا اما زوايا يا ضغط العجل يا فى هواء فى دورة الفرامل الترصيص مش بيعمل كده لانى المفروض ارصص بس مش بتعمل كده معايا اخر حاجه الدركسيون يغربل فى ايدى

وازاى اخرج الهوا دا؟

المشاركة الأصلية كتبت بواسطة aldesha989

التوكيل بصراحه احسن او شوف حد يدلك على نوع ازاز محترم تجيب زيه

التوكيل يكون بكام وبرا التوكيل بكام

upppppp

السلام عليكم

استكمالا لاسئلتى

1- روحت للميكانيكى يخصوص مشكله الدخان الابيض واللى قال انه جلد صباب ووش سلندر واتفقنا على التغيير ليهم .. دلوقتى عايز اعرف تكلفتهم .. وياريت حد يأكدلى التشخيص دا ..الاعراض انها بتطلع دخان ابيض بس مش كثيف وكمان لما بزعق اوي بيها وهى واقفه بتطلع ميه لونها اسود شويه

2- فتحات ميه المساحات مش بتطلع ميه مع العلم ان الخراطيم سالكه والفتحات متسلكه كويس وتمام والقربه فيها ميه

3 - العربيه بيخشها تراب معرفش منين

4- الابواب سايبه جدا ومش بتمسك على مرتين

5 - الفوانيس الاماميه مصفره جدا ..سئلت لو كان ينفع اغيرلهم الوش قالولى ان الفانوس بيكون كامل .. فبيكون بكلم بقى؟

شكرااا

السلام عليكم

استكمالا لاسئلتى

1- روحت للميكانيكى يخصوص مشكله الدخان الابيض واللى قال انه جلد صباب ووش سلندر واتفقنا على التغيير ليهم .. دلوقتى عايز اعرف تكلفتهم .. وياريت حد يأكدلى التشخيص دا ..الاعراض انها بتطلع دخان ابيض بس مش كثيف وكمان لما بزعق اوي بيها وهى واقفه بتطلع ميه لونها اسود شويه

2- فتحات ميه المساحات مش بتطلع ميه مع العلم ان الخراطيم سالكه والفتحات متسلكه كويس وتمام والقربه فيها ميه

3 - العربيه بيخشها تراب معرفش منين

4- الابواب سايبه جدا ومش بتمسك على مرتين

5 - الفوانيس الاماميه مصفره جدا ..سئلت لو كان ينفع اغيرلهم الوش قالولى ان الفانوس بيكون كامل .. فبيكون بكلم بقى؟

شكرااا

اسف يا جماعه على التكرار دا بس دورت على حذف مشاركه ملقتش