اعراض تلف اتياش البارات وجلب المقصات

**limo** · 10-02-2013 12:48 PM

السلام عليكم ورحمه الله
عندى مشكله بايخه شويه وهيه لما بعدى سرعه 135 فيما فوق بحس بهزه فى الطاره ثابته مش بتزيد ولا حاجه ومصاحبه بعدم اتزان
روحت عن واحد بتاع عفشه الاسبوع الى فات كشف وقالى ان اتياش البارات وجلب المقصات فى طريقهم للتلف بس لسه ادامهم شويه
سألته ايه اعراض تلفهم قالى هتحس بحبط فى الطاره مع الشوارع المكسره وتحب رجلك وانا ملعنديش الاعراض ده
قالى خلاص لما يجبوا اخرهم نبقى نغيرهم وربط عفشه وزبط زوايا ورصصت وخلاص
طلعت جربت نفس الرعشه مفيش جديد
السؤال بقى هل اتياش البارات وجلب المقصات ممكن تعمل رعشه فى العربيه مع السرعه العاليه

**wardet** · 10-02-2013 01:12 PM

ممكن تبدأ بالترصيص وتشوف حالة الطنابير اللى قدام

**temo85** · 10-02-2013 01:24 PM

روح لحد بيفهم خليه يبصلك على جلب قطمه الدركسيون الموجوده ورا العجل

**m_medo** · 10-02-2013 01:30 PM

اكشف على العجل كمان... كان عندى مشكلة شبيهة و كشفت على العجل وغيرت الاتنين اللى ورا والمشكلة اتحلت

**limo** · 10-02-2013 07:24 PM

المشاركة الأصلية كتبت بواسطة wardet

ممكن تبدأ بالترصيص وتشوف حالة الطنابير اللى قدام

هيه مش مشكله طنابير لان الرعشه مش مع الفرمله وكمان انا رصصت كبير اوى الفتيره الى فاتت بلا جوى وانا حاسس ان الرعشه ده مش رعشه طنابير

**limo** · 10-02-2013 07:26 PM

المشاركة الأصلية كتبت بواسطة temo85

روح لحد بيفهم خليه يبصلك على جلب قطمه الدركسيون الموجوده ورا العجل

ان شاء الله هروح لحد تانى يبص على العفشه ويشيك عليه قطمه الدركسيون بس انا حابب اعرف مكانها بالضبط علشان اقوله عليها

**limo** · 10-02-2013 07:27 PM

المشاركة الأصلية كتبت بواسطة m_medo

اكشف على العجل كمان... كان عندى مشكلة شبيهة و كشفت على العجل وغيرت الاتنين اللى ورا والمشكلة اتحلت

والله يا باشا انا مغير الكاوتش من سنه تقريبا وماشى عليه حوالى 15 الف كم ومغير لكاوتش بريدجستون تورانزا يابانى

**i1egypt** · 12-03-2013 02:56 AM

ترصيييييييييييييص بس نصيحة رصص في اي توكيل بريدجستون

**salah_86** · 12-03-2013 05:01 AM

بص ياباشا انت كانك بتتكلم عنى بالضبط
انا عملت كل حاجة ترصيص وظبط زوايا واخر مازهقت رحت امبارح التوكيل بس كشفولى على العفشة سليمة وقالولى ان عندى جنطين تعبانين محتاجين يتغيرو فانا المفروض انى بامر الله حجزت جنط اسبور وهركبة ان شاء الله انهاردة وهجرب واقولك لو كدا تبقى جنوط فعلا
مع العلم انى كل مرة برصص بسئل بتاع الترصيص اخبار الجنوط ايه يقولى تمام

**limo** · 12-03-2013 09:28 AM

المشاركة الأصلية كتبت بواسطة salah_86

بص ياباشا انت كانك بتتكلم عنى بالضبط
انا عملت كل حاجة ترصيص وظبط زوايا واخر مازهقت رحت امبارح التوكيل بس كشفولى على العفشة سليمة وقالولى ان عندى جنطين تعبانين محتاجين يتغيرو فانا المفروض انى بامر الله حجزت جنط اسبور وهركبة ان شاء الله انهاردة وهجرب واقولك لو كدا تبقى جنوط فعلا
مع العلم انى كل مرة برصص بسئل بتاع الترصيص اخبار الجنوط ايه يقولى تمام

تمام ياباشا بس نصيحه لو هتغير الجنوط علشان الرعشه روح لمركز بردجستون واعمل ترصيص لانى برضو كنت دايخ على حوار الرعشه ده ورصصت فى كذا مكان وفى الاخر الى ضبط الدنيا مركز بردجستون
وبعدين انا الى اعرفه ان الجنط بيكون بايظ لو فيه رفه وبيستعدل ويرجع زى الاول كمان فانت اهم حاجه اعرف المشكله منين بالضبط وتحلها لانى شاكك فى موضوع الجنوط ده