ما هى اعراض تلف المقصات ؟

**Lion_Heart** · 01-03-2009 06:17 PM

هل بتعمل صوت و لا التوجيه و الثبات ولا ايه .....

**aYaBooY** · 01-03-2009 06:54 PM

انت ايه المشكلة عندك مرة الكبالن و مرة المقصات ممكن تقول الصوت الي بتسمعه احسن
عموما المقصات لما تتلف بتعمل صوت خبطة جامدة في اي مطبات و ديه علاجها بيكون تغير جلب مقصات و لما بتكون مخبوطة شكلها بيبان للعفشجي و بتكون محتاج تغيرها

**tmedhat** · 01-03-2009 06:58 PM

بتعمل صوت

و كمان بتعوم العربية لو بوش الجلب زااد

**Lion_Heart** · 01-03-2009 07:19 PM

المشاركة الأصلية كتبت بواسطة aYaBooY

انت ايه المشكلة عندك مرة الكبالن و مرة المقصات ممكن تقول الصوت الي بتسمعه احسن
عموما المقصات لما تتلف بتعمل صوت خبطة جامدة في اي مطبات و ديه علاجها بيكون تغير جلب مقصات و لما بتكون مخبوطة شكلها بيبان للعفشجي و بتكون محتاج تغيرها

شكرا على متابعتك و ذاكرتك
المشكلة فى صوت طقطقة فى الدورانات , فالميكانيكى قالى كبالن (انا مش عارف داخلى ولا خارجى لأنى ما سألتوش )
وقالى كمان انه شاكك فى المقصات و قالى اكشف زوايا الاول و هوه بتاع الزوايا ممكن يقولك لو فيها حاجة
هوه بس كان مجرد كشف عند الميكانيكى و لسه ما جبتش حاجة فمستنى لما جيبى يتقل شوية و اجيب الحاجات دى واخلص .

**aYaBooY** · 02-03-2009 06:33 PM

بص الكبالن لما تديك صوت طقطقة متصلة في الملف الجامد يعني لافف الدركسيون على اخرة تبقي بدات تنتهي و المفروض تسيبها شوية لما تبداء تديلك صوت طقطة مع لفة دركسيون اقل
و عموما انت ممكن تبص على كاوتشات الكبالن لو مقطوعة ممكن تغيرهم و تغير الشحم الداخلي و ده ممكن يطول في عمر الكوبلن شوية
اما المقصات ديه بتكون عبارة عن كتله من المعدن و فيها جلب او قطاعات كاوتش بالبلدي و لما بتكون حتت الكاوتش ديه مقطعة و منتهية تحس ان العربية بتهبد و بتتكسر مع اقل مطب
و في الحالة ديه بتجيب طقم جلب ميزان و طقم جلب مقصات و بتغيرهم
اما لو العربية بتعوم معاك و اي مطب صغير او حتة مدغدغة في الاسفلت بتسمع في ايدك يبقى انت كدة بتتكلم على بيض الدركسيون و ده عبارة عن قطعتين لكل جنب في العربية داخلي و خارجي
و دول المفروض انك تكشف الاول عند حد بتاع زوايا و هوا يقولك على حالة كل حته ايه و لما تيجي تغير يفضل العفشجي اكتر من الميكانيكي بس
وربنا يكفيك شر الطريق و شر كل صنيعي معندهوش زمة و عاوز يشتغل الخلق

**Lion_Heart** · 02-03-2009 07:48 PM

شكرا لك يا ayabooy
الكبالن العفشجى و لا الميكانيكى هوه اللى بيركبهم ؟

الاسوأ من انعدام الذمة هوه الجهل المطلق و الافتاءات اللى تودى فى داهيه .
شكرا لك مرة اخرى .

**aYaBooY** · 02-03-2009 09:55 PM

العفشجي يعمل الكبالن من ضمن العفشة
و الميكانيكي بيعمل كل شغل العفشجي بس العكس لا
و هنا اقدر اقولك يا اما ميكانيكي شاطر و بيشتغل بايدة مش بيتمريس على الصبيان و ميمدش ايده يا اما امة عفشجي
و ادي العيش لخبازه و على فكرة انا بروح لميكانيكي و بدفع عنده اكتر من غيرة علشان موضوع انه بيشتغل بايدة

**dr_timo** · 03-03-2009 12:55 AM

طيب انا عندي بتعمل صوت طقطقة في الملف وانا واقف مش وانا ماشي يعني لما اكسر الدريكسيون وانا واقف بيعمل الصوت دة طقطقة لكن وانا ماشي مفيش اي مشكلة مع العلم اني كرونة مش كبالن فدة يبقي اية؟

**aYaBooY** · 03-03-2009 11:07 AM

اكشف علي علبة الدركسيون بدام بيظهر معاك صوت الطقة و انت بتلف الدركسيون على الواقف
ممكن تكون العلبة فيها بوش او محتاجة حشو و ممكن تكون البطاحات بتاعت المساعدين عاوزة بلي او تغير و لو العربية بتعوم
ممكن تشيك على البيض بالمرة بس ده ملهوش دعوة بصت الطقة
و ممكن يكون فيه عندك شرخ في الشاسيه بس ده احتمال بعيد على البلونيز

**samirayad** · 03-03-2009 11:37 AM

--------------------------------------------------------------------------------

طيب انا عندي بتعمل صوت طقطقة في الملف وانا واقف

دى أعراض تلف البليه اللى أسفل كاوتش البطاحات

الموضوع: ما هى اعراض تلف المقصات ؟

LinkBack

أدوات الموضوع

عرض

ما هى اعراض تلف المقصات ؟ - انشر الموضوع فى :

-

-

-

-

-

-

-

المواضيع المتشابهه

اعراض تلف المقصات

ايه اعراض تلف المقصات

ما اعراض تلف المقصات

ما هى اعراض تلف جلب المقصات الخلفية؟؟

ما اعراض تلف المقصات

الكلمات الدلالية لهذا الموضوع

المفضلات

المفضلات

ضوابط المشاركة